A
Ayman Abdelaziz
:: مسافر ::
يا جماعة يمكن الرقم ناقصه صفر يعنى المبلغ ممكن يكون 20 الف... الراجل بيتكلم عن سفر سياحى برة مصر يبفي صعب جدا يكون بيفكر فى كدا بالفين جنيه بس فبلاش نتسرع ونرد بشكل ساخر او سافل. وحتى لو شخص لامؤاخذة جاهل بأمور الدنيا. يبقي نوضح له بدون تريقة. اتعودت شخصيا ان الجروب دا كله ناس جادة محترمة متربيين مهما كان السؤال بيتفهموه وكل اللى بيهرف يجاوب يتفانى فى المساعدة والاجابة.. ياريت نفضل كدا دايما
O
Omar Ameen
:: مسافر ::
تقدر تسافر بيهم بري ليبيا او الاردن و طبعا تاخد معاك اكل معلب من هنا و لو روحت الاردن خد معاك خيمه و خيم في اي حته جبليه و ممكن اصلا لو عندك عجله تسافر بيها بس هتتكلف كتير في الاكل عشان تقدر تحرق هيا مسافة هوالي الفين كيلو و دول ممكن تاخدهم في اسبوعين تلاته و ممكن تعتمد في اكلك علي التمر و العيش المحمص و مكمل غذائي فيه بروتين و فيتامينات او تونه معلبه و مالتي فيتامين و طول ما انت ماشي تملي مايه عشان ما تموتش من العطش و طبعا خيمتك معاك تخيم و تريح فيها و ممكن تلاقي اسبونسر ينزل دعايه معاك بس كل ده طبعا لو عندك عجله اصلا لو معندكش كانك مسمعتش حاجه لان العجله اصلا هتاخد المبلغ ده بتجهيزاتها ... لو مكنش يبقي عندك تروح الاردن و تقعد هناك يوم و ترجع و هتسافر بري و تختار ارخص عباره هناك و يادوب هتقدر تلف شويه في البلد و كام مزار و ترجع تاني بس اتاكد من موقع المعديه ان الاسعار دي تكفيك تروح و تيجي و هتحتاج طبعا تصريح امني و هتحسب كمان تكلفة السفر بري لنويبع و اكلك و شوربك و انتقالاتك الداخليه طبعا في التصريح الامني هتحجز تزكرة و فندق اونطه و تلغيهم بعد كده و مهم بطاقتك و جواز سفرك تكون المهنه فيهم مش فئات دنيا يعني تكون معاك وظيفه مش حاصل علي مؤهل كذا ... و بالتوفيق ان شاء الله اه في ناس بتروح السعوديه من سفاجا مش عارف ده بردوا اوبشن دور فيه و في ناس بتروح تونس بري بردوا اسال عن ان كان امان و شغال ولا لا الاوبشن ده و السودان زي ما. الناس قالت فوق بس منصحش بيه في الصيف هيكون متعب شويه لو في الشتا ممكن