N
Nona Moo
:: مسافر ::
بس فعلا احنا محتاجين نغيرر حجات كتير ف ثقافتنا النظام النظام والسلوك ‘ انا كنت بقول زي حضرتك كده بالظبط والمصري اهم من الاجنبي ودي بلدنا ولزم نتبسط احنا بيها بس للاسف مطلعش كل المصريين زيي بيروحوو بنظام وبيلتزمو بالتعليمات انا معاك اننا بندفع اكتر طيب تمام كده معانا فلوس ايه بقي المشكله ف ان الي يروح ويدفع التمن ده يجيبله كم طقم حلو كده يظهر ببهم وبلاش الجلاليب الي كانو الرجاله بينرلو ببها ماشي هنقول حريه طيب نيجي للتانيه ايه المشكله ف شراء مايوه حتي من التوحيد والنور ليه ليه ينزلو السيدات بعبايات ولبس خروج ليه وليه البنات بسالوبيتات جينز ليه وليه بيرمو البامبرز جمب البسين علطول والي نازل وطالع يخبط فيه ليه ليه المناظر الي تاذي العين بس فعلا عندنا مشاكل لازم نعترف بيها مش كل الناس نضيفه زي حضرتك وده كان جزء صغير من الي شوفته ف رحلتي للغردقه الاسبوع الي فات ومش هحكيلك بقي ع الاكل ولا الاكوا الي الواخد كان ينزل بالعوامه يلاقي الي مستنيه تحت وياخدها قبل اي حد تاني لازم حد ينظمنا النظام مابيطلعش للاسف مننا لوحدنا اه افتكرت موقف سايبه حاجتي ع الشيزلونج خرجت لقيت الي جميي ماسكه لايف جاكت ابني والله ماعرف مسكته لما طلعت عشان تقولي ولا كانت مسكاه واتفاجات وطلبت ابنها يلبسه شويه ووافقت عشر دقايق بس عشان ابني والعشرره بقو ساعه واحنا الي رحنا جبناه منها فعلاا في ناس بس محتاجه تغير من سلوكها مش اكتر لكن انا معاك البلد بلدنا ولازم نتبسط بيها بس صدقني مش بالمنظر ده
M
Marina Adel
:: مسافر ::
انت مصدق اللى كاتبه ولا بتضحك بيه ع نفسك ؟؟؟ يعنى انت بتطالب المصريين اللى بيغيرو البامبرز ف البسين ومبوظين الفنادق معاكسات وقله ادب والمفروض انها فنادق محترمه انه يبقى براحتهم واشطه عادى، وبعدين مصريين ايه اللى بيدفعو اكتر ! دول طالعين مع نقابات واوفر بملاليم الاجانب بيدفو بالدولار حضرتك او اليورو ده لو انت مركز يعنى، فنعم يعنى انت بتخاطب الناس اللى مش عاجبها عدم النضافه والاحترام بتاعت المصريين اللى بالشكل ده !! لأ قبل ماتكتب بوست زى ده اكتب بوست للفنادق انها تحافظ ع سمعتها مش بانها ترفض وجود المصريين لأ بأنها تحط قوانين للمكان اللى ميلتزمش بيها ينزل عليه غرامه. قوانين للنظام..
انت كده كأنك بتقول للمصريين اللى بيحافظو ع شكل ونضافه وسلوك المكان انهم يقعدو ف بيوتهم او يسافرو بره وده طبعا صعب ف الاسعار والزيادات ولو مش عاجبكو اقعدو وسط الزريبه اللى المفروض نتقبلها عشان نبقى مصريين وحلوين وكيوت :/ اكتب للنظام وقوانين ومحافظه ع المكان مش تقبل الغلط عشان نبقى كيوت قدام الناس ! كلامك غللللط و تقبل غلط عشان مظاهر.. عمر مامصرى هيتكلم عن حد غيره الا لو السلوك غلط ومفيش نظام ف المكان وزريبه زى الصور مابينه متبوظش اماكن طبيعيه ونضيفه عشان تعيش لأ عيش بس بقوانين بسيطه.
انت كده كأنك بتقول للمصريين اللى بيحافظو ع شكل ونضافه وسلوك المكان انهم يقعدو ف بيوتهم او يسافرو بره وده طبعا صعب ف الاسعار والزيادات ولو مش عاجبكو اقعدو وسط الزريبه اللى المفروض نتقبلها عشان نبقى مصريين وحلوين وكيوت :/ اكتب للنظام وقوانين ومحافظه ع المكان مش تقبل الغلط عشان نبقى كيوت قدام الناس ! كلامك غللللط و تقبل غلط عشان مظاهر.. عمر مامصرى هيتكلم عن حد غيره الا لو السلوك غلط ومفيش نظام ف المكان وزريبه زى الصور مابينه متبوظش اماكن طبيعيه ونضيفه عشان تعيش لأ عيش بس بقوانين بسيطه.
N
Naglaa Rizk
:: مسافر ::
الحقيقة كلام حضرتك يدعو للدهشة و العجب !!
إزاي بلد ينصلح حالها و أهلها بيدافعوا عن الباطل و الغلط و يلوموا علي من معه الحق ؟!!!
اي منشأه في الدنيا من حقها تمنع من يخالف التعليمات المتبعة فيها او يتعدي علي منشآتها و أملاكها
و في عقيدتنا الاسلاميةقاعدة شرعية تقول ( لا ضرر و لا ضرار )
إزاي بلد ينصلح حالها و أهلها بيدافعوا عن الباطل و الغلط و يلوموا علي من معه الحق ؟!!!
اي منشأه في الدنيا من حقها تمنع من يخالف التعليمات المتبعة فيها او يتعدي علي منشآتها و أملاكها
و في عقيدتنا الاسلاميةقاعدة شرعية تقول ( لا ضرر و لا ضرار )
Z
Zeinab Mohamed
:: مسافر ::
ده غير اليفط الذل بتاع الاوبن بوفيه في مكان محترم من المفترض 5 ستارز يكتب كل علي اد مقتدرتك !!! تم تهدير مش عارفه كام كيلو كان ياكل كام شخص... قبل ما يذلوا الناس علي خدمه واخدين حقها اضعاف مضعفه علي فطار لا يرقي يكون في اوتيل 5 ستارز .. يبصوا علي صيانه الغرف علي نضافه يبصوا علي اسلوب تعاملهم الي لا يرقي يكون في مكان مفروض الشاغلين في محترمين و محترفين
A
Ahmed Tohamy
:: مسافر ::
انا لما سافرت شوفت فعلا ان المصريين وحشين جدا فالتعامل مع الخدمه المقدمه ليهم بس الاجانب اى كان جنسيته فى منهم اقذر من بعض المصريين اللى بيروحوا يخربوا الدنيا هناك و انا كنت شغال فالسياحة و فندق فشرم وده كنت بشوفه كل يوم فا زى ما فى مصريين وحشين و سييئين كمان فى اجانب كده و طبعا فى مصريين محترمين و كويسيين جدااا و افضل من مليون واحد اجنبى بس الناس اللى كتبت الكلام ده كلامهم مظبوط و بيحصل و فعلا الحقيقه اسوء بكتير من الكلام فا ده مش بيبوظ سياحه بالعكس بينبه المسؤلين انهم يتحركوا علشان يتم علاج المشكله و انه اللى رايح سياحه لازم يبقى فاهم انه رايح يستجم و يستريح من غير ما يأذى الاخرين و لازم يبقى فى قوانين تعالج الكلام ده و تتنفذ على المصريين و الاجانب اى كان جنسيه امه ايه
Θ
ΘΜηια βαΗαα Ει σιη
:: مسافر ::
هو اللي بتقولوا دة صح
و علي فكرة احنا معندناش سياحة
و الفنادق بتتعامل مع المصريين بحقارة من اللي بيشفوه من غيرهم
و عن الناس اللي عايشين برة متقلقش بينزلوا و بيدفعوا و مش بيخدوا حاجة و بيقرروا ميجوش عندنا تاني
و دة حصل و انا كنت جزء منه
سواء كان المصري اللي رايح الفندق او اللي شغال هناك اللي الاثنين معندهمش ثقافة تعامل
فلو حنتكلم عن السياحة لا حضرتك معندكش و مش حيبقي عندك و لا داخلية و لا خارجية لحد ميبقي عندك ثقافة تعامل
و علي فكرة احنا معندناش سياحة
و الفنادق بتتعامل مع المصريين بحقارة من اللي بيشفوه من غيرهم
و عن الناس اللي عايشين برة متقلقش بينزلوا و بيدفعوا و مش بيخدوا حاجة و بيقرروا ميجوش عندنا تاني
و دة حصل و انا كنت جزء منه
سواء كان المصري اللي رايح الفندق او اللي شغال هناك اللي الاثنين معندهمش ثقافة تعامل
فلو حنتكلم عن السياحة لا حضرتك معندكش و مش حيبقي عندك و لا داخلية و لا خارجية لحد ميبقي عندك ثقافة تعامل
M
Mahmoud H. Zedan
:: مسافر ::
الناس الى بتغلط فى المصريين هو انتو يعنى اتعميتو مش شايفين غير المصريين ولا انتو نسيتو انكو مصريين !! مش شايفين كلام الناس و تجاربهم مع الاجانب برده و حاجه زفت عادى يعنى !! ولا هو عقدة الخواجه؟ الى مستقصد المصريين دول حد مغرض مهو يا اما تقول حل محترم يا اما تسيب البلد مش هتقف عليك يا سيادة الباشا الى مفيش منك اتنين
N
Noha Amin
:: مسافر ::
البوست الي لف الفيس بوك كله منذ الأمس عن السياحة الداخلية والي مطلع المصريين شوية رعاع غوغاء بيبهدلوا الفنادق ... البوست ده الي لف الفيس وللأسف مصريين كتير بيشيروه بدون تفكير ومتعاطفين مع الفنادق المسكينة التي يدمرها السائح المصري ....
إلى البيه كاتب البوست إلي لف الفيس بوك كله والناس شيرت بدون ما تفكر وإلي مطلع أغلب الشعب المصري همج ومكلف نفسه ومصور ناس بملابسها الداخلية والذي لم يذكر أي شيء عن مساوئ الفنادق واتكلم كأن فنادق مصر تنافس أرقى الفنادق الأوروبية أحب أوجه لك الملاحظات الآتية :
لما أكون طبيبة تفتيش ورئيس لجان التفتيش السياحي وأعمل محاضر في فنادق خمس نجوم بها لحوم من خارج مذبوحات المجازر الحكومية وأحرر محاضر بمضبوطات فاسدة ده إسمه إيه ؟
لما أكون طبيبة تفتيش وألاقي بواقي الأكل وزبالة المطبخ بيعاد طهوها لتقديمها في الأوبن بوفيه وهو أكبر أكذوبة بتضحكوا بيها على الناس والإنسان الي بيفهم ميفرحش بالأوبن بوفيه وبالكميات الي سيادة البيه كاتب البوست بيمن بيها على الناس لأن الأوبن بوفيه في عرفنا كأطباء بيطريين أغلبه من بواقي الأكل .
لما أكون طبيبة بيطرية وأعرف حالات تسمم حدثت لسائحين وتدخلت سفاراتهم وعملت مشاكل ورفعت قضايا ده مش بيسيئ للسياحة المصرية ولا الولد الي مامته بتشطفه من البي بي هو بس الي بيسيئ للسياحة المصرية ؟
لما أكون نزيلة في فندق وأقضي أربع أيام فيه بدون شاور چل أو شامبو وكل شوية أكلم الهاوس كيبينج والريسيبشن وأشتكي ومحدش يسأل هل لو نزيل أجنبي كنتم جرؤتم تتعاملوا معاه كده ؟
لما أكون حاجزة all inclusive وألاقي إدارة الفندق بتضحك عليا والسناكس الي كنت بعتبرها العشاء بتاعي لأني مش بحب وجبة العشاء الرئيسية هي عبارة عن حتة جبنة وكام رغيف عيش في أوبن بوفيه طويل عريض شكله يخليك تقرف تاكل
سيادتك زعلان اوي ان النزيل بياخد البيبسي الي في التلاجة علشان تعملوا ريفيلنج على الرغم انك محاسبه على كل ده ومحدد له كل فرد في الغرفة ليه زجاجة مياه واحده وكان او اتنين بيبسي وصعبان عليك انه اخد حقه منك.. حقه الي هو دافع لك تمنه وانت مش بتديه له مجانا
سرقات الفنادق من ملاعق وشوك وبشاكير وأكواب موجودة في كل فنادق العالم ومن كافة الجنسيات وأعرف ناس عرب في منتهى الثراء كان لازم ياخدوا من كل فندق حاجة بيعتبروها تذكار او فهلوة او شطارة وعمرنا ما لقينا حد اتكلم عن اهل بلده انهم غوغاء وبيسرقوا الفنادق انما المصري لازم نجرسه ونفضحه ونطلعه حرامي بالوراثة ونكتب عنه بوستات تلف الفيس كله وإلي ما يشتري يتفرج
بالنسبة للمطاعم الي بتتلزق في انها سياحية وهي لا تحمل اي ترخيص سياحي اتفرجوا على المنيو بتاعهم وهما بيضيفوا 12% خدمة او بيطبقوا سياسة الحد الأدنى للطلبات minimum charge وهما نصابين ومش من حقهم الفلوس دي .
إدارات الفنادق الي بتتعامل بكل صلف وغرور مع السائح المصري وتعتبره سائح درجة عاشرة ومتخلف مستعدة تاخد بالشوز من أي سائح خليجي ويتنصب عليها زي ما عائلة مالكة خليجية كانت مستعمرة فندق رمسيس هيلتون ومبيدفعوش فلوس وبيتعاملوا بمنتهى الغرور مع ادارة الفندق ولهم بودي جاردز مسلحين داخل الفندق بيرفعوا السلاح على اي حد يغلط ويطلع الدور الي نازلين فيه وكلابهم تسببت في تشوه في وجه طفلة في فندق آخر ومشفناش كاتب البوست الفشيخ ده كتب عنهم او طلعهم رعاع وغوغاء لأن فلوسهم بتتكلم انما المصري غلبان نهينه ونبهدله ونفضحه في كل منبر
المصريين مش ملائكة وليهم عيوبهم زيهم زي اي شعب واتفرجوا على السائح العربي بيعمل ايه في بلدنا لكن ده نغفر له كل شيء علشان فلوسه ونحط ونقلل من قيمة المصري إلي لولاه وعلى كل مساوءه وخطاياه هو الي مشغل الفنادق دي دلوقتي في ظل تدهور ظروف السياحة وتناقص أعداد السائحين ....
الغوغاء هما الي اتريقوا على أهاليهم الي رايحين يعيشوا لهم يومين ووصفوهم بالفلاحين وبتوع الأرياف ونسيوا ان مصر بناها فلاح في يوم من الأيام أبهر الدنيا بحضارته يا شوية حثالة بتغلطوا في أهلكم ....
#عيب_عليكم_يا_فنادق_فضايحها_معانا_نحن_الأطباء_البيطريين
دكتورة شيرين علي زكي ...
رئيس لجنة المتابعة الميدانية بالنقابة العامة للأطباء البيطريين. منقول
إلى البيه كاتب البوست إلي لف الفيس بوك كله والناس شيرت بدون ما تفكر وإلي مطلع أغلب الشعب المصري همج ومكلف نفسه ومصور ناس بملابسها الداخلية والذي لم يذكر أي شيء عن مساوئ الفنادق واتكلم كأن فنادق مصر تنافس أرقى الفنادق الأوروبية أحب أوجه لك الملاحظات الآتية :
لما أكون طبيبة تفتيش ورئيس لجان التفتيش السياحي وأعمل محاضر في فنادق خمس نجوم بها لحوم من خارج مذبوحات المجازر الحكومية وأحرر محاضر بمضبوطات فاسدة ده إسمه إيه ؟
لما أكون طبيبة تفتيش وألاقي بواقي الأكل وزبالة المطبخ بيعاد طهوها لتقديمها في الأوبن بوفيه وهو أكبر أكذوبة بتضحكوا بيها على الناس والإنسان الي بيفهم ميفرحش بالأوبن بوفيه وبالكميات الي سيادة البيه كاتب البوست بيمن بيها على الناس لأن الأوبن بوفيه في عرفنا كأطباء بيطريين أغلبه من بواقي الأكل .
لما أكون طبيبة بيطرية وأعرف حالات تسمم حدثت لسائحين وتدخلت سفاراتهم وعملت مشاكل ورفعت قضايا ده مش بيسيئ للسياحة المصرية ولا الولد الي مامته بتشطفه من البي بي هو بس الي بيسيئ للسياحة المصرية ؟
لما أكون نزيلة في فندق وأقضي أربع أيام فيه بدون شاور چل أو شامبو وكل شوية أكلم الهاوس كيبينج والريسيبشن وأشتكي ومحدش يسأل هل لو نزيل أجنبي كنتم جرؤتم تتعاملوا معاه كده ؟
لما أكون حاجزة all inclusive وألاقي إدارة الفندق بتضحك عليا والسناكس الي كنت بعتبرها العشاء بتاعي لأني مش بحب وجبة العشاء الرئيسية هي عبارة عن حتة جبنة وكام رغيف عيش في أوبن بوفيه طويل عريض شكله يخليك تقرف تاكل
سيادتك زعلان اوي ان النزيل بياخد البيبسي الي في التلاجة علشان تعملوا ريفيلنج على الرغم انك محاسبه على كل ده ومحدد له كل فرد في الغرفة ليه زجاجة مياه واحده وكان او اتنين بيبسي وصعبان عليك انه اخد حقه منك.. حقه الي هو دافع لك تمنه وانت مش بتديه له مجانا
سرقات الفنادق من ملاعق وشوك وبشاكير وأكواب موجودة في كل فنادق العالم ومن كافة الجنسيات وأعرف ناس عرب في منتهى الثراء كان لازم ياخدوا من كل فندق حاجة بيعتبروها تذكار او فهلوة او شطارة وعمرنا ما لقينا حد اتكلم عن اهل بلده انهم غوغاء وبيسرقوا الفنادق انما المصري لازم نجرسه ونفضحه ونطلعه حرامي بالوراثة ونكتب عنه بوستات تلف الفيس كله وإلي ما يشتري يتفرج
بالنسبة للمطاعم الي بتتلزق في انها سياحية وهي لا تحمل اي ترخيص سياحي اتفرجوا على المنيو بتاعهم وهما بيضيفوا 12% خدمة او بيطبقوا سياسة الحد الأدنى للطلبات minimum charge وهما نصابين ومش من حقهم الفلوس دي .
إدارات الفنادق الي بتتعامل بكل صلف وغرور مع السائح المصري وتعتبره سائح درجة عاشرة ومتخلف مستعدة تاخد بالشوز من أي سائح خليجي ويتنصب عليها زي ما عائلة مالكة خليجية كانت مستعمرة فندق رمسيس هيلتون ومبيدفعوش فلوس وبيتعاملوا بمنتهى الغرور مع ادارة الفندق ولهم بودي جاردز مسلحين داخل الفندق بيرفعوا السلاح على اي حد يغلط ويطلع الدور الي نازلين فيه وكلابهم تسببت في تشوه في وجه طفلة في فندق آخر ومشفناش كاتب البوست الفشيخ ده كتب عنهم او طلعهم رعاع وغوغاء لأن فلوسهم بتتكلم انما المصري غلبان نهينه ونبهدله ونفضحه في كل منبر
المصريين مش ملائكة وليهم عيوبهم زيهم زي اي شعب واتفرجوا على السائح العربي بيعمل ايه في بلدنا لكن ده نغفر له كل شيء علشان فلوسه ونحط ونقلل من قيمة المصري إلي لولاه وعلى كل مساوءه وخطاياه هو الي مشغل الفنادق دي دلوقتي في ظل تدهور ظروف السياحة وتناقص أعداد السائحين ....
الغوغاء هما الي اتريقوا على أهاليهم الي رايحين يعيشوا لهم يومين ووصفوهم بالفلاحين وبتوع الأرياف ونسيوا ان مصر بناها فلاح في يوم من الأيام أبهر الدنيا بحضارته يا شوية حثالة بتغلطوا في أهلكم ....
#عيب_عليكم_يا_فنادق_فضايحها_معانا_نحن_الأطباء_البيطريين
دكتورة شيرين علي زكي ...
رئيس لجنة المتابعة الميدانية بالنقابة العامة للأطباء البيطريين. منقول
A
Ahmed Abdalla
:: مسافر ::
بصو مش هاكتب كومنت طويل عريض محدش يقراه في الاخر عايز تشوف همج المصريين شوفهم في الشارع وهما سايقيين عربيات وهما واقفين في طابور لاي خدمه شوفهم وهما بيركبو المترو او الاتوبيس شوفهم وهما بينصبو علي بعض شوفهم علي القهوه مختلفين علي راي ما هما دول المصريين اللي في فنادق شرم والغردقه ولا عزاء للسياحه