في ناس زعلت من منشور السياحة الداخلية وفهموا...

  • بادئ الموضوع بادئ الموضوع Heba Eissa
  • تاريخ البدء تاريخ البدء
عرض العطلة
#21
والنبى يا اخت مع احترامى الكامل لتحضر سيادتك تقوليلى دولة وحده صاحب السلعه او الخدمة هو الى بيقيم المشترى!!! اى فتى و انا كنت واخد البوست الاول هزار بس معلش بقا انتى مش عايشة فى البلد دى لوحدك و الفلاحين و الصعايدة الى بتتشرفى بيهم دول بيحبوها اكتر منك و بوستك ده و الى قبله مش لمصلحه البلد اساسا فا ريت بقا تدرسى بتقولى ايه بدل الهيصة الى عملاها دى
 
#22
يا جماعه لو مش عاجبكم انكم تشتغلوا فى السياحه وتخدموا السياح سواء كانوا مصريين او اجانب ممكن تدوروا على شغل تانى
وافتكروا برضه ان زمان لما كانت السياحه شغاله انت معاملتكم عامله ازاى للمصريين مع انهم اكتر جست بيدفع للفندق وكان بيدفع اكتر من الاجنبى بكتير وغالبا ارقى وانضف من الاجنبى بكتير
 
#23
هو الفندق اللي محتاج النزيل؟ ولا النزيل هو اللي محتاج الفندق؟
هو الفندق اللي يقدم خدماته للنزيل؟ ولا النزيل اللي مطلوب منه يقدم خدمات للفندق؟
هو الفندق اللي راح يدفع فلوس مقابل خدمات النزيل؟ ولا النزيل اللي راح يدفع مقابل خدمات الفندق؟
يا حبيبتي اللي يدفع الفلوس وياخذ خدمات هو اللي من حقه انه يقول رأيه في الخدمه اللي شافها ويقيمها
اما الفندق بما انه مكان تجاري من حقه هو كمان يحدد خدماته و يحدد زباينه ويمنع التصرفات اللي ما تعجبه. يعني مثلا الفندق اللي عاوز ناس من طبقه معينه له كامل الحريه انه يرفع أسعاره بشكل انه يستهدف الطبقه اللي عاجبته
 
#24
اما انتي كبني آدمه لو مش حابه تشوفي التصرفات اللي شفتيها معناتها ادفعي اكثر و راح تلقي فنادق مستوياتها أعلى
 
#25
أما لو مش قادره تدفعي اكثر و تدخلي مع الطبقه اللي انتي حابتها فأنا آسفه والله بس لازم تتقبلي ان هذا هو مستواكي و عيشي واقعك واحترمي الناس اللي زيك
 
عرض العطلة
#26
كل الكلام ده مالوش لازمة الموضوع ابسط من كده:
1_احنا كا مصريين ما اتعلمناش ثقافة الفسح والسياحة وما تربناش عليها اصلا
2_ سلوك المصريين في المنتجعات والفنادق نتيجة طبيعية لتدهور مستوي التعليم وتدني مستوي المعيشة
3_وده الاهم في ظل تخلي الدولة عن دورها المحوري في النهوض بالسياحة والحفاظ عليها وفي ظل الاوضاع الراهنة :
مش من حق فنادق شارم والغردقة انها تتأمر وتتحكم في سلوك المصريين
هي تبوس ايديها وش وضهر ان لسه معاهم فلوس وبيرحوا فنادق وبينفعوهم لان لولاهم كانو قفلو وقعدوا في بيوتهم
4_فنادق شارم والغردقة هي اللي منزلة ال rateوبتدلل علي السياحة الداخلية عشان تشتغل وبعدين لما المصريين يروحو تمسك في خناقهم عشان سلوكهم الوضيع
 
#27
الناس دي فاكرة أن الاجانب دول جين أو عقل مختلف والله زيهم زينا فيهم الذكي وفيهم المتخلف والغبي والعنصري وفيهم الانسان الفرق بينا وبينهم انهم بيحترموا الحريات والقانون او علي الأقل بيخافوا منه ويمكن دا سبب من أسباب تقدمهم وتحضرهم
 
#29
انا عندى اقتراح اسهل...يقفلوا شرم و الغردقة دول خالص...و لا ان حضرتك او غيرك تطالبي بتمييز المصريين..البحر الاحمر كله تحت سيطرة رجال المال و الاعمال و المصريين حضرتك محرومين تماما من الحياة الادمية جوة بلدهم...و الثقافة اللى بينشرها الميديا فى مصر و التجهيل اللى تم على مدى سنين هو اللى وصلهم لكده
 
#30
احنا يا جماعة عاملين نقطع في بعض و المفروض نشجع السياحة في مصر اذا كان للمصريين أو للأجانب.. أيوه في بعض السلبيات و الأفعال من المصريين و مانسناش أن برده في الأجانب بعض السلبيات.. انا عندي اقتراح بما أن التكنولوجيا اتقدمت ليه الفنادق ماتبقاش متصلة ببعضها عن طريق صفحة هما يعملوها مع بعض و تسجل سلوكيات كل شخص عندها بحيث الشخص اللي مش عاجبكم أو صدر منه أسلوب غير لائق لما يجي يحجز مره تانية ما يتقبلش في أي فندق عن طريق المعلومات اللي هيعطها السيستم و يتقاله سبب رفضه.. علشان الحسنة تخص و السيئة تعم و ما نقولش نمنع المصريين.. لا نمنع الشخص اللي أسلوبه كان غير لائق.. و ده يبقى ساري على الأجانب كمان
 
عرض العطلة
#32
ياريت حد يكون عنده قناه حلوه علي اليوتيوب ويعمل فيلم حلو و ينتشر علي كل النت علي كيف تتصرف في الأماكن العامه زي الشواطئ و حمامات السباحة و الحفلات و ازاي ان احنا ناس كتير ولو كل واحد عمل كذ غلطه وكذا تصرف غير متحضر بيبوظ جمال القعده ويفسد الفسحه للناس كلها ..يكون فيديو شامل كامل يكون دستور سلوكيات لكل المصريين والعرب كلهم بالمره ..وياريت لو حد محترف يعمله ويحل مشكله تؤثر حتي علي أرزاق ناس كتير لان لو التصرفات تحسنت هيكون السياحه الداخليه ثروه وراحه وتوفير عمله صعبه
 
#34
في بوست سخيف ومستفز ومدسوس وللاسف الناس بتعمل له شير اما بحسن نية او بعدم ادراك لخطورته .. البوست بيدعي كاتبه انه خايف علي السياحة في مصر وعلي اكل عيش الناس اللي بتشتغل فيها ولكن الحقيقة هي عكس ذلك تماماً لان من كتب هذا البوست يقصد متعمد ضرب السياحة في مصر فالبوست عبارة عن إهانة شديدة وكم من التجريح والتشويه وإساءة للمصريين جميعا الذين يقضون اجازتهم في منتجعات الغردقة ومرسي علم وشرم الشيخ ووصفهم بأسوأ العبارات وبشكل مبالغ وكأنهم أقذر شعوب العالم وانهم حرامية ومخربين وبهم كل المبيقات .. صحيح هناك فعلا اخطاء وتجاوزات من البعض وانا لا أنكر هذا ولكن هل الاف المصريين الذين يقضون اجازتهم هناك بهذا الشكل المبالغ فيه ؟ طبعا غير حقيقي وانا عاوز اقول من خلال تواجدي كل اسبوع في البحر الأحمر من سنوات ان هناك أجانب يفعلون ماهو أسوأ بكثير ولكني لا استطيع ان أعمم علي الجميع ايضا ... انا عاوز اقول ان هذا البوست المسئ هو نوع من الإرهاب الناعم الذي يهدف لضرب السياحة في مصر مثله مثل الإرهاب الدموي فكتابة هذا الكلام وتناقله علي السوشيال ميديا في مصر وعلي يد المصريين يجعل وكالات الانباء تنقله للخارج علي انه شهادة من المصريين انفسهم وبالتالي تشويه صورة المنتجعات المصرية في الخارج وضرب السياحة في مصر ... ارجوكم انتبهوا للغرض الحقيقي من هذا البوست الخبيث وحذروا أصدقائكم ولا تنقلوه علي صفحاتكم فتساعدوا في ضرب السياحة فعلا وتشريد العاملين فيها .. احذروا هذا النوع من "الإرهاب الناعم " منقول من شخصية مصرية عظيمة
 
#35
مع الاسف كلامك صح انا السنة اللى فاتت روحت شرم غير لما روحتها من سنتين او تلاتة المستوى بقى زفت الناس سلوكها غريب خصوصا فقرة البوفية وناس بتاكل بطريقة غريبة بجدد وكمياتتت رهيبة وتلاقى فى الاخر فردين بياكلوا والاكل الباقى بيترمى والنزول فى البيسين والبحر باللبس الداخلى اللى بيبين كللللل حاجة للست والراجل احنا محتاجين وعى وثقافة وعلى الرغم من كل دة احنا كنا فى فندق كويس مش وحش يعنى ولما نزلت سوهو سكوير حسيت انى فى كفر او نجع
 
عرض العطلة
#38
خليكي شجاعة واعتذري عن الكلام العنصري القبيح اللي كتبتيه . الاجنبي بيعمل اللي هو عايزه بس علي قلب الفندق زي العسل
 
عرض العطلة
عرض العطلة
أعلى أسفل
عودة
قائمة