E
Eman Hussien
:: مسافر ::
ازيكم يا جماعه انا اول مرة اكتب بوست علي الجروب بس من كام يوم الفيس بوك كمية بوستات بتتكلم علي سوء تصرف بعض المواطنيين المصريين في الفنادق و ديه انا شايفاه بالظبط زي اللي شاف دكتور مش شاطر و حرامي و قال ان الدكاترة كلهم ولاد كلب اولا انا ضدد اي تعميم لأنه بيضيع المصداقية في الحديث و بعدين عمرك ما شوفت سايح هندي و انت قاعد في فندق 5 النجوم و قاعد بيأكل في الترابيزة اللي جنبك بإيده مش بالملعقة و بيوقع علي نفسه و علي الارض عادي جدا و محدش بيقدر يقوله حاجه ده دافع بالدولار يا برنس الناس اللي بتعمم احب اقولك ان السياحه الخارجية اللي بتيجي مصر تقريبا بتكون من أفقر الأسر في العالم الأجنبي انا كنت رايحه الغردقة في شهر 12 اللي فاتت كنت طالعه ب 3000 ج الليلة و كان في سائحه هولانديه قالتلي انها جاية ب 170 يورو يعني انا و جوزي دافعين 3 أضعاف و انا مش ضدد ان نعاملهم كويس لأن ده حقهم و فرض واجب علينا لأنهم ضيوف في بلادنا و السياح الأجانب بيفاصلوا زي المصريين بالظبط البوستات بتاعة المصريين كخة هي ديه اللي بتبوظ السياحه مش اللي نازل بالشورت مش براند في اللوبي لأن في ايطاليا بينزلوا لومؤخذة بالملابس الداخلية في النافورة و احنا بنروح هناك نفتكر ان روحنا الجنة حبوا بلادكم يا جماعه حتي لو في سوء تصرف من بعض الأشخاص انت يا كويس يا نظيف يا محترم انصحهم داري عليهم مش تشردلهم في المواقع .
اسفه اني طولت بس من غيظي والله
و طبعا كلامي ملوش علاقة بالحرامية
اسفه اني طولت بس من غيظي والله
و طبعا كلامي ملوش علاقة بالحرامية