بصي الحياه هناك رخيصه بس في حاجات علي اساسها هتحدد تصرفي آد ايه
١- الاكل. الاكل التايلندي رخيص بس مش كل الناس بتتقبله فا لو هتكلي في مطاعم انترناشونال هتبقي غاليه و بوكيت مشهورة ب السمك بس برده المطاعم الي مش تايلاندي غاليه لكن ممكن تقدوها من السوبر مركت لو مش عايزه تكلي أكلهم ولا تدفعي كتير
٢- الفسح بوكيت كل فوسحها بعيد بتحجزي مع منظم رحلات و هو بيبعت عربيه تاخد الناس من الفندق و ترجعهم
احجزي كل الرحلات ده مش من الفندق في أكشاك في الشارع الرائيسه هناك الي علي المحيط قريب من الشارع بتاع الكازينوهات و اشتريهم كلهم مره واحده عشان الراجل يديكي ديسكونت كويس
مبيفرقش اوي تشتري من اني كشك لان في الاخر كلهم شركتين تلاته الي بعمولو الرحلات ده و الباقي كله وكلاء لنفس الشركه فا هتطلعي نفس الرحله بغض النظر مشترياها منين
الرحالات ده تقريبا لو اخترتي سيبد بوات مش بيج بوت و ده انا ارشحه اكتر لو بتحبو المغامرة لانه في عدد ناس اقل و بيمشي بسرعه جدا. هيبقي تقريبا من ٤٠٠ ل ٦٠٠ بات الواحد حسب الرحله
فا مثلا لو هتروحي اربع رحلات يبقي ٦٠٠*٤*٢ = ٣٦٠٠ بات
بس اهم حاجه لا تحجزي الرحلات ده من مصر ولا من الاوتيل بيغلو جامد جدا
