اليوم الاول: 27 يونيو ده اول بوست ف رحلتي الي...

[Shereen Adel]

اليوم الاول: 27 يونيو
ده اول بوست ف رحلتي الي بلاد القوقاز .. بكتبه وانا راكبة الباص المتجه الي الغردقة من مدينة نصر (لسه معديين بوابات السخنة حالا)
حيثيات التحضير للرحلة وفكرتها اساسا كانت سريعة بشكل مذهل ... قرار السفر جه فجأة .. عشان كده مكنش عندي وقت اقدم علي فيزا واروح انترفيو واجيب اوراق والهري ده ... فدورت علي اسهل بلد ممكن يتاخدلها تأشيرة وصول او اونلاين ... الاول فكرت في سريلانكا ... بس اولا تذكرتها كانت غالية نسبيا .. ثانيا عشان اتحرك جواها لازم ترتيبات وهتكلف كتير برضو لو مش عايزة اسف تراب ... بالتالي اتجهت الي جورجيا ... اسهل فيزا شفتها ف حياتي .. بتدخل علي موقع التأشيرات اونلاين وبتملي ابليكيشن بسيطة وتحمل صورة شخصية ليك وصورة الباسبور .. وتدفع 20$ .. ودمتم ... الفيزا جاتلي ف اقل من 5 ايام عمل!
ارخص طيران لقيته كان aircairo .... لان بعد كده عندك الخطوط التركية داخلة ف خمس الاف مرتاحة .... التذكرة ذهاب وعودة علي اير كايرو دي (ودي اول مرة هاجربها وربنا يستر) ب 287$ شاكب راكب بضرايبها بشنطة 30 كج كمان! المشكلة الوحيدة هي انه بيتاخد من الغردقة او شرم. بس في العصر ده مفيش مشكلة ... ادخل يا عم اونلاين تاني شوف مواعيد الباصات .. احجز تدكرة علي جو باص مفتخرة ب 150 جنيه شاكب راكب وبوجبة كمان من مية وعصير واتنين برانش (واحد بالجبنة وواحد بالفراولة .. اي والله! ) .. فيه طبعا الدرجة الاقتصادية ب 65 جنيه .. بس انا اخترت الانسب كميعاد قيام. فيه كمان اتوبيسات بتاخد 6 ساعات بوقفات .. وفيه بياخد 5 بدون توقف.
في الصور هتلاقي شوية نصايح عن تحضير الشنط ابقوا اقروها يمكن تفيدكم
القاكم عند الوصول في جورجيا باذن الله
تابعوا رحلتي علي هاشتاج #مصرية_في_بلاد_القوقاز
او هاشتاج #جورجيا_اللي_في_اوروبا (وده هحكيلكم قصته المرة الجاية )

 

[إسلام الكنزي]

Ahmed Mohsen

 

[Moutaz Mohamed]

بدايه مبشره و رحله سعيده انشاء الله

 

[Moazz Abaza]

بالتوفيق

 

[Nermeen Nermo Said]

توصلى بالسلامة

 

[Mahenaz Yousef Taha]

متابعه وبشجعك بشده

 

[Ess Mohamed]

Good luck rbna m3aky

 

[Shereen Adel]

عذرا .. كان فيه عطل فني وتعليقات الصور مكانتش منشورة ... تم اضافتها

 

[Moutaz Mohamed]

انا الي شادد انتباهي في الصور الورق البردي الي واخداه عشان توزعيه كهدايا لناس هناك
عايز اقولك هتفرق معاهم جدا برغم بساطه الهديه و هتكسبيهم جدا
انا اما كنت بديهم الجنيه المصري عشان عليه توت عنخ امون كانوا بيطيروا من الفرح عشان بيحسوا انوا حاجه ليها قيمه

 

[Nermeen Mürci]

Good luck w 3o2bali yarab

 

[Mohammad Hijażi]

Nermeen Mürci تعالي معانا كمان اسبوعين ان شاء الله

 

[Shặmş Ăhmễd]

تحضير الشنط ده فن، اه ياني نفسي اسافر بقي

 

[Rony Abo Elnasr]

توصلى بالسلامه و طمنينا عليكى و ان شاء الله تبقى رحله سعيدة انجوى بقى

 

[Mariam A. Saleh]

 

[Faten Tawfiq]

Haytham Sleem. Soha El Nassag Dalia Ahmed Mahmoud Tosson

 

[Faten Tawfiq]

Mahitab Keshk. واخده بالك من ورق البردي

 

[Mohammad Hijażi]

Faten Tawfiq
حد جاهز يجي معانا ان شاء الله

 

[حسام الدين نوير]

ربنا معاكى وافنكرينا بشوية صور حلوة من هناك

 

[Heba Abd-AlQader Ibrahim]

توصلي بالسلامة إن شاء الله، و رحلة سعيدة ☺

 

[Shereen Adel]

Mohamed Elansary