❗عاجل أصحاب الخبرة بروسيا يا شباب يا ريت...

  • بادئ الموضوع بادئ الموضوع Mortada Abo ALi
  • تاريخ البدء تاريخ البدء
عرض العطلة
M

Mortada Abo ALi

:: مسافر ::
#1
❗عاجل أصحاب الخبرة بروسيا

يا شباب يا ريت حد يقدر يفيدني دلوقتي في واحد صاحبي قدامه تأشيرة سفر لروسيا ( تأشيرة دراسة إدارة أعمال هناك) بس برة موسكو وأول سنة هتكون تحضيرية فقط يدرس روسي ومطلوب منه 3000 دولار ومتوفر سكن تبع الجامعة والسنة التانية 2500 دولار

هل هناك أحد يفيدنا بالوضع هناك اقتصادياً وأمنيا وهل سهل يلاقي شغل هناك وهو بيدرس ويا ترى مستقبلها إيه؟

جزاكم الله كل خير
 
#2
انا بدرس في روسيا ّّّ باختصار . 3000 دولار كتير اوي اوي اوي اوي فوق ما تتخيل . برة موسكو مصاريف الجامعات من 80 ل 120 الف روبل يعني من 1350 ل 2000 دولار . وسكن الجامعة بيكون رخيص برة موسكو ب 10 ولا 20 دولار في الشهر .. نصيحة مني لو هو طالع تبع مكتب فالمكتب بيشتغله . لو هو مقدم في الجامعة بنفسه خليه يشوف جامعة تانية رخيصة . وخليه يدور في المدن دي .kazan . Volgograd. Samara . Orel . Ufa . Tymen. Izhvesk . Rayzan . . Perm . المدن دي فيها جامعات ب 1350 دولار في السنة
 
#3
وخلي بالك لان 90% من الطلبة المصريين هنا جهم عن طريق مكاتب واتنصب عليهم وللاسف الطلبة بتيجي هنا مبتلاقيش شغل ولا مشغلة فتلاقيهم عملو صفحات عالفيس الدراسة في روسيا . والعناوين اللي زي دي كدا وبياخدوا مبالغ عالفاضي وبيستغلوا الناس ... دعوة الدراسة ببلاش وتواصل عن طريق ويب سايت وايميل الجامعة . والمصاريف الطالب بيدفعها بنفسه في بنك الجامعة بتقوله عليه....ّ. اي استفسار في كومنت لو سمحتم بدون طلب صداقة ورسايل عالخاص وانا مش هتاخر في الرد
 
#4
ربنا يجزاك كل خير يا حازم هو واحد يعرفه هناك هو اللي هيخلصله الموضوع ده ،يعني باختصار يا حازم اقوله إن المصاريف كتير اوي اوي وفي جامعات أقل من كده بكتير بحد أقصى 2000 دولار وكمان احتمال ميلاقيش شغل بسهولة يعني الموضوع فيه مخاطرة كبيرة Hazem Samy Askar
 
#5
Hazem Samy Askar

ماتعرفش روسيا من الدول اللي بتمنع شغل المحاماة للأجانب ولا لا؟
و تكاليف الفرد في مدينة زي كازان كام دولار في الشهر؟
و عشان اقدم محتاج اعمل سيرش عالجامعات و ابعتلهم ايميل و خلاص من غير مكاتب؟
 
عرض العطلة
#8
3000$ اكيد جاى تبع مكتب نصباية طبعا
وبعدين هو جاى روسيا دراسة ولا شغل
عموما مش هيعرف يشتغل وهو طالب واخرة بشتغل فى كنتاكي ولا ماكدونالدز
 
عرض العطلة
#12
بص يا باشا
لو رايح يدرس فاهم حاجه واهم من السعر يتاكد الجامعه دي معترف بيها ولا لا
لو رايح علشان يشتغل فالشغل هناك صعب تلاقيه وصعب يكفيك وصعب توفق بينه وبين الدراسه لان الروس نفسهم حرفيا بيشحتوا رغم انها بلدهم ولغتهم وشهاداتهم
لو رايح علشان يطلع وخلاص فبرضه منصحهوش البلد هناك تلج والشعب شبه المصريين والشغل ضايع فانا شخصيا مش لاقي مبرر لروسيا
مع العلم اني مترجم روسي وعاشرت الروس في مصر وعارف ان الكلام ده مش حيعجبك وحتعمل اللي فدماغك
 
#15
3000 برا موسكو ؟!
المكتب او الشخص اللي بيعمله الورق واخد كدا كتييير اوي
.... الوضع الاقتصادي احسن من مصر لكن مش هينزل من الطياره يلاقي شغل يعني ولازم لغه من غير لغه هيتبهدل لو مستعجل ع الشغل
...
والشغل عامة معظمه ف موسكو وسانت بطرسبرج اكبر مدينتين ف روسيا
 
عرض العطلة
عرض العطلة
عرض العطلة
أعلى أسفل
عودة
قائمة