انا مخطط للسفر لامريكا والحمدلله استلمت تاشيرة...

  • بادئ الموضوع بادئ الموضوع Ahmed M Hussein
  • تاريخ البدء تاريخ البدء
عرض العطلة
A

Ahmed M Hussein

:: مسافر ::
#1
انا مخطط للسفر لامريكا
والحمدلله استلمت تاشيرة B1/B2 وجهزت أموري.

توقيت السفر خلال السنه دي.
لغرضين اولا للسياحة ونفس الوقت لاستخراج اذن عمل خلال ٥ اشهر وتخليص الإجراءات القانونية الخاصة بيه والتقديم ع الجرين كارد.

وبدور ع شخص مهتم بنفس الفكره وبيدور ع فرصة ف امريكا واستكشاف الوضع هناك.

وخلال الفترة دي هنتشارك مصاريف الاقامة والتنقل وغيره.

ملاحظة: منفتح ع اي مقاطعة امريكية وع اي خيارات.
 
#3
فيزا B1/B2 دي تقريبا السياحة
فازاي هتقدم على تصريح عمل؟
ثانيا لو انتا واخدها بغرض الاعمال وواخئ دعوة من مؤتمر او جلسة اعمال فالمفروض انك ملكش حق للعمل برضه
 
عرض العطلة
#6
Ahmed M Hussein:
انا عايش في أمريكا وعديت على مراحل الجرين كارد وكده. بص، اللي أنت بتقوله ده مبيحصلش. فيزا السياحة مينفعش تشتغل بيها ولا تغيرها لحاجة تانيه، مدتها 6 شهور ولازم تسيب البلد، ولا هتعرف تطلع رقم التضامن الاجتماعي social security number، ولا حتى رخصة عربية.

الأف الأف الناس جوم أمريكا بفيزا سياحه وقعدوا كام شهر ممكن اشتغلوا غير قانوني، بس في الأخر رجعو تاني لأن أصعب حاجه في أمريكا مش أن أنت تاخد فيزا سياحه، لكن أزاي تعرف تعيش هنا قانوني.

الحلول قليله، منها: الجواز بواحدة أمريكية (وده مش سهل لأن الأمريكان أولا مبيتجوزوش بسرعه وممكن يعيشوا سنين مع بعض من غير جواز، ومش سهل تلاقي حد يحبك وتحبه بسرعه) ، أو بيزنس يكون ضامنك (وده صعب ونادر جدا أن شركه تتحمل مسئولية حد غريب وهي عندها البديل المحلي كتير) وممكن الهجره أو اللجوء أو تكسب لوتري يديك جرين على طول.

لكن تيجي سياحه، مش هتعرف تقدم على أي ورقه قانونيه.
 
#9
طيب معلش مش فاهم اومال الناس اللي بتروح تمتحن معادلة سواء طب او غيره وبعدين بياخدوا الإقامة بيعملوا كده ازاي؟ مع العلم انهم بيروحوا الأول فيزا سياحة
 
عرض العطلة
#13
أنا ماعرفش أنت مخطط إيه لتغيير وضعك من سياحه لمقيم بس بالنسبه للـ social security والرخصه ودول أول حاجه تعملها لو عايز تقيم عارف حتطلعهم إزاي ؟
 
#14
ده ردى عن نقظه تحويل البوست, مش مسموحلى تقريبا أعمل بوست مش عارف. وردى السابق لما بقول مينفعش تحولها لحاجه أقصد الشغل, ومقصدتش الدراسه خالص:
 
#15
هل ينفع أسافر ب (فيزا سياحه) أمريكا و أقدم على (فيزا عمل) من هناك؟ لا مينفعش, وفالبوست ده هشرحللك ليه:

- فيه أنواع مختلفه من فيز غير الهجره Non-immigrant Visas لأمريكا, أشهرهم فيزا سياحه, وفيزا العمل, وفيزا الدراسه.
فيزا العمل لو رايح تشتغل هناك مع حد صاحب عمل, لازم يعملك petition أنه عايزك تشتغل معاه, وتاخده مع باقى الأوراق وتقدم عليه فى السفاره من مصر, تروح أمريكا تشتغل قانونى طبعا.
وفيزا الدراسه برضه حد رايح يدرس فى جامعه ومضبط ورق مالجامعه, وفيزا الدراسه ملكش شغل برضه, لكن ممكن تقدم على تصريح عمل هناك وليه قواعد معينه ساعات يسمحلك بعدد ساعات عمل معينه أو تشتغل بس جوه الجامعه.


فيزا السياحه ودى اللى البوست مركز عليها اكتر عليه, لما تسافر من مصر وتوصل, أنت حالتك جوا البلد: سائح
لما تبقى جوه أمريكا, أنت خلاص مش بتتعامل مع سفاره, أنت بتبدأ تتعامل مع حاجه أسمها USCIS مصلحه الجمارك "الجوازات" والهجره United States Customs and Immigration Services, ودى اللى بتقدم معاها لأى ورق. موقعهم غنى بالمعلومات

زى ما قدمت عالفيزا فى مصر, هنا برضه نفس الكلام, أى حاجه عايز تعملها لازم تكون أولا أنت مؤهل ليها Eligible وثانيا تتبع خطوات التقديم سواء من ملآ الأبلكيشن وأى أوراق أضافيه أو صور هما طالبينها وتدفع مصاريف تقديم الحاجه دى. وتقوم باعتلهم ورقك كله وهما يردوا عليك بعد فتره بقبول أو رفض (فيه طلبات بتحتاج تروحلهم انترفيو برضه). دايما الأوراق الأضافيه بيبقى فيها evidence لحالتك, يعنى لو عايز تبقى طالب أكيد هيطلبوا منك جوابات أو ورق من الجامعه اللى هتدرس فيها, لو أنت أتجوزت مثلا فا هيبقوا عايزين عقد الجواز وغيره, لو أنت عايز تشتغل.. تعالو نشوف
 
عرض العطلة
#16
فيه حاجه اسمها Change of Status أو تغيير الحاله, من سائح لطالب, أو سائح لعامل وغيره. لو أنت عايز تعمل كده. محتاج تملى وتبعت أستماره أسمها I-539, Application to Extend/Change Nonimmigrant Status, وده بيتسخدم لحاجتين يا أما لو عايز تقعد فى البلد مده أطول, أو لو عايز تغير حالتك. تعالو نشوف لو أنا مسافر سياحه أقدر أعمل أيه:
أفتح معايا الصفحه هنا أوريك كل حاجه بنفسك: /Application To Extend/Change Nonimmigrant Status
أول file الابلكيشن نفسه, تانى حاجه ال instructions ودى نفتحها نشوف مين يقدر يعمل أيه:
فى نص صفحه رقم 1 بييدأ يعرف مين يقدر يملآ الاستماره دى Nonimmigrant Categories. رقم 1 مثلا سفير أو وزير أو شخصيه مشهوره, رقم 2 دى للى معاهم ِA-3 فيزا, ودى بياخدوها الناس العاملين لسفير أو موظف حكومى,

رقم 3 اللى تهمنا: B1/B2
نص الكلام اللى فى الأول بيتكلم عن أزاى تقدم على لو عايز تقعد وقت أطول تعمل أيه
النص التانى بيتكلم عن الكاتيجوريز اللى لو أنت فيها ومعاك B1/B2 ممكن تقدم وتغير من سياحه لعمل , وهما 4:
1- لو أنت موظف أو خادم لدى عامل غيرمهاجر
2- لو أنت خادم لمواطن أمريكى
3- لو أنت موظف فى شركه طيران أجنبيه
4- لو أنت مبشر دينى
5- تصنيفات أخرى غير موجوده بالأعلى وهى


رقم 6 بيتكلم لو عايز تحول لفيزا دراسه F-1, ليها خطوات ولازم موافقه مدرسه وغيره, وده برا كلامى فى البوست لأنى مركز على حد معاه فيزا سياحه عايز يشتغل. رقم 11 فيزاJ-1 دراسه تبادليه و13 فيه حالات مختلفه للدراسه برضه فيزا M-1. غير كده أنواع فيز مختلفه عن السياق.
 
#17
فيه فيزا أسمها H-2B Temporary Non-Agricultural Workers
ودى فيزا مش أنت اللى بتقدم عليها, لكن صاحب عمل هو اللى بيقدملك عليها (U.S. agents who meet specific regulatory requirements), ويعنى مش أى صاحب عمل فيه متطلبات برضه لمين يقدر يملاها, أقرأ أكتر المكتوب فىWho May Qualify for H-2B Classification?
صاحب العمل نفسه هو اللى بيملأ الأستماره دى بالنيابه عنك.
I-129, Petition for a Nonimmigrant Worker - /Petition for a Nonimmigrant Worker
وعاما دى فيزا لشغل مش دائم, وبغرض أنجاز عمل والغرض برضه غير الهجره. ولازم صاحب العمل يملأ كل الاوراق قبل ما وقت زيارتك ينتهى فى form I-94, اللى هى الورقه الصغيره اللى بتاخدها وأنت داخل وبتبين أنت قاعد لحد أمتى (غالبا 6 شهور).
 
#18
فيه حاجه تانيه بقى أسمها ال work permit او تصريح العمل I-765, Application for Employment authorization
/Application for Employment Authorization
نفس الكلام, اول حاجه الابلكيشن نفسه, تانى حاجه Instructionsادخل فيها وشوف مين يقدر يقدم عليه:
-الاجئون وطالبى اللجوء
-الطلاب الأجانب
-موظفى الدبلوماسيين
- Employment-Based Nonimmigrantsودى اللى بندور عليها, شغل بغرض غير الهجره, ودى المنطقه الوحيده اللى هتلاقى فيها كلام عن B1/B2 فيزا. فا تقدر تقدم على تصريح عمل

1- لو معاك B1 وأنت موظف أو خادم لدى عامل غيرمهاجر
2- لو معاك B1 وأنت خادم لمواطن أمريكى
3- لو معاك B1 وأنت موظف فى شركه طيران أجنبيه
4- المتزوج ل E-1 او E2
5- 6- 7 أنواع فيز أخرى
.................................................
الجرين كارد قصه مختلفه شويه لأنك بتقديم على تغيير حالتك من أى حاجه لمقيم دائم permanent resident وده تغيير جذرى لأنه بيحولك من حاله غير هجره لهجره وأقامه دائمه
وتقدر تقدم عليه بكذا طريقه, أولهم الجواز, وثانيهم العمل (لازم تبقى نابغه شويه فى العلم, أقرأ رقم 2). هما 8 حالات لو عايز تقراهم من هنا وتشوف الكلام ده منطبق عليك ولا لاء
/Green Card Eligibility Categories
 
#19
فا أختصارا لكل اللى فات, أنت على فيزا سياحه ممكن تغير حالتك اه
سكه التعليم مفتوحه بسهوله شويه, قدم على F-1 فيزا وأبدأ دراسه. بس أنت ممكن تقدم على نفس الفيزا من مصر لو اتقبلت فى جامعه مثلا وقدمت من مصر.

سكه الشغل, مش سهل زى ما أنت متخيل. أنت ممنوع أصلا تشتغل, فا صعب جدا أو مستحيل تدور على شغل وتلاقى وتشتغل وبعدين صاحب الشغل يقتنع بقدراتك, فا يبدأ يعملك ورق. أصلا صاحب الشغل ده مش هيشغلك مالأول عشان مش معاك ورق. وكمان عشان وقتك قصير
ومتفكرش مثلا الأعمال التقليديه زى شغل فى مطعم أو مول مثلا صاحبها يقدر يقدملك على ورق. العمل نفسه و أنت, لازم يكون ليكوا صفات معينه عشان تقدموا.
هل تقدر من نفسك كده تقدم على ورق شغل؟ لا مينفعش. أنت جاى سائح أصلا

فا لو فيه حد يعرف يضبطلك شغل, أكيد هيعرف يعمل كده وأنت فى مصر تروح السفاره زى البرنس تقدم على فيزا عمل.
لكن لو هتفكر هتتيجى هنا وكله هيبقى سهل تقدم ورق وتغير ورقك بسهوله, لازم تسأل نفسك هو ليه كل اللى كان معاهم فيزا سياحه معملوش كده؟ صدقنى كتير جوم هنا, وأشتغلوا أى حاجه, وعدت ال 6 شهور هوا, ورجعوا تانى عشان ميكسروش الفيزا.

أخيرا أنا مش محامى هجره مثلا أو بدعى المعرفه, كل الكلام ده من خبرتى هنا وشويه قرايه. مهمتك أنت تقرأ أكتر معاك موقعهم كله شوف أيه اللى عايز تعمله وأيه اللى ينطبق على حالتك. بالتوفيق للجميع
 
عرض العطلة
عرض العطلة
عرض العطلة
أعلى أسفل
عودة
قائمة