N
Noha Rayan
:: مسافر ::
#تجربتي_في_الغردقة
#steigenberger_aqua_magic
#steigenberger_eldau
احنا سافرنا الخميس الصبح واخدنا طريق الجلالة. الطريق من اكتوبر لحد الاوتيل اخد تقريبا ٥ ساعات . من ساعة ما وصلنا والناس هناك شايلانا من على الارض بجد. الخدمة فوق الممتازة وكل العاملين هناك بيضحكوا في وشك.
الاوضة نضيفة جدا جدا جدا ومش ناقصها اي حاجة.
الاكل تحفه وانواع كتير قوي . و مطعم Sky Magic تحفه والview بتاعه مايتفوتش .
الاكوا حلوة قوي وامان للاولاد وفي ناس واخده بالها من كل حاجة . والاكوا بتاعة الصغيرين حلوة وممتعة .
في كمان lazy river او نهر بطيء بنقعد في عوامة والمية بتلف بينا حوالين الاوتيل .
وفي بيسين صغنن كده فوق خالص ارتفاعه ٤٠ سنتي لو حد عايز يقعد بمزاج فوق وممنوع الاطفال.
الولاد كانو عايزين يروحوا البحر فعدينا الممشى ودخلنا شتايجنبرجر الضو. في club car بتوصل وممكن نتمشى . المطعم اللي عالبحر يجنن وفي حاجات كتير تتعمل هناك . عملنا parasailing و ركبنا banana boat. الشو بتاع بالليل متنوع وكل يوم حاجة مختلفة .
في مكان ممكن نسيب فيه الاطفال امان مليون في الميه وشغال من ٩ صباحا لحد ٦ مساءا . بس انا ولادي الحقيقة مكانوش بيطلعوا من البيسين . وكل شوية حد ييجي يتطمن اننا مبسوطين ومش ناقصنا حاجة.
ماحتجناش نخرج من الاوتيل غير عشان الولاد تشوف عرض الدولفين في Water World عند مكادي وده بيعمل خمس عروض مختلفه. ومرة بالليل نزلنا الممشى وركبوا الجمل. بس انا شخصيا مكنتش عايزة اخرج من الاوتيل خالص.
#steigenberger_aqua_magic
#steigenberger_eldau
احنا سافرنا الخميس الصبح واخدنا طريق الجلالة. الطريق من اكتوبر لحد الاوتيل اخد تقريبا ٥ ساعات . من ساعة ما وصلنا والناس هناك شايلانا من على الارض بجد. الخدمة فوق الممتازة وكل العاملين هناك بيضحكوا في وشك.
الاوضة نضيفة جدا جدا جدا ومش ناقصها اي حاجة.
الاكل تحفه وانواع كتير قوي . و مطعم Sky Magic تحفه والview بتاعه مايتفوتش .
الاكوا حلوة قوي وامان للاولاد وفي ناس واخده بالها من كل حاجة . والاكوا بتاعة الصغيرين حلوة وممتعة .
في كمان lazy river او نهر بطيء بنقعد في عوامة والمية بتلف بينا حوالين الاوتيل .
وفي بيسين صغنن كده فوق خالص ارتفاعه ٤٠ سنتي لو حد عايز يقعد بمزاج فوق وممنوع الاطفال.
الولاد كانو عايزين يروحوا البحر فعدينا الممشى ودخلنا شتايجنبرجر الضو. في club car بتوصل وممكن نتمشى . المطعم اللي عالبحر يجنن وفي حاجات كتير تتعمل هناك . عملنا parasailing و ركبنا banana boat. الشو بتاع بالليل متنوع وكل يوم حاجة مختلفة .
في مكان ممكن نسيب فيه الاطفال امان مليون في الميه وشغال من ٩ صباحا لحد ٦ مساءا . بس انا ولادي الحقيقة مكانوش بيطلعوا من البيسين . وكل شوية حد ييجي يتطمن اننا مبسوطين ومش ناقصنا حاجة.
ماحتجناش نخرج من الاوتيل غير عشان الولاد تشوف عرض الدولفين في Water World عند مكادي وده بيعمل خمس عروض مختلفه. ومرة بالليل نزلنا الممشى وركبوا الجمل. بس انا شخصيا مكنتش عايزة اخرج من الاوتيل خالص.