دلوقتي ياشباب تذكرة العودة بتاعتي المفروض...

  • بادئ الموضوع بادئ الموضوع Yas Here
  • تاريخ البدء تاريخ البدء
عرض العطلة
Y

Yas Here

:: مسافر ::
#1
دلوقتي ياشباب تذكرة العودة بتاعتي المفروض هوصل اسطنبول الساعه 11.55 , واركب طيارة الاسكندريه الساعه 00.55 يعني ساعه عشان اطلع من الطياره دي والحق الطياره التانيه ؟؟؟ ياتري ممكن الحق ؟؟؟ ولو لاقدر الله ضاعت عليا هلبس في الحيط ؟
 
#3
لو الطيارتين نفس خطوط الطيران و الشنط حتنتقل مع نفسها و اول ما تطلع من الطيارة الأولى تجري و توري نفسك لأي موظف في طوابير تفتيش الترانزيت... عندك أمل تلحق.. و لو ملحقتش ، شركة الطيران تدبر لك الرحلة التالية
 
#5
توضيح بس انا هكون في إيطاليا و انزل اسطنبول ترانزيت ساعه واركب طياره اسطنبول اسكندرية.. فامش هل ساعه كفايه ولا ايه
 
عرض العطلة
#6
لو حجز الطيارتين على نفس شركة الطيران ما تقلقش هما مسئولين عن اي تأخير وانت مش حتتحمل اي حاجة وعموما ساعة مش وقت قليل ما تقلقش انا ليا تجربة ترانزيت في مطار ابو ظبي على طيران الاتحاد وكان بين الطيارتين ٥٠ دقيقة ولحقت الطيارة عادي واستنيت كمان في الجيت حوالي ربع ساعة
 
#7
انا كنت رايح لكوريا
وترانزيت ابوظبي وفرق 45 دقيقية وراحت الطيارة
نفس الشركة
حجزولى غرفة فى فندق لحد الطيارة الى بعدها بس خليك حازم معاهم
 
#8
ساعة تكفي بس خلي بالك مطار اسطنبول كبير فلازم تتأكد من الجيت عشان ساعات بتتغير .
اول ما تنزل شوف اول بورد و شوف رقم الطيارة التانية في انهي جيت .
 
#9
تلحق عادى بس اول ما تنزل تشد شوية فى المشى و بصراحة الناس على الكونتر بيقدروا و بيمشوا بسرعة علشان عارفين الترانزيت
 
#10
اهم حاجه يكون معاك boarding
أو عامل Check in بالموبايل قبلها ب٦ ساعات أو اكثر
شنطك تكون متحوله على اخر destination وعليها ستيكر transfer
بكده فرصة الطياره تضييع قليله
إذا حاجه من فوق مش موجوده للاسف مش هتلحق
 
عرض العطلة
#11
مستحيل تلحقها لاكثر من سبب اولا مطار اسطنبول كبير قوي و حتاخد وقت علشان توصل جيت برج العرب لانه مرمي في اخر نقطه في المطار ثانيا بةابه التفتيش بتاعه الترانزيت طوابير طويله موت ثالثا دايما بتكون طياره برج العرب اوفر بوكينج فبيقفلو الجيت بدري اسنهبال علشان اللي زي حالاتك ما يلحقاش و لو فرض انك لحقت الطياره شنطك مش حتوصل الطياره التانيه الوقتت مزنوق موت و لو طيارتك اتاخرت ربع ساعه بس انت في الباي باي انا لسه راجع في طياره برج العرب من اسبوعين و احنا مسافرين طياره اسطنبول وصلت برج العرب متاخره 45 دقيقه
 
#12
انتوا بتتكلموا فيه ايه يا جدعان ده .ده مواعيد الطيارات العن مليون مرة من مواعيد قطارات مصر .....انا نفسى اركب طيارة واوصل فى ميعاد مظبوط
 
#13
لا مش كفاية مطار تركيا كبير جدا و لو ملحقتيش الطيارة هتدفع غارمة انا دفعت السنة اللى فاتت ٢٠٠ يورو احسن حاجة غيرها نصيحة الخطوط التركية بتقفل باب الطيارة قبلها بساعة و المطار كبير جدا
 
#14
اول ما تنزل هتوری ال boarding pass لای ظابط واقف هیخلیك تعدی فی طابور ال first class ده بیهقی قصیر وسریع، هتجری شویه فی المطار بس لو انجزت فی التفتیش هتلحق وفی کل الحالات الشرکه مسئوله توفرلك تذکره بدیله مدام حاجز عن طریقهم وشرکه واحده
 
#15
انا يعني ممكن اعمل معجزه والحق لكن شنطتي ماتوصلش وممكن يحصل العكس والشنطه توصا وانا الي ماوصلش... قي الحالتين شكلي مش هشوف الشنطه دي تاني.. للاسف انا بعد التعليقات الايجابيه الي في الأول اكدت الحجز
 
عرض العطلة
#16
في risk عالي اوي اي تاخير في طيارتك اكيد هيضيع عليك الطياره التانية
والمعروف اكل مده ترانزيت بتكون ساعتين عِشان تلحق ما بالك بقي مطار اسطنبول اللي هو اساسا هرجلة احتمالات انك تلحق ضعيفة واحتمال انك شنطتك تطلع علي الطياره اضعف يعني يفضّل تغير الحجز
 
#19
بعملها كتير مرة كل شهر تقريبا. متقلقش خالص لو الرحلتين خط طيران واحد لانك المفروض اصلا بتعمل تشيك ان للرحلتين سوا في مطار السفر الاولاني. و عليه لو طيارتك الاولي هي اللي اتاخرت هيوقفلولك التانيه تستناك شوية. لو الطيارة الاولي اتاخرت اوي لما تنزل اسطانبول هيقولولك هنبيتك في فندق و نسفرك تاني يوم و احتمال يعرضوا عليك تعويض مالي كمان. اهم حاجة اول متنزل من الطيارة دي تروح علي دي. و ده بياخد اقصي تقدير نص ساعة لو عديت علي السيكيورتي و اقل لو معدتش. و لو لقست السيكيورتي تشيك زحمة. في مكتب للخطوط التركية قبل السيكيورتي في صاله الترانزيت. تقولهم عندي طيارة تانيه قريبه هيبعتوا معاك موظفة تعديك السيكيورتي في ثواني.
 
عرض العطلة
عرض العطلة
عرض العطلة
أعلى أسفل
عودة
قائمة