سؤال بسيط هو احنا ليه بنقلل من انفسنا .....

  • بادئ الموضوع بادئ الموضوع Mustafa Dahshan
  • تاريخ البدء تاريخ البدء
عرض العطلة
M

Mustafa Dahshan

:: مسافر ::
#1
سؤال بسيط
هو احنا ليه بنقلل من انفسنا .. ونكبر من الاجانب

حضرتك اي دوله في العالم شعبها رقم واحد داخل دولته بافعالة وتصرفاته اي كانت افعاله او تصرفاته

مدايق قوي من منظر المصريين في شرم .. طيب مادبي بجلاله قدرها الامارتين بيمشو بالجلاليب في كل حته

الفنادق بتدايق من المصريين .. حضرتك تعرف انك كمصري الفندق بيكسب منك اكتر من الاجنبي ( كنت باجازة ٥ ايام في فندق في مصر انا المصري الوحيد وكنت انا الوحيد اللي بشتري مياه معدنيه والاجانب كل شوية يملو من البار مياه )

الفنادق اللي بتتريق ومش عاجبها المصريين ياريت تحسن من نفسها شويه .. اتحدي ان الفنادق بتغسل الملايات كل اما تتغير والمخدات . خش علي اليوتيوب وشوف الفضايح .. بيخذوا بواقي الاكل ويطبخ مرة تانيه .. شوف تقرير دكتورة شيرين في فنادق ٥ نجوم

بالنسبه للاشخاص ذو العقليه العنصرية اللي مش عاجبك المصريين .. لما تطلع بره مصر وتشوف حد بيعمل زي اللي مش عاجبك ليه بتقول وااااااااو فانتاستيك !!!!

ارتقوااااااااااااا بالله عليكم
 
#3
لا هيا مش عقليه عنصريه هيا حقيقته ، بالارقام و النسب ، وان كنت أعول علي التعليم لأننا لا يوجد عندنا ثقافة السياحة ، و عدم اعترفنا بوجود مشكله حقيقيه بيننا كمصريين لن يؤدي الي حل إطلاقا
 
عرض العطلة
#6
حقيقه ... الفنادق بيتعاملوا بعدم مهنيه و احتقار للجست المصري اللي مشغلهم الفندق اصلا !! ده غير انعدام الصيانة و النضافه و اللباقه و الذوق و الامن حتي ... انا اتسرقت في الاوتيل و العذر ان مفيش كاميرا مغطيه الجزء ده !!
 
#8
انا بس عاوز ازيدكم من الشعر بيت .... الاجانب كمان عندهم النصب عالمي... انا بشتغل في التأمين تلاقيهم يرسلو لك فاتورة بألف يورو طب دي بتاعة ايه يقولك مستلزمات ... تقوله مستلزمات ايه يقولك لا احنا معندناش تفاصيل الفاتورة ولازم تدفع ... فانا في اعتقادي أن الانبهار بالاجانب دي شي محتاج مراجعة مننا ... والمصري اللي بيروح ويسئ الي السياحة كما يزعمون هو من قلة الثقافة مش اكتر زي ما الأجنبي اللي جاي من قري اوروبا حيبقي في نفس الوضع وحيعمل حاجات غريبة بس الغريب أن احنا ممكن نتقبل الأجنبي بكل تصرفاته لكن العربي لا ونبقي مبسوطين اوي وتضحك أنه بيتكلم عربي مكسر واحنا لو اتكلمنا كلمة انجليزي مكسرة يضحك علينا ويتريق ؟؟؟
 
#9
الفنادق بتتعامل مع الكل بعدم حرفيه ولازم نعترف ان الي حصل من عوده ال سياحه الداخليه لأماكن كان الاجانب مالينها وماكانش كتير بيفكروا فيها لأنها كانت مشغولة ومتباعه أظهرت إيجابيات استراتيجية بأهمية السياحه الداخليه وضرورة تطويرها لأنها تجلب وظائف لمن يعمل و توفر عمله صعبه لمن يقضي اجازه فاخره في مصر بدل السفر للخارج...لكن ظهر سلبيه بسيطه جدا ممكن تبوظ الطبخه كلها وهي،بعض السلوكيات السلبية الناتجة عن عدم الخبره في السفر و عدم الوعي بكيفية التصرف بتحضر في الأماكن العامه وده ممكن يتصلح ببعض الوعي ..ولا داعي المزايدة ولا داعي ل إنكار السلبيات ولا الإيجابيات
 
عرض العطلة
#12
كلام عجبنى
البوست الي لف الفيس بوك كله منذ الأمس عن السياحة الداخلية والي مطلع المصريين شوية رعاع غوغاء بيبهدلوا الفنادق ... البوست ده الي لف الفيس وللأسف مصريين كتير بيشيروه بدون تفكير ومتعاطفين مع الفنادق المسكينة التي يدمرها السائح المصري ....

إلى البيه كاتب البوست إلي لف الفيس بوك كله والناس شيرت بدون ما تفكر وإلي مطلع أغلب الشعب المصري همج ومكلف نفسه ومصور ناس بملابسها الداخلية والذي لم يذكر أي شيء عن مساوئ الفنادق واتكلم كأن فنادق مصر تنافس أرقى الفنادق الأوروبية أحب أوجه لك الملاحظات الآتية :

لما أكون طبيبة تفتيش ورئيس لجان التفتيش السياحي وأعمل محاضر في فنادق خمس نجوم بها لحوم من خارج مذبوحات المجازر الحكومية وأحرر محاضر بمضبوطات فاسدة ده إسمه إيه ؟

لما أكون طبيبة تفتيش وألاقي بواقي الأكل وزبالة المطبخ بيعاد طهوها لتقديمها في الأوبن بوفيه وهو أكبر أكذوبة بتضحكوا بيها على الناس والإنسان الي بيفهم ميفرحش بالأوبن بوفيه وبالكميات الي سيادة البيه كاتب البوست بيمن بيها على الناس لأن الأوبن بوفيه في عرفنا كأطباء بيطريين أغلبه من بواقي الأكل .

لما أكون طبيبة بيطرية وأعرف حالات تسمم حدثت لسائحين وتدخلت سفاراتهم وعملت مشاكل ورفعت قضايا ده مش بيسيئ للسياحة المصرية ولا الولد الي مامته بتشطفه من البي بي هو بس الي بيسيئ للسياحة المصرية ؟

لما أكون نزيلة في فندق وأقضي أربع أيام فيه بدون شاور چل أو شامبو وكل شوية أكلم الهاوس كيبينج والريسيبشن وأشتكي ومحدش يسأل هل لو نزيل أجنبي كنتم جرؤتم تتعاملوا معاه كده ؟

لما أكون حاجزة all inclusive وألاقي إدارة الفندق بتضحك عليا والسناكس الي كنت بعتبرها العشاء بتاعي لأني مش بحب وجبة العشاء الرئيسية هي عبارة عن حتة جبنة وكام رغيف عيش في أوبن بوفيه طويل عريض شكله يخليك تقرف تاكل

سيادتك زعلان اوي ان النزيل بياخد البيبسي الي في التلاجة علشان تعملوا ريفيلنج على الرغم انك محاسبه على كل ده ومحدد له كل فرد في الغرفة ليه زجاجة مياه واحده وكان او اتنين بيبسي وصعبان عليك انه اخد حقه منك.. حقه الي هو دافع لك تمنه وانت مش بتديه له مجانا

سرقات الفنادق من ملاعق وشوك وبشاكير وأكواب موجودة في كل فنادق العالم ومن كافة الجنسيات وأعرف ناس عرب في منتهى الثراء كان لازم ياخدوا من كل فندق حاجة بيعتبروها تذكار او فهلوة او شطارة وعمرنا ما لقينا حد اتكلم عن اهل بلده انهم غوغاء وبيسرقوا الفنادق انما المصري لازم نجرسه ونفضحه ونطلعه حرامي بالوراثة ونكتب عنه بوستات تلف الفيس كله وإلي ما يشتري يتفرج

بالنسبة للمطاعم الي بتتلزق في انها سياحية وهي لا تحمل اي ترخيص سياحي اتفرجوا على المنيو بتاعهم وهما بيضيفوا 12% خدمة او بيطبقوا سياسة الحد الأدنى للطلبات minimum charge وهما نصابين ومش من حقهم الفلوس دي .

إدارات الفنادق الي بتتعامل بكل صلف وغرور مع السائح المصري وتعتبره سائح درجة عاشرة ومتخلف مستعدة تاخد بالشوز من أي سائح خليجي ويتنصب عليها زي ما عائلة مالكة خليجية كانت مستعمرة فندق رمسيس هيلتون ومبيدفعوش فلوس وبيتعاملوا بمنتهى الغرور مع ادارة الفندق ولهم بودي جاردز مسلحين داخل الفندق بيرفعوا السلاح على اي حد يغلط ويطلع الدور الي نازلين فيه وكلابهم تسببت في تشوه في وجه طفلة في فندق آخر ومشفناش كاتب البوست الفشيخ ده كتب عنهم او طلعهم رعاع وغوغاء لأن فلوسهم بتتكلم انما المصري غلبان نهينه ونبهدله ونفضحه في كل منبر

المصريين مش ملائكة وليهم عيوبهم زيهم زي اي شعب واتفرجوا على السائح العربي بيعمل ايه في بلدنا لكن ده نغفر له كل شيء علشان فلوسه ونحط ونقلل من قيمة المصري إلي لولاه وعلى كل مساوءه وخطاياه هو الي مشغل الفنادق دي دلوقتي في ظل تدهور ظروف السياحة وتناقص أعداد السائحين ....

الغوغاء هما الي اتريقوا على أهاليهم الي رايحين يعيشوا لهم يومين ووصفوهم بالفلاحين وبتوع الأرياف ونسيوا ان مصر بناها فلاح في يوم من الأيام أبهر الدنيا بحضارته يا شوية حثالة بتغلطوا في أهلكم ....

#عيب_عليكم_يا_فنادق_فضايحها_معانا_نحن_الأطباء_البيطريين

دكتورة شيرين علي زكي ...

رئيس لجنة المتابعة الميدانية بالنقابة العامة للأطباء البيطريين
 
عرض العطلة
عرض العطلة
أعلى أسفل
عودة
قائمة