عمرك سمعت ان الروسين بيقولو بلاش الروسين يعملو...

  • بادئ الموضوع بادئ الموضوع Ali Abdo
  • تاريخ البدء تاريخ البدء
عرض العطلة
#123
كنت بقول الكلام ده لسة لاني راجعة من شرم ومقررة ماروحش تاني من المعاملة وعدم النضافة والاهمال! فنادق خمس نجوم في مصر فعلا سيئة وماتستاهلش، بجد النضافة منعدمة من فنادق مصر !!!! سواء ميريديان ولا ماريوت دول اللي رحتهم! واتصدمت! لاني راجعة من دبي بشوف الخمس نجوم ده لازم تكون نضافته ومعاملته على اعلى مستوى مش سبهللة بس احنا عندما كل حاجة سبهللة!!!
سياحة ايه بلا وكسة عليهم :) شرم كلها سعوديين : )))))))!! سياحتنا لاخوانا العرب ماشفتش الا أسرتين اجانب اه والله :)
 
عرض العطلة
#126
الصراحة انا بقالي ٦ سنين شغال في السياحة قبل حادثة الطيارة كان اوحش زبون تتعامل معاه كان الروسي
كان بياكل كتير وبيشرب بغباء وعلي طول ماشي سكران بس ماكنش بيأذيك ولا يتطاول عليك
حصل موضوع الطيارة بقي اوحش اتنين تتعامل معاهم هما المصريين والخلايجة
طبعا انا مش عاجبني اني أتكلم عن ولاد بلدي كده بس فعلا دي الحقيقة
رمي زبالة في الشارع ورمي عيش للسمك وده غلط اصلا اكل كتير بيترمي في الرابش مع ان من حقك تاكل مرة واتنين وعشرة بس متخليش حاجة تفيض منك (ان المبذرين كانوا اخوان الشياطين)
الصوت العالي والتحرش بالأجانب ووو
طبعا فيه مصريين كتير محترمين جدا في التعامل والذوق والأدب
بس السيئة تعم
كتير مش هيعجبه كلامي بس لما تشوف بعينك كمية المهازل اللي بتحصل كل يوم في الفنادق
ولما تتعامل مع الإنجليز والالمان وتشوف الفرق في المعاملة بينه وبين الخليجي والمصري هتعرف كمية البؤس اللي السياحة في مصر وصلتلها
 
#127
محدش قال ميعملش سياحة يعمل بس بالاحترام ورقى و ادب ... انا بشتغل فى سياحة عمرى ما اجنبى اعترض على فندق عمرى ما حد قالى دا الجست الاجنبى خد بعض محتويات الغرفة او اتخانق مع حد ... حتى الصنين اللى هما اصعب من الروسي محدش اهان عامل مصرى ولا اكل ورماله الاكل حوالين الكرسي ... دا المصرى مسبش حتى البيئه فى حالة وكسروا شعب و اصطادوا سمك ملون غير الترسة ... المصرى يسافر احسن له بره علشان بيحترم نفسه بره انما فى بلده بيتعالى على اصطف الفندق ويشتم ويعاكس هو لو سافر هيعامل العمال كدا ابدا لا يجرء

ولعلم انا عندى عملاء مصريين لو جبتلهم فنادق عاليه جدا فى شرم يقولك لا شرم لمت وبقت بهدلة والاغلبية بقى يحجز مرسي علم علشان لسه متهلكتش
 
#128
هي ليه الناس شايفين اني بدافع عن السلوك السئ الي ممكن يحصل في اي مكان ؟؟
ليه مش شايفين اني بدافع عن حق المصرين في بلدهم
لسه مش شايفين ان زعلان من تشويه سمعة المصرين و شكلهم قدام العالم

هات اي جمله كتبتها بتقول اني بدافع او راضي عن اي حاجه غلط بتحصل
معتقدش ان الكلام الي مكتوب محتمل تقويل او تفسير مختلف
 
#129
أسوأ حاجة ممكن حد يعملها أنا ينافس حد تاني ويربط أسلوبه الغير مرغوب بأن ناس كتير بقت كدة أو بتعمل كدة وهي جت عليا .... لو كانت الغلطة فحق الأجنبي قيراط، فالغلطة فوشنا 24 قيراط ما نقعدش نقول بقي بص الروس والصينيين وغيره وغيره ✋ طبعا مأقدرش أن المصري مابيتقدرش ولا بياخد أي 10% من حقه وأن الـ staff فأي حتة بيبصلو علي أنه فلاح أو همجي دايما بيبصلو بنظرة عادل امام فالواد سيد الشغال "ايه اللي جابك هنا"
 
#130
اتفق معاك وانا رايي بلاش سياحه داخليه واللي معاه فلوس يا جماعه و بيعمل سياحه داخليه و بينفع البلد و هو قادر يسافر بره الاحسن ليه يسافر بره لان الجماعه المصريين بتوع الفنادق مش طايقين المصريين وبيعاملوهم كلهم زي بعض يعني المعامله زفت مع المصري الكويس ومع المصري الوحش .. فا انا كمصري قادر هسيبلهم الجمل بما حمل
 
عرض العطلة
#131
الناس اللى بتقول ما الاجانب اوسخ من المصريين فيا حضرات ده مش مبرر اننا نبقى وسخين زيهم
الاجنبى دى لا بلده ولا تفرق معاه اصلا فى حاجه. هو فى بلده بيتصرف زى الجزمه مايقدرش يغلط
دى بلدنا واذا ماكناش احنا نحافظ عليها محدش هيحافظ لنا.
نفس المصريين اللى بيتصرفوا وحش دول لما بيسافروا بره بيبقوا فى منتهى الالتزام والادب لما بيشوفوا اهل البلد بيتصرفوا ازاى
السياحه لو خربت الاجنبى مش متضرر هيدور على حته ارخص يسافرلها لكن احنا وبلدنا المتضررين.
بدل مانقول ماهم وسخين نبقى قدوه لهم و نقومهم و نبلغ عنهم كمان اداره الفندق لو اساءوا استخدام المرافق
احنا عشان السياحه اتضربت بنشوف اقذر فئه اللى كانت الفنادق بترفضهم زمان الا فنادق معينه زى الروس و بتوع شرق اوروبا
ولغايه اواخر التسعينات الروس كان تواجدهم فى الغردقه ( فنادق معينه ) و فندقين فقط فى شارم اللى بيقبلوهم
شارم كلها كانت الاقامه بالفطار فقط دلوقتى بيضطروا يبيعوا اقامه شامله علشان الناس تروح
فمش هنبقى احنا والزمن عليهم
 
#132
معلش يعني بس كل كلامك دا بلح ،، اغلب المصريين بيروحو يبهدلو الدنيا بدايه من البوفيه لحد سريره وهو جي ينام الا ما رحم ربي يعني
 
#133
اى حد اشتغل فى السياحة هيقول لحضرتك ان كلامك دة مش منصف بالمرة...لاننا فعلا سيئين جدا جدا ودى مش عجرفة من العاملين فى السياحة ولا حاجة ..والزبون المصرى حتى لو دافع ملايين بردة بيبقى اعفن من اعفن اى جنسية تانية ..ناهيك عن العجرفة والتناكة وقلة الزوق ..
 
#134
طب مش عايزه اصدمك و اقولك كل دا للأسف حقيقي انا عايشه في شرم سلوك أغلب المصريين صعب جدا.احنا عندنا مطعم علي واجهة أوتيل دخل 10 مصريين كانوا نزلاء في الأوتيل دا طلبوا مشروبات بس و نزلهم الشيك قالوا احنا لينا خصم20% علشان احنا نزلاء هنا قولنالهم الخصم دا للأكل بس و مع ذلك عملنالهم الخصم بدل 135جنيه كان 115 راح اللي بيدفع قالنا انا مش هدفع غير 105 و حطهم و مشي و كنت في أكوا بارك مع بنتي 5 سنين بتلعب في حمام سباحة الأطفال و في واحده بنتها 10 سنين مخليه بنتها تنزل بالشوز و بيجاما يعني ميكروبات و قرف. و في مواقف تانيه بالهبل
 
#135
معظم اللى بيدافع عن اسلوب الادارة المصرية وتسويئ سمعة المصرى اللى شغالين هناك سبحان الله رغم انهم بيشوفو الهمجية فى فئة قليلة رغم كدة معاملتهم زفت للمصرى وأحب اقولكم سيبنهالكم اشبعو بيها لان المصريين المحترمين طفشو من أسلوبكم
 
عرض العطلة
#136
كل الأماكن في الدنيا فيها الكويسين وفيها الي مش كويسين مينفعش نعمم بمجرد موقف حصل..أنا بشوف جنسيات ثانية بتعد تشتم في ولاد بلدهم بردو..مبقتش بستغرب ساعات من همهم وقرفهم بيقولو أي حاجه أو يمكن الصدمة في موقف ما وصلتهم للانفعال والحكم على أن كل الفئة دي فيهم الصفة الفلانية
 
#139
روح حضرتك شرم الشيخ والغردقة وانت تعرف بنفسك اذا كان الكلام حقيقى وللا كدب. ده انا و جوزى مادخلناش شرم الشيخ من 2014 بسبب الهمجية و قلة الأدب إللى بنشوفها فى الفنادق إللى كنّا بننزل فيها بالرغم من انها أفضل فنادق شرم الشيخ او كانت أفضل فنادق
ده غير المعاكسة و قلة الأدب ده انا كنت ببقى فى نص هدومى قدام جوزى و مش عارفة أقوله حاجة كنت للأسف بكدب عليه عشان اجمل الصورة لكن هو كان بيفهم من إللى بيشوفه.. هو آه مش بيعرف عربي لكن بيبقى شايف. شعب معظمه جاهل و تحت خط الفقر فلازم سلوكه حيكون كدة و ده شىء طبيعى و حضرتك المفروض ماتدافعش عن الغلط لو عايزين البلد تتقدم بجد
 
عرض العطلة
عرض العطلة
عرض العطلة
أعلى أسفل
عودة
قائمة