عمرك سمعت ان الروسين بيقولو بلاش الروسين يعملو...

  • بادئ الموضوع بادئ الموضوع Ali Abdo
  • تاريخ البدء تاريخ البدء
عرض العطلة
#42
مطلوب فيديو تعليمي،قوي واحد هيتكلف مجهود يوم من واحد شاطر يحل مشكله أمه لان الناس مش فاهمه كيف تستمتع في جماعه كبيره ..مش عيب ولا حرام أننا مش عارفين وأننا عاوزين نكون افضل وأننا التصرفات الكويسه هنستمتع كلنا اكتر وهنصرف اكتر علي السياحه الداخليه .. الي مش معترف ان فيه غلطه معرفه يشوف أجدع فرح في مصر في اغلي الأماكن ويشوف الناس،تتصرف ازاي علي البوفيه ....او في اي مطعم وازاي لسه بيندهوا علي المتر ب بس بس .....
 
#43
استاذ Khaled Elsokkary قال شئ لطيف جدا انهم يدفعوا تامين مقدما ويسترد عند المغادره ..المصريين سهل يتوجهوا علي فكره اول ماتعمل تعليمات محدده هتلاقي ناس بتتكسف وبتعمل الصح ..هما مش واخدين عالفنادق ومتقلقوش ده اخر مصيف للطبقه المتوسطه بعد كده هيصيفووا في نوافير البلد ان شاء الله
 
#44
أنا موافق على منشور الأستاذة هبه .. شرم والغردقه مليانه ناس صيع من حواري مصر بيروحوا يحكوها في بنات الأجانب وحاجه قلة أدب ومسخرة وفي المجال ده حدث ولا حرج خش على الفيس وإنت تشوف المليطه .. المصريين إللي يروحوا هناك يا إما يكونوا محترمين ومتحضرين يا بلاش من أساسه.
 
عرض العطلة
#46
والله يااستاذ على كلامك زى الفل وصديقة معانا هنا فى الجروب كانت منزله بست بطالب فيه بمنع المصريين من انهم يروحه الاماكن دى طيب انا بطلبها من نفس المكان انها تمنع ابوها وامها واخوها واختها الاول علشان هما تابعين للدوله الى مش بتحافظ على النظام دية
 
#47
يمكن يكون واحد من أهم الأسباب اللى خلت البعض ماعندوش ثقافة المحافظة على الأماكن دى انه كان محروم منها .. لأن وقت ما السياحة كانت منتعشة كان الاهتمام الأول بالاجانب وبعدها المصريين المقتدرين .. ومااهتموش يخصصوا جزء من السياحة دى للناس البسيطة ( برامج سياحة داخلية ).. كانوا اتعلموا يحافظوا على حاجات حاسين انها ملكهم .. السياحة للأسف مابقتش متاحة لشريحة كبيرة من المصريين إلا لما تراجعت ... كمان كانت فى أماكن مش مسموح بيها إلا للأجانب ... حتى لو انت مصرى مقتدر وهاتحافظ على المكان
 
#48
الله ينور عليك والله بقالى ٣ ايام كل مافتح الاقى البوست المتخلف بتاع المصريين واد ايه هما همج لحد ماقرفت بصراحه.ليه عقدة الخواجه وان كل ماهو من مصر زباله دى؟اللى بتطلبوه بتاخدوه وبالمناسبة الحجز من برة لمصر ارخص بكتيييير.وكمان الأجانب مش كلهم جوليا روبرتس و بروس ويلز دة فيهم برضو همج كتييييير بس على قلبك زى العسل،
 
#50
يا جماعة والله حاجة ما تتوصفش بدل ماالكل عمال يسوء صورة المصريين والمسالة مجرد اختلاف سلوكيات نعمل حملات توعية ارشادات لافتات بروشورات تتوزع والله كنت في هيلتون العين (الامارات) فندق مش قليل وواحدة اجنبية مش عربية ابنها قلع هدومه كلها ومصر يفضل كده وكمان عمل تواليت في البسين والله ما اتحركت من مكانها والامهات المصرين بينكدو علي ولادهم من كتر التنبيهات عشان مايبوظوش صورة المصريين والموقف ده بيتكرر علي طول انا او انت او انتي او اي حد نتكلم ونوعي الناس اللي ما تعرفش اللي اول مرة تسافر بطريقة مهذبة مش نفضل نضايقهم اكتر ونحسسهم انهم اقل من حقهم يتفسحو في بلدهم احنا مجرد ان احنا مصريين دي نعمة نحمد عليها رب العالمين واجب علينا نفهمهم مش نقلل منهم ولازم المصري في بلده يتعامل احسن من اي حد لانها بلده
 
عرض العطلة
#53
والله كل كلمه قلتها صح .احنا فعلا شعب لم نجد من يحنو عليه .خلونا نتنك علي بعض ونبص لبعض بالدونيه والعنصريه.عارف حضرتك الناس اللي بتكتب اه بيحصل واه احنا وحشين دوول منبطحين وخونه وتلاقي منهم كتير اخره بلطيم وجاي عامل فيها فط تورط.يا اخي علم الناس دي بادب وهي هتتعلم.نزل فيديوهات وحمله اعلاميه ازاي نحافظ علي شكلنا والمكان والسياحه والناس هتقبل وهتتعلم
 
#54
كلام مظبوط والحقيقة ان الاماكن السياحية في مصر بيتعاملوا مع المصريين بطريقة مهينه في اماكن كتير بتخلي الواحد يتوجه للسياحة الخارجيه لان التكلفة في الاماكن الحلوة في مصر بتبقى غاليه جدا ومش بتلاقي تعامل كويس منهم والاغرب من كل ده موضة منع المحجبات من نزول مية البسين حتى لو لابسه ملابس بحر وخاماتها عاليه ودي قمة الاهانة في نظري بالرغم من اني مش بنزل بس من حق اي مسلمة في بلدها تنزل وتستمتع زي غيرها
 
#55
يبقي نعمل قوانين من شرطة السياحة صارمة تطبق عالكل المصري والأجنبي وباكد الاجنبي يعني اللي بيتحرش ويضايق البنات يتعاقب لكن كمان اللي ماشي سكران وخاربها يتعاقب ما تجيش سفارته تتدخل ونلاقي ضابط كيوت يعديه ويقول اصل جنسيته كذا لا غلط يتعاقب بدون تردد جنسيته ايه
 
عرض العطلة
#56
يا جماعه مش قصه مين بيدفع اكتر و مبين بيدفع اقل. القصه ان قطاع السياحه اصلا بيعانى من مشاكل كتير و بيسرح عماله و ناس بتقعد بالشهرين و التلاته ما تاخدش مرتبات . المفروض احنا بنشجع السياحه علشان الناس دى بيوتها تفتح تانى
لما احنا نتصرف بالطريقه دى سواء مصرى او اجنبى ما احنا بنزود مصاريفهم و نقلل ارباحهم واللى ماضرر على فكره الموظف اللى زى و زيكم مش اصحاب المكان
مبدأ ابوظ بفلوسى ده مبدأ غلط و مرفوض..هل انت علشان شارى عربيتك بفلوسك بتخبطها فى الحيطه؟؟لا بتحافظ عليها
لما ابنى يشوفنى ماليه طبقى اكل و باكل ربعه و برمى الباقى فى الزباله اعلمه باى وش انه يحافظ على نعمه ربنا؟ اقوله ماتسرقش ازاى و هو شايفنى باخد ملايه والا فوطه و الا بخبى اكل فى شنطتى؟
لما يشوفنى بعاكس واحده والا اضايقها يتعلم الادب و احترام الناس ازاى؟
انا كده بعلم ولادى السلبيه و السكوت على الغلط طالما مش هياثر عليهم مباشره
لما الاجانب يتعرضوا لسخافه او الفنادق تقدم مستوى خدمه قليل علشان ايرادتهم اقل من مصروفاتهم و يعملولنا فضايح على booking او trip advisor استفدنا احنا ايه غير قطاع بيشتغل فيه الاف عمال بيخرب
احنا مش بنسافر بر ه ببلاش لا بندفع كتير بس كلنا بنحترم الاماكن اللى بنقعد فيها و ما بنقطعش كراسى المترو و نقول انا مش دافع شويه و لا بنسرق من الاوضه و نقول بفلوسى
ليه انزل البحر بجلابيه او ملابس داخليه و اذى الناس اللى حواليه و انا ممكن اجيب لبس للبحر ايا كان شكله؟
ليه انزل ابنى يعمل تواليت فى حمام السباحه و اتسبب فى اذى صحى ليا و لغيرى ؟
الصح صح و الغلط غلط. نسافر كل حته بس نتصرف باحترام لنفسنا و للمكان اللى احنا فيه
تصرفاتنا انعكاس لاخلاقنا و تربيتنا
 
#57
مالناش دعوة غيرنا بيعمل اية مش من الطبيعى انى اكل و ارمى الزبالة حواليا مش من الطبيعى انى مجيش ناحية البحر فى الصيف عشان المصيفين مش لابسين هدوم و واقفين على البحر و مش مقدرين ان اسكندرية منطقة سكنية و انهم ميقبلوش ان واحد يمشى عريان فى شارعهم عند بيتهم مثلا مع انهم بيعملوا معانا كدا و لما حد يتكلم يقولوا بفلوسى طيب بفلوسك تعالى و صيف انت و اسرتك لكن مش بالمنظر دة راعى اهل البلد برده دة غير انهم كمان بيقولوا انا بفلوسى اروح شرم الشيخ او الغردقة لكن اسكندربة اية اللى بتتكلموا فيها طيب مروحتش لية ! احنا مروحناش ناخدك من بيتك بيحسسونا انهم بيتفضلوا علينا عشان جم عندنا دة غير اننا عشان برده منطقة سكنية ف البحر مليان اشارات مرور و هم ميعرفوش فبيعدوا وخلاص ممكن يكون واحد و اسرته و مش مقدر الخطر دة و انه لقدر الله لو حصله حاجة ف اللى خبطه حيدفع 51 جنية مش اكتر لانه معدى و الاشارة مفتوحة
اللى بيتكلم من برة و يقول براحتهم و بفلوسهم مش زى اللى فى بلد سياحى و مش عارف حتى يمشى فى الشارع
 
#58
اقسم بالله شايفه بعيني اجانب ع البوفيه بياخدو اكل بافتراء لدرجه اني استغربت ده غير اللي واحده حطت تفاح وفاكهه ف شنطنها ع العشاء العيب مش ع مصري أو غير مصري الفكره ف التربيه والسلوكيات ✋✋
 
#59
ده صحيح حتى العمال في شارم كانوا بيقولوا أن السايح المصري افضل ليهم لان الأجنبي مش بيشتري اي حاجه زياده ولا هدايا ولا يعطوا بقشيش زي المصريين
 
عرض العطلة
عرض العطلة
عرض العطلة
أعلى أسفل
عودة
قائمة