بحلم يكون فى بطاقه للسفر وسياحه داخل مصر لازم...

  • بادئ الموضوع بادئ الموضوع Alhussain Tawfiq
  • تاريخ البدء تاريخ البدء
عرض العطلة
A

Alhussain Tawfiq

:: مسافر ::
#1
بحلم يكون فى بطاقه للسفر وسياحه داخل مصر
لازم تعمم فى مصر بالكامل
محدش يقدر يسافر غير وهى مع
البطاقه دى هتكون ذكيه وفيها معلومات عنك كامله
الغرض منها تقييمك كشخص
من حيث سلوك فى المدينه اللى هتزورها
تصرفاتك فى الفندق
الغرض منها هو اننا نمنع اى حد سلوكه خطا او مشيين فى حق السياحه داخليه انه يقيم سلوكه لان ممكن يتمنع انه يدخل فندق كبير او انه يحجز فى اى مكان
بقولكم كده وانا زعلان بس احنا كمصريين مطلق الحريه عند بعض ناس بيسبب مشاكل لكل اللى حواليه وخصوصا السياح
وبيسبب ضرر للفندق وخساره فى الاكل واستهلاك وسوء استخدام لكل ما هو جميل
مجرد راى وحبيت اسمع رايكم
WSN0yHj856riFtkvsD9SAJyeztC4FMiG.jpeg
 
#5
و الله لما تبقي الاوتيلات فيها سيرفس نضيفه ابقي اسمحلهم يقيموني؟! انا كنت ف طابا الاردنين خاربين الاوتيلات و كواليتي الاكل زفت هم هيحاسبوني و هم مين يحاسبهم؟؟
 
عرض العطلة
#7
ولو حد شغال في السياحة ليا مشاكل معاه يقلل التقييم بتاعي و يخليني مقدرش اتفسح في بلدي
فكرة جامدة جدا
 
#8
اسأل نفسك أول شخص راح يستحق البطاقة مين اللي راح يعطيه اياها؟
انت شخصياً كيف تثبت حسن سلوكك اذا جيت تحجز فندق فايف ستارز طبعا بما انك حالياً ما عندك بطاقة؟ ترضي يعملولك اختبار تحضر وسلوك ويتم تقييمك؟ ومين اللي عنده بطاقة التحضر عشان يعرف يقيمك؟
ولا راح يتم صرف البطاقه على حسب اسم العايله؟
ولا الحل نجيبلك أجانب من برا يعملولك اختبار حسن تصرف وسلوك؟
 
عرض العطلة
#11
"نمنع اي حد سلوكه مشين في حق السياحية الداخلية"
ليس من حق أي حد أي يمنع حق شخص آخر
تقدر تمنعه من دخول مشروعك الخاص فندقك الخاص منتجعك الخاص بس ما تقدر تمنعه يمشي في بلده
تقدر تمنعه من انه يتصرف بسلوك مشين و تقوم سلوكه عن طريق فرض العقوبات المؤقتة مثل الغرامات او الحبس او القيام بخدمة المجتمع
 
#12
اه ساعات كتير بتضايق وبغير علي بلدي من بعض السلكويات الغير متحضرة من بعض الفئات ولكن الي بتقوله ده مش حل منطقي إطلاقا وفيه نوع من انواع العنصرية ..الاحسن اننا نعمل حملات توعية ازاي الناس تتعامل معلش يعني الفنادق دي والاماكن دي كانت غالية علي المصريين ايام ما كان فيه اجانب لما السياحة وقعت ولجأوا للسياحة الداخلية الناس دي مكنش عندها ثقافة التعامل بس مش اكتر ...حملات توعية تبدء من التعليم والتربية والاعلام
 
#13
كوميديا. زي اي كوميديا في البلد. علشان فءة مش كويسه نعمل نظام يتظلم بسببه فءة اكبر. و ايوة دي منتهي العنصرية. لما البلد تعرف تجبلي حقي من شركات السياحة و الطيران و الفنادق يبقوا يطلبوا تصنيف. عموما مش غريب علي البلد اللي لو اجنبي راكب من المطار ياخدوا بياناته علشان لو حصله حاجة. لو مصري ياخدو منه كارته.
 
#14
حلو اوي ونعتبر نفسنا اوبر او كريم وهم يدونا التقييم ويقولك انت وحش متدخلش الهرم كفايه عليك القلعه
 
#15
اخى الكريم اقتراحك جيد لكن غير قابل للتنفيذ لانه ببساطة مينفعش العامل يقيم رب العمل انا guest ميجيش الفندق اللى بدفعله فلوس يقيمنى بمعنى اصح مينفعش تدى حد فلوس وياخد منك فاتورة بكدة وانا دارس سياحة واشتغلت فيها عارف مدير الفندق كان بيقولى ايه لو الزبون ويقصد الاجنبى طبعا لو خلع الجزمة وضربك متردش عليه فطبيعى انا اللى أقيم الفندق وفيه حاجة اسمها لجنة الشكاوى بوزارة السياحة للشكوى ضد الفندق مش تقييم النزيل وبصراحة هنا اغلب الفنادق للاسف معندهمش ثقافة السياحة الداخلية بس احترام الأوروبيين فقط ده اللى بيفهموه تحياتى
 
عرض العطلة
#17
فكره هبله المفروض الناس تبقي داخله الأوتيل خايفين ياخدوا تقييم سئ ولا كأنهم في حضانه مش كفايه اصلا الكبت اللي البلد كلها عايشه فيه وعلي اي اساس التقييم يتعمل ومين يعمله وايش عرفك ان مش هيبقي فين دوافع وراه زي اي حاجه في البلد ، سلوكيات الناس انعكاس للأحوال الاقتصاديه والاجتماعيه والتعليمية بشكل عام ، ظبط البلد تتظبط الأخلاق . قال بطاقه قال
 
#19
ف بلد فيها قمع للحريات ممكن الداتا دى تستخدم ضدك مش ف صالحك كمواطن عموما ... ولكن ممكن تبقى عبارة عن رخصة بسكور معين ولو عملت حاجة يتخصم منك نقط ولو نزلت فى النقط عن الحد المسموح مثلا تدفع غرامة و تتمنع من دخول المناطق السياحية لفترة (خلينا نقول ٦ شهور مثلا ) وتبقى ملزم تحضر دورة توعية سياحية وف نفس الوقت لو تقييمك عالى تاخد على دة بونص ومكافئات زى رحلات مدفوعة الاجر كاملة او خصومات على فنادق ومطاعم بس برضو وهكذا ☺
 
عرض العطلة
عرض العطلة
عرض العطلة
أعلى أسفل
عودة
قائمة