سؤال انا حجزت من booking حجز فندق عشان الشنجن...

[Shadi Amir]

سؤال انا حجزت من booking حجز فندق عشان الشنجن و دخلت المانيا بس مقدرتش الغي الحجز و الفندق طالب مني 1200€ فا لو انا مرحتش الفندق ر الفيزه المستخدمها في الحجز مش ب اسمي ولا فيها رصيد ف كده في مشكله ممكن يمنعوني من الرجوع او يطلبوني ب المبلغ في المطار ؟

 

[Sherif Azab]

لا ولا اي حاجه

 

[Hatem Saber]

هيبقى في مشكلة على صاحب الفيزا انه مطالب يدفع المبلغ المخصوم.
الفيزا فيها رصيد وهمي بيتسحب من صاحب الحساب الأصلي بعدها بشهر. يعني من الاخر مفيش حاجة اسمها الفيزا مفيش فيها رصيد. هي فيها رصيد بس بس يخص البنك و لو اتهم منه حاجة البنك بياخده من صاحب الفيزا.

 

[Mohamed Shalaby]

مفيش مشكله ولا حاجه بس المهم ان الفيزا متحطش فيها فلوس
والاوتيل هيحاول كذا مره يخصم المبلغ من الفيزا فتترفض العميله وخلاص

 

[Mohamed Shalaby]

فكك الحوار خلصان برفض ٣ مرات علي الفيزا
ومفيش مشكله

 

[Osama Arab]

حاول تبعت ايميل الي بوكينج وتطلب منهم الغاء الحجز بدون دفع اي مبلغ لظروف شخصيه
وبوكينج هتحاول بكل احترام تتعمل مع الفندق وتلغي الحجز بدون دفع اي مبلغ
وطبيعي الفندق هيحاول يسحب الفلوس مش هيلاقي فلوس
فهيجبها مجمله ويقول ليك خلاص تم الغاء الحجز بدون خصم فلوس
بس عشان تكون خليت مسئوليتك ادام ربنا والقانون
او اذا حصل الفيزا بقا فيها فلوس ميسحبوش منها
وبالتوفيق

 

[Mahmoud Abd El Hameed]

بص حصل معايا غلطة شبه ديه وقفت الفيزا خالص وطلبت فيزا جديدة من البنك

 

[Ahmed Bakheet]

بص يا باشا عن تجربه الحل الوحيد انك تعدل رقم الفيزا بمعني تخش علي صفحه بوكينج وتحط رقم فيزا تانيه مفيهاش فلوس

 

[Ahmed Nagah]

1200 € ليه ؟ ؟ هو آخره يخصم ثمن اول ليلة لو مرحتش ... اكيد الليلة مش ب 1200€

 

[Abdel Hamid Elbeltagi]

المفروض تدفع سعر اول ليله فقط ثانيا ده حصل معي اتصل ببوكينج وهمه يحاولوا يلغوه بدون غرامات

 

[Sarah Elaraby]

حسب دي credit و لاdebit و الlimit بتاعها. الآنسب يلغي الكارت (يبلغ فقد) و كده محدش يقدر يسحب.

 

[Muhamet A. Shawki]

مافيش كلام دا ، هو بيجرب يسحب ، لو مالقاش رصيد خلاص ولا اي حاجه

 

[Eng Aly Aryain]

انا عملتها كتير جدا معايا فيزا مفهاش رصيد و بحجز بيها

 

[Mohamed Kamal Allam]

ولا الهوا مفيش ضرر لا عليك ولا علي صاحب البطاقه ..

 

[Mohamed Mounir El Tantawi]

فى ٢ سيناريو
الاول الفيزا مفيهاش فلوس متاحة الفندق هيحاول يخصم و ياخد رفض من البنك و ممكن يحاول اكتر من مرة لغاية ما يزهق
الحالة التانية الفيزا فيها فلوس و الفندق خصم مبلغ طالما الفيزا مش بتاعة صاحب الحجز صاحب الفيزا بيبلغ البنك أنة ميعرفش اى حاجة عن عملية السحب دة Claim و البنك بيبعت للفندق لتقديم توقيع صاحب الكارت على إيصال السحب او المستندات المرفقة الدالة على موافقة صاحب البطاقة على عملية الخصم من البطاقة Authorization Form و طبعا الفندق معندوش فالبنك يعمل refund و يرجع الفلوس للحساب و

 

[Sh Shefo]

اولا حجز اي فندق سيدي الفاضل بيكون في شروط الكنسلة زي حجز الطيران فاكان يستحسن تحجز انها قابلة للاسترجاع وفي نو الشو دا بيخصم المبلغ كلو وقت ميعاد وصولك للفندق

 

[Sh Shefo]

ومهما حاولت مش مسترجعة الا اذا جبت سبب معتمد ان في ظروف منعتك تدخل الفندق وكمان البوكينج دا وكيل ملوش علاقة بالفندق ممكن تبعت اميل للبوكينج انو يكنسلها وطبعا هيبعت للفندق ليوافق او لا

 

[Ali E. Elarb]

انت معاك حجز مجاني لحد قبل ميعاد وصولك بيومين للفندق بعد كده بيخصم اول ليله بس

 

[فلوباتبر فيلومينا]

F

 

[Shady Mohamed Safwat]

بقولك ايه ياشادى...عشان انا شايف اراء فوق كتير والموضوع ده حصل معايا كتير..ولا هيحصل اى حاجة..طالما البطاقة مش شغالة اصلا او مفيهاش رصيد ولا عمرهم بيطالبوك بيه او اى حاجة...والمطار ملوش دعوة بأى حاجة يابنى اصلا..عيش وسيبنى اعيش