هى عايشه فى مصر معاها فيزا دراسه شنجن و...

[Yasmin Essa]

هى عايشه فى مصر معاها فيزا دراسه شنجن و هتجيلى اسبوعين تعد عندى.
وانا عندى الجنسيه الالمانيه مقيمه فى فرانكفورات.
السؤال بقى ايه الاجرائات اللى اتخذها عشان اضمن مفيش مشاكل تحصل هل مفروض بتبعتلى مبلغ تأمين مثلا ولا انا بروح مكتب الاجانب اقولهم ولا ايه بظبط !

 

[Ahmed Ona]

الناس هنا بتاع سفر ، المفروض تسالي اللي بيستضيفوا زي حالاتك

 

[Ali Hussien]

معاها فيزا دراسة دولة ايه ،؟؟، عادى ممكن تطلع على الدولة اللى معاها فيزتها ومنها عليكى عالطول مفيش اى مشكلة

 

[Muhammed Yehia]

طالما معاها شنجن متهيقلي عادي، مش متأكد شنجن دراسة تفرق ولا لا

 

[Yasmin Essa]

ايه يا جدعان انتو فهمتو غلط الست جيالى المانيا مش بقول انا مقيمه فى فرانكفورت
السؤال بتاعى هل مفروض هى تدينى فلوس تأمين ولا لا؟؟

 

[Ahmed Abd El Rahim]

عرفيني عليها

 

[Amr Gadallah]

هو حضرتك لما بتيجي ضيفه (حتى لو ميعرفكيش) عند حد فى مصر بياخد منك تأمين...لو مكنتش غلطان بتاكلى وتشربى وتتفسحى ببلاش

 

[Yasmin Essa]

كل بلد لها قوانين

 

[Yasmin Essa]

القوانين هنا لما بتبعت دعوه لحد يجيلك لازم يبقى عندك رقم معين فى البنك لو الشخص جراله حاجه حادثه مثلا عشان تقدر تدفع فلوس المستشفى.... اكل و شرب ايه يا Mar Amr Gadallah لا لا انا بنت بلد اوى

 

[Amr Gadallah]

يبقى تتطبقى القانون المتبع

 

[Yasmin Essa]

طيب حطبق القانون حاضر اسفه عالازعاج

 

[Ahmed Badr]

هتستضيفيها كام يوم وهي معاها دراسة اية من فين

 

[Mohamed Elgohary]

افتكر يا كاتى انها حاجه وديه بينيك و بينها فاتكلمى معاها و اتفقوا على اللى يريحكوا انتوا الاتنين
بس رأيى الشخصى حسب ما فهمت انها لو صديقه تعرفوها فمش هتاخدى منها فلوس الا لو فلوس عارفه انك هتدفعيها
يعنى لو مستضيف صديق قى بيتى مش هقوله من على الباب هات تأمين علشان لو كسرت حاجه فى البيت و هدولك وانت ماشى

 

[Mostafa Nageh]

هي كبيرة كدة في السن ومعاها فيزا دراسة؟ ماشاء الله عليها شاطرة بجد والله
ده العيال هنا بتاخد ثانوية عامة وتقول اتعشت كدة خلاص وبيدخلوا الجامعة علشان يقضوها بس

 

[Adel Ammar]

طالما انتى مش الى بعتالها تبقى انتى مش ضامن رسمى فانتى كده مفيش عليكى اى مسؤليه وريحى دماغك

 

[Eman Elkomy]

سهل لو انتي قلقانه يحصلها حاجه تشتري بوليسه تامين وهي بتشتري التذكره بيبقي مبلغ بسيط لو حاجه انسرقت منها بيدوها تمنها لو عيت اتعورت احتاجت تتنقل بطائره لدوله تانيه حادثه بيدفعوا بس كده بس ميصحش تقوليلها نديكي فلوس يا متستقبليهاش خالص علي مسوءليتك اصلا لو هي معاها شنجن هي جايه سياحه ومش علي مسوءليتك

 

[Amr Borham]

تديني انا التأمين

 

[Adel Ammar]

هيجيلك كمية message requests خرافيه
من اول عايز منحه ادرس لحد انا حبيتك من اول ما شفت صورتك
انجوى

 

[Warda Ahmed]

تأمين لو انك انتي اللي جايباها. بس هي جايه من نفسها يعني السفاره اللي عطتها الفيزا هي اللي متحمله مسؤوليتها

 

[Ayman Almuslim]

مفيش تأشيرة شنجن بتطلع من غير تأمين طبي يكون مغطي مدة السفر وسعر البوليصة بسيط جداً بالنسبة انها بتغطي اي حالة علاجية يحتاج إليها حامل التأشيرة
ومفيش اي ورق باسمك فبالتالي مفيش مسئولية
يعني هي كده كده هتدخل ألمانيا بإذن الله حتى لو انتي مش موجودة