H
Hend Salem
:: مسافر ::
زيل إم سى - كابرون - سالزبورج
أنا من الناس اللى بتحب الطبيعة عشان كده بأحب أختار الأماكن اللى فيها جبال و خضرة و سما صافية
ناس كتير بتعتقد إن السياحة مدن كبيرة و عواصم فقط لكن فى الواقع إن فى أماكن تانية كتير ممكن تكون مجهولة بالنسبة لنا بس بتكون أجمل كتير من المدن المشهورة
الرحلة النهاردة لمكان فى جبال الألب فى النمسا قريب من الحدود مع ألمانيا و هو وجهة مشهورة للعرب حتى إن كتير من الحمامات هناك معمول حساب الموضوع ده فيها
كنت دايما بأشوف إسم زيل إم سى فى إعلانات شركات السياحة و لما عملت بحث عنها عرفت إنها مدينة سياحية مشهورة تقع على بحيرة ووجهة لكتير من السياح
كابرون أنا إكتشفتها بالصدفة و أنا بادور على معلومات عن زيل إم سى و بتطلع بالكابل كار بس إحنا لما رحنا كانت فى صيانة فطلعنا بالباص
هى عبارة عن منطقة فى الجبال فيها بحيرتين صناعيتين إتكونوا ورا السد اللى إتعمل فى أوائل القرن التاسع عشر لحجز المياة و توليد الكهربا
المنظر هناك وهمى و مافيش أى صور ممكن توفيه حقه
الرحلة كانت فى شهر سبتمبرو الحظ كان مساعد و الجو كان كويس
المنطقة هناك عموما فيها حاجات كتير ممكن تتزار زى الكهوف و الممرات بين الجبال المجهزة بسلالم خشبية لتسهيل النزول
على طول الطريق بانوراما رائعة مزيج بين الخضرة و السماء الصافية و قمم الجبال
كتير من البيوت هناك عبارة عن جيست هاوس بتكون الأسرة عايشة فى جزء منه و الجزء التانى بيكون لإستقبال الضيوف أنا كنت حاجزة عن طريق بوكينج بس لو روحتوا هناك هتلاقوا الفنادق مكتوب عليها "Raum Frei" يعنى غرفة شاغرة للإيجار بس الكلام ده فى غير المواسم طبعا عشان ماحدش يروح من غير حجز و يلاقى الغرف كلها محجوزة و يدعى عليا
و أسيبكم مع الصور إن شالله تعجبكم
أنا من الناس اللى بتحب الطبيعة عشان كده بأحب أختار الأماكن اللى فيها جبال و خضرة و سما صافية
ناس كتير بتعتقد إن السياحة مدن كبيرة و عواصم فقط لكن فى الواقع إن فى أماكن تانية كتير ممكن تكون مجهولة بالنسبة لنا بس بتكون أجمل كتير من المدن المشهورة
الرحلة النهاردة لمكان فى جبال الألب فى النمسا قريب من الحدود مع ألمانيا و هو وجهة مشهورة للعرب حتى إن كتير من الحمامات هناك معمول حساب الموضوع ده فيها
كنت دايما بأشوف إسم زيل إم سى فى إعلانات شركات السياحة و لما عملت بحث عنها عرفت إنها مدينة سياحية مشهورة تقع على بحيرة ووجهة لكتير من السياح
كابرون أنا إكتشفتها بالصدفة و أنا بادور على معلومات عن زيل إم سى و بتطلع بالكابل كار بس إحنا لما رحنا كانت فى صيانة فطلعنا بالباص
هى عبارة عن منطقة فى الجبال فيها بحيرتين صناعيتين إتكونوا ورا السد اللى إتعمل فى أوائل القرن التاسع عشر لحجز المياة و توليد الكهربا
المنظر هناك وهمى و مافيش أى صور ممكن توفيه حقه
الرحلة كانت فى شهر سبتمبرو الحظ كان مساعد و الجو كان كويس
المنطقة هناك عموما فيها حاجات كتير ممكن تتزار زى الكهوف و الممرات بين الجبال المجهزة بسلالم خشبية لتسهيل النزول
على طول الطريق بانوراما رائعة مزيج بين الخضرة و السماء الصافية و قمم الجبال
كتير من البيوت هناك عبارة عن جيست هاوس بتكون الأسرة عايشة فى جزء منه و الجزء التانى بيكون لإستقبال الضيوف أنا كنت حاجزة عن طريق بوكينج بس لو روحتوا هناك هتلاقوا الفنادق مكتوب عليها "Raum Frei" يعنى غرفة شاغرة للإيجار بس الكلام ده فى غير المواسم طبعا عشان ماحدش يروح من غير حجز و يلاقى الغرف كلها محجوزة و يدعى عليا
و أسيبكم مع الصور إن شالله تعجبكم