A
Ahmed Elbarawi
:: مسافر ::
حوادث كثيره رؤيتها ...كنت مع جروب مصرى يزور معرض دولى بالمانيا . وكانون نازلين فى فندق 5 نجوم بمدينه كولونيا ماعدا انا كنت نازل فى مكان آخر ..بعض المصرين اتصاحبوا على ولد جزائرى يعمل هاوس كيبر ودخلوه الغرف بتاعتهم وصاحبوه قوى لانه هو الوحيد اللى بيتكلم عربى فى الفندق ..عرف ان معاهم مبالغ ماليه كبيره .بعد تلات ايام وكانو فى شهر رمضان نزلو المطعم يفطرو... استغل الولد الجزائرى وجودهم بالمطعم وبالماستر كى فتح كل الغرف واخذ كل المبالغ لزملائى وقفل الغرف وهرب من الفندق بعدما سرق اكثر من نصف مليون جنيه . استطاع الفندق تحديد السارق ولكن لم يرجع المبلغ منذ 8 سنوات .والحمد لله كنت فى فندق آخر وساعدتهم كثيرا فى عمل محاضر الشرطه وخلافه ..
A
Ahmed Elbarawi
:: مسافر ::
كنت مع جروب آخر السنه التاليه جاء احد المصريين المقيم بالسعوديه ومعاه فلوس كثيره ..نزل هذا المصرى لوحده يتجول على شاطىء نهر الراين بعد الساعه 12 ليلا .. ماسك فى ايده بوك به باسبوره وتذكرته وكاميرا صغيره وكل فلوسه .جلس وحيدا على دكه على النهر وسرح بعيد ..جاء 2 طليانه حوطوا عليه وبدأو ا بالمناوره حتى نجحوا واخذو البوك بكل ما فيه وهربو ..جاء لى يصوت ويولول .ركزت معاه . اول حاجه نعمل محضر فى قسم الشرطه ذهبت معه وعملنا المحضر وطبعا بالالمانى سين وجيم ... تانى حاجه لازم يبلغ السفاره المصريه بفقدان الباسبور..وبالصدفه الغريبه وجدت رقم السفاره مرسل لى عندما دخلت المانيا على الموبايل ...قالت السفاره . ..اشعرفنا انك مصرى .؟؟؟ لازم تجيب اثبات انك مصرى .... ياجماعه ان مصرى وحلف بالطلاق كذا مره امامى فى الاخر قالو خلى حد فى مصر يبعتلك صورة من شهاده الميلاد او صوره من الرقم القومى ونتأكد انك مصرى الاول وبعدين نيعتلك ورقه وليس باسبور ممكن تدخل بيها مصر ...المشكله مش فى مصر المشكله انه يعمل ومقيم بالسعوديه منذ سنين ..طبعا ايامى اللى مكلفانى الاف الجنيهات راحت هدر مع عكننه وجرى فى اقسام الشرطه ونصائح لا يقدر عليها احد... لكن يسرنى الله ان اعمل ما فى استطاعتى حتى تمر هذه الازمات مع ناس معرفهاش بس فى النهايه مصرين مثلى ....
H
Hiba Yahfoufi
:: مسافر ::
كنا في تايلند في الفلوتينج ماركت في المركب وانا لابسه بايدي بتاعه بحط فيها فلوس بستخدمها في كل مره اسافر وكنا بنتصور لقيتها باينه في الصور قلعتها حطتها في حضني وكان فيها 300$ كل الفلوس اللي فاضله معايا ولما روحنا الاوتيل اكتشفت اني نسيتها خالص واستلفت من اخواتي بعد ما كنت بعرض عليهم اسلفهم
A
Ahmed Elbarawi
:: مسافر ::
موعود انا بحل مشاكل المصريين فى المانيا وغيرها ..ذهبت لمحطه القطار لاستقبال مصرى صديق لبعض المصريين معى ..المشكله لا يتكلم غير المصرى ..نزل من القطار واخذناه للفندق وبعد 6 ساعات افتكر انه كان معاه بوك حاطت فيه كل فلوسه وباسبوره وتذكرة العوده ..نسيهم فى القطار .. وهذا القطار نهايته فى مدينه بعيده 400 كم عن المدينه اللى نزل فيها ..حالته وحالتنا كانت سيئه جدا من هذا الموقف . اخذته وتوجهت به الى المطه الرئيسيه وكتبنا ورقه بالمواصفات فى مكتب اسمه lost&found..بالعربى مكتب امانات ..وعملنا محضر فى الشرطه . وطلبوا منا الانتظار 48 ساعه وترك العنوان او رقم الموبايل للرد فى حاله وجودها .....فعلا اقل من 6 ساعات جاء الرد ان وجودها فى مدينه بعيده وسترجع الى المحطه التى بلغنا فيها والحمدلله رجع كل شىء سليم ..
A
Amr Dessouki
:: مسافر ::
نسيت الجاكت الجلد في هولندا وكنت آخر واحد نزل من القطار سربعه علشان كانت العربيه الاخيره وهيسحبوها وانتقلت لعربه في مقدما القطار و بعد القطار ما طلع دقايق خدت بالي ان الجاكت في العربيه الي انسحبت وبعد ساعه روحت لمحطه الوصول وعملت محضر وعنوان في هولندا لإرسال الجاكت عليه لما يلاقوه ..وحتي الان وبعد مرور 4شهور لا حس ولا خبر ....
A
Ahmed Elbarawi
:: مسافر ::
كنت مع صديق مسافرين اليونان مكثنا فيها اسبوعا وقررنا نتجه الى ايطاليا ثم سويسرا ثم فرنسا ...ذهبنا الى مكتب سياحى لقطع تذاكر بالباخره من اليونان الى جنوب ايطاليا ..الموظفه طلبت الفلوس والباسبور اعطيناها 2 باسبور والمبلغ المطلوب وقالت انتظرو شويه استريجوا .. استريحنا نادت علينا بعد دقائق وقالت فين فلوس التذاكر قلنا جو الباسبورتات...قالت مافيش حاجه والباسبور فاضى اهههه...كانت صدمه رهيبه لى ولصديقى فى اول الرحله فى حياتى وخرجنا مش عارفين نعمل ايه ..قال صديقى لا تقلق هنشتغل ونجيب فلوس ..وهنسافر ايطاليا ..واشتغلنا نرسم الناس وفعلا كسبنا مع دعاء الوالدين خرجنا من بلد اللصوص .وكملنا الرحله والحمدلله ..
A
Amr Dessouki
:: مسافر ::
تعليق واحد يعدي ..لكنه مش متكرر...اي حد غريب ماحدش يديلوه امان في موضوع فلوس وكمان فلوس كتيره..دي تعتبر غلطه من من فعلها لا تغتفر. وهو الغلطان انه بثق في،شخص غريب لمجرد أنه بيتكلم نفس اللغه ولو حتي مصري ولو حتي من نفس مدينته او قريته في مصر ولو حتي،يعرف حد من اهله ....أثناء السفر تكون في،مكان غريب و في حاله تنقل و ضغط و لا يجب ان تترك ثقتك تفسد لك رحله كلفتك الوقت والمال والتحذيرات