أنا مش مع ان فنادق شرم والغردقة يستقبلوا سياح...

  • بادئ الموضوع بادئ الموضوع Heba Eissa
  • تاريخ البدء تاريخ البدء
عرض العطلة
#22
كله بيحاول يريح دماغه وخلاص ؛ متبقيش تروحي شرم الشيخ لو مش عاجبك الناس الي بتروح لكن متمنعيش علشان تريحي دماغك ؛ فيه حلول تانيه من ناحيه الفندق وشرطه السياحه ؛ الفندق يطلب من الامن زياده الرقابه والتعليماات تبقى واضحه من الاول واللي يخالف التعليمات يدفع غرامه ؛ الناس لما بتلاقي انها هتدفع فلوس بتخاف ؛ وخارج الفندق اي مخالفه شرطه السياحه والبلديه تخالف الشخص بغرامه ؛ لكن منع واحد من زياره بلده ده اسمه هبل مفيش اجانب بتيجي البلد و دول اللي مقومين السياحه بنسبه حاليا ؛ حتى الاجانب اللي بتجبلك معظمهم المان و روس ودول برضه بيعملوا كده بس انتوا مبتجوش الا على الغلبان
 
#23
على فكرة الموضوع ده حله بسيط من حق الناس تتفسح وتروح اي مكان هي عايزاه بس يتحط قواعد في الفندق وتتنفذ لكن تمنعي حد من حاجة لا طبعا واسلوب الاستهزاء من الناس مش مقبول
صحيح في سلوكيات مرفوضة بس مش ده الحل
 
#24
متزعليش بقي لو رحتي اي مكان في العالم و اتعاملوا معاكي انك مش متحضرة عشان مصرية ولا عشان شكلك ما انتي شايفة اهل بلدك كده طبيعي الناس تشوفك مش متحضرة برضه و يتعاملوا معاكي بعنصرية
 
عرض العطلة
#26
لا بد وأن نعترف أنها تنقصنا ثقافة ووعي التعامل مع الأماكن العامة و المشتركة فى الملكية والدليل على ذلك هو حالة مداخل وسلالم العمارات التى نسكن فيها والشوارع التى نمشي فيها
 
#27
ما تبطلوا عنصريه و طبقيه.. قرفتونا. البلاد اللي عاجبه سيادتك لما بتلاقي سؤ سلوك في بلادها بتقومه من جذوره بوضع قانون و تعامل علمي محترم بدون اهانات او تشهير.. والله التشهير اللي انتوا بتعملوه ده هو قمه الهمجية والسخف
 
#29
يا جماعة بليز أندرستاند هي ما هي إلا كاتبة شهيرة و بتحط بوستات مثيرة للجدل عشان الفلولورز يزيدوا و البيزنس يشتغل
 
#30
اضافة كمان لمعلوماتك:
الفنادق لما بتخدم ع المصريين حتى لو دافعين نغس مبلغ الاجانب. الخدمة اقل واسوأ في الغرف.. وده عن تجربة فنادق الاربع والخمس نجوم في شرم والغردقة بتعك مع المصريين بالذات.. وكذا مره نعمل مشاكل هناك فلما بيلاقوا الواحد فاهم وعارف حقه.. بيخافوا ويتلموا عشان ميتفضحوش.. لكن كل طاقم الخدمه بيجي عند مصري وبيعك لانه مش هياخد من وراه حاجه
 
عرض العطلة
#32
انا بروح فى الشتاء شرم و الغردقه و اسوان وًبروح احلى فنادق المصريين تصرفاتهم مفهاش اى حاجه من الكلام اللىً قولتيه
 
عرض العطلة
#36
المصري الي بيقزقز لب دا أرحم ميت مرة من الروسي و الألماني الي بيبقا ماشي سكران وبيتطوح وماشي عريان وقارفنا
 
#37
كلام مبالغ فيه اوي .. طبعا فيه سلوكيات غلط .. انما تشطف ابنها من ال pool ؟!!!
بذمتك حد شاف الكلام ده؟
أنا رحت شرم والغردقة لما زهقت منهم .. ما شفتش أي تجاوز غير الإهدار في البوفيه .. غير كده بصراحة ما شفتش
وما شفتش اي تحرش او احتكاك بالاجانب لو قلعوا كل حاجة حتى
 
#39
نفس الكلام ده بيتقال على حضرتك يا فندم لما بتسافري بره مصر، حاولي تبقي تركزي شويه في كلام بعض الأجانب عن العرب وخصوصا المحجبات واللي احنا بنسميه عنصرية، فبلاش نتمنظر على بعض.
 
#40
اتمنى ان كل المناطبق السياحية في مصر تبقى زي مصيف جمصة عشان تبقى متاحة لكل الفئات المختلفة من الشعب وخصوصا الفئة اللي الغير مقتدرة واللي عايز يعمل حاجه يعملها واللي مش عاجبه يطلع ينبسط بره مصر. لكن مصر بتاعت الجميع بتاعت الكل وبالنسبة للسلوك السئ فده موجود في كل مكان في ارجاء البلد. بطلوا عنصرية
 
عرض العطلة
عرض العطلة
عرض العطلة
أعلى أسفل
عودة
قائمة