N
Norman Halim
:: مسافر ::
أمستردام
بوست طويل شوية
أمستردام من اكتر المدن السياحية اللي تحسوا فيها بمعني السفر لأنكم ببساطه هتقابلوا ناس من مختلف الجنسيات والاشكال واللغات والعادات علشان كده مهم جدا تستمتعوا بكل لحظة وانتوا فيها وتتعرفوا علي ناس كتير.
في رأيي (مش لازم كل الناس توافقني) ان هولندا من اسهل البلاد في الشنجن اللي بتقدروا تاخذوا الڤيزا بتاعتها كل اللي عليكم إنكم تظبطوا الورق صح؛
١- خطاب من جهة العمل طبعا موضح فيه تاريخ التعيين (طبعا كل ما كان التاريخ قديم الموقف بيبقي أقوي) والمرتب الشهري أو السنوي، أو سجل تجاري وضريبي لاصحاب الاعمال الخاصة.
٢- حجز مبدأي لتذكرة الطيران ذهاب وعوده وده لو مش هاتعرفوا تعملوه ممكن تروحوا مكتب اليطاليا في التجمع الخامس وهاتطلعوه وانتوا واقفين مجانا (بلاش المغامرة بحجز مؤكد علشان لو اترفضتوا الاسترداد بيتخصم منه فلوس واوعوا تحجزوا من علي مواقع غير مواقع شركات الطيران لان مواقع كتير بيبقي الحجز غير مسترد).
٣- حجز الفندق وانا باستخدم Booking.com دايما علشان اقدر اعرف تقييم الفنادق وبعدها عن وسط البلد أو الأماكن السياحية وبحجز من عليه (طبعا اختاروا الفنادق اللي فيها خاصية ال free cancellation (بالمناسبة الهوستلز هناك رائعة جدا ورخيصة اخر هوستل نزلت فيه كانت الليلة ب ١٥ يوروا).
٤- وثيقة تأمين سفر للاتحاد الاوروبي ودي ال ٣ أسابيع تكلفتها تقريبا ١١٠ جنيه (اتصلوا بشركات التأمين واعرفوا اكتر انا شخصيا بتعامل مع أليانز).
٥- كشف حساب بنكي (ده بقي اللي الناس بتبالغ جدا لما بيتكلموا عنه مبدأيا هما محددين مبلغ ٣٥ يورو لكل يوم هاتقعده غير مصاريف الطيران والفنادق ف لو حضراتكم حاجزين طيران ب ٣٥٠ يورو وفندق ١٠ ايّام ب ٢٥٠ يورو هاتحتاج مثلا ٣٥٠ يورو مصاريف يعني اجمالي تقريبا ٩٥٠ يورو تقريبا ٢٠ الف جنيه)!!! واهم حاجة أصلا إنكم تكونا بتعملوا عمليات سحب وإيداع علي الحساب في ال ٦ شهور دول بمعدل كويس (ويفضل يكون الحساب اللي بتقبض عليه).
٦- شهادة تحركات للي اول مره يطلع فيزا شنجن وتترجموها من مكتب ترجمة تكلفة اقل من ١٠٠ جنيه.
٧- الابلكيشن كامل بالتوقيع وتاريخ يوم التقديم.
٨- ال check list موقعة وتاريخ يوم التقديم.
................... كده الورق كامل
تحجزوا ميعاد من خلال موقع VFS global واهم حاجة تحجزوا قبل ميعاد السفر بفترة مناسبة لان الفيزا بتاخد تقريبا أسبوعين.
تعالوا بقي نتكلم عن أمستردام اللي طبعا ناس كتير اول ما بتسمعها بييجي في بالها المخدرات وال red light district
من المطار تاخذوا قطر متجه ل ال central station ب ٥ يورو
وبعد كده عندكم حلين الحل الاول وهو إنكم تعيشوا حياة السياح
والحل التاني انك تعيش حياة أهل البلد
الحل الاول:
ممكن اول ما تخرج من محطة القطر هاتروح علي مكتب I Amsterdam information office وتشتري كارت بيسمحلك انك تركب المواصلات العامة مجانا لمدة من يوم ل ٤ ايّام وcanal cruise في قنوات أمستردام ودخول مجاني لمتاحف كتير جدا وتخفيض علي متاحف تانيه ودخول حديقة الحيوان artis zoo وده اختيار مثالي للي مش بيحب المشي الكتير.
لمعلومات اكتر /I amsterdam - Your guide to visit, enjoy, live, work & invest in Amsterdam | I amsterdam
الحل التاني:
وهو إنكم تلفوا أمستردام ركن ركن علي رجلكوا أو بالعجلة اللي ممكن تاجروها علي حسب احتياجكم وهناك فنادق وهوستلز كتير بيأجروا عجل
ده بالنسبة ل ازاي هاتتحركوا هناك وكمان ازاي هاتدخلوا المزارات السياحية
بالنسبة للإقامة:
- الحل الاول وده بالنسبالي ممتع وهو Couchsurfing انك تدخل علي الويب سايت ده وتعملوا اكونت وتحددوا رحلتكم واكتبوا عن نفسكم وليه ممكن حد يستضيفكم في بيته وايه اللي ممكن تفيدوا بيه اللي هايستضيفكم وكمان تدوروا علي ناس من أمستردام وتطلبوا منهم يستضيفوكم (الحل ده بينفع اكتر مع الناس اللي ليهم خبرات قبل كده في السفر واللي عندهم recommendations)
- الحل التاني وده العادي إنكم تدوروا علي اي هوستل في وسط المدينة (المدينة كلها فركة كعب) ويكون تقييمه كويس ورأي الناس فيه كويس وسعره مناسب - أو طبعا تشوفوا فندق عادي بالمفهوم بتاعنا وده بيكون غالي عالفاضي في رأيي
بالنسبة بقي لاهم المعالم اللي هاتعدوا عليها
- Dam square وده الميدان الرئيسي في أمستردام
- Madame Tussaud's museum وده متحف لشخصيات المشاهير بالشمع وده موجود في ميدان الدام
- Amsterdam museum وهناك هاتشوف تاريخ أمستردام كله في متحف
- Heineken experience وده عن صناعة البيرة الهولندي الشهيرة
- Body worlds Amsterdam وفيه هاتدخلوا جوه جسم الانسان فعليا
- Anne Frank house والبيت اللي استخبت فيه البنت دي من القوات النازية
- Artis royal zoo والاكواريوم الرائع
- Vondel park والمكان اللي ممكن تقضوا فيه وقت تستمعوا فيه بالهدوء والجو الرائع
- Van Gogh museum غنى عن التعريف
- Rijksmuseum واللي بيحكي عن تاريخ الفن في المدينة
- I amsterdam sign الغنية عن التعريف
- Rembrandt square واللي فيه مطاعم وnightclubs كتير
- وأخيرا ال red light district واللي حابب يبص بصة علي حاجة مختلفة
طبعا معلومة ناس كتير عارفاها ان هناك المرجوانا والحشيش مقننين وتقدروا تشتروها من اي coffee shop وتشربوها في الشارع كمان بس اهم حاجة السن يكون اكبر من ١٨ سنة
المدة المناسبة للاستمتاع هناك واللف تقريبا ٤ ايّام
ماتنسوش تجربوا منتجات الألبان المختلفة
Bulldog ده مطعم بيقدم اكل لطيف
Albertheijn ده سوبر ماركت موجود في كل مكان في أمستردام وتقدروا تشتروا منه كل حاجة فعليا
فيه محل بطاطس صاحبه مصري اسمه friet point بيعمل بطاطس وهمية
Media market ده زي مول كبير للإلكترونيات واسعار المنتجات هناك رخيصة فعلا هتلاقوا حاجات كتير جدا
ماتنسوش تعدوا البر التاني من محطة القطر لان المكان فيه مباني من الطراز المعماري الحديث
أمستردام كل ركن فيها فيه إنترنت مجانى
حملوا خريطة أمستردام قبل ما تروحوا واكتبوا الأماكن اللي عايزين تروحوها
جوجل عاملين ابلكيشن لطيف ينظم الرحلات ويجمعلكم الأماكن اللي جنب بعض علشان توفروا وقت ومواعيد العمل فيها كمان
انچووووووى
اي سؤال انا تحت امركم
بوست طويل شوية
أمستردام من اكتر المدن السياحية اللي تحسوا فيها بمعني السفر لأنكم ببساطه هتقابلوا ناس من مختلف الجنسيات والاشكال واللغات والعادات علشان كده مهم جدا تستمتعوا بكل لحظة وانتوا فيها وتتعرفوا علي ناس كتير.
في رأيي (مش لازم كل الناس توافقني) ان هولندا من اسهل البلاد في الشنجن اللي بتقدروا تاخذوا الڤيزا بتاعتها كل اللي عليكم إنكم تظبطوا الورق صح؛
١- خطاب من جهة العمل طبعا موضح فيه تاريخ التعيين (طبعا كل ما كان التاريخ قديم الموقف بيبقي أقوي) والمرتب الشهري أو السنوي، أو سجل تجاري وضريبي لاصحاب الاعمال الخاصة.
٢- حجز مبدأي لتذكرة الطيران ذهاب وعوده وده لو مش هاتعرفوا تعملوه ممكن تروحوا مكتب اليطاليا في التجمع الخامس وهاتطلعوه وانتوا واقفين مجانا (بلاش المغامرة بحجز مؤكد علشان لو اترفضتوا الاسترداد بيتخصم منه فلوس واوعوا تحجزوا من علي مواقع غير مواقع شركات الطيران لان مواقع كتير بيبقي الحجز غير مسترد).
٣- حجز الفندق وانا باستخدم Booking.com دايما علشان اقدر اعرف تقييم الفنادق وبعدها عن وسط البلد أو الأماكن السياحية وبحجز من عليه (طبعا اختاروا الفنادق اللي فيها خاصية ال free cancellation (بالمناسبة الهوستلز هناك رائعة جدا ورخيصة اخر هوستل نزلت فيه كانت الليلة ب ١٥ يوروا).
٤- وثيقة تأمين سفر للاتحاد الاوروبي ودي ال ٣ أسابيع تكلفتها تقريبا ١١٠ جنيه (اتصلوا بشركات التأمين واعرفوا اكتر انا شخصيا بتعامل مع أليانز).
٥- كشف حساب بنكي (ده بقي اللي الناس بتبالغ جدا لما بيتكلموا عنه مبدأيا هما محددين مبلغ ٣٥ يورو لكل يوم هاتقعده غير مصاريف الطيران والفنادق ف لو حضراتكم حاجزين طيران ب ٣٥٠ يورو وفندق ١٠ ايّام ب ٢٥٠ يورو هاتحتاج مثلا ٣٥٠ يورو مصاريف يعني اجمالي تقريبا ٩٥٠ يورو تقريبا ٢٠ الف جنيه)!!! واهم حاجة أصلا إنكم تكونا بتعملوا عمليات سحب وإيداع علي الحساب في ال ٦ شهور دول بمعدل كويس (ويفضل يكون الحساب اللي بتقبض عليه).
٦- شهادة تحركات للي اول مره يطلع فيزا شنجن وتترجموها من مكتب ترجمة تكلفة اقل من ١٠٠ جنيه.
٧- الابلكيشن كامل بالتوقيع وتاريخ يوم التقديم.
٨- ال check list موقعة وتاريخ يوم التقديم.
................... كده الورق كامل
تحجزوا ميعاد من خلال موقع VFS global واهم حاجة تحجزوا قبل ميعاد السفر بفترة مناسبة لان الفيزا بتاخد تقريبا أسبوعين.
تعالوا بقي نتكلم عن أمستردام اللي طبعا ناس كتير اول ما بتسمعها بييجي في بالها المخدرات وال red light district
من المطار تاخذوا قطر متجه ل ال central station ب ٥ يورو
وبعد كده عندكم حلين الحل الاول وهو إنكم تعيشوا حياة السياح
والحل التاني انك تعيش حياة أهل البلد
الحل الاول:
ممكن اول ما تخرج من محطة القطر هاتروح علي مكتب I Amsterdam information office وتشتري كارت بيسمحلك انك تركب المواصلات العامة مجانا لمدة من يوم ل ٤ ايّام وcanal cruise في قنوات أمستردام ودخول مجاني لمتاحف كتير جدا وتخفيض علي متاحف تانيه ودخول حديقة الحيوان artis zoo وده اختيار مثالي للي مش بيحب المشي الكتير.
لمعلومات اكتر /I amsterdam - Your guide to visit, enjoy, live, work & invest in Amsterdam | I amsterdam
الحل التاني:
وهو إنكم تلفوا أمستردام ركن ركن علي رجلكوا أو بالعجلة اللي ممكن تاجروها علي حسب احتياجكم وهناك فنادق وهوستلز كتير بيأجروا عجل
ده بالنسبة ل ازاي هاتتحركوا هناك وكمان ازاي هاتدخلوا المزارات السياحية
بالنسبة للإقامة:
- الحل الاول وده بالنسبالي ممتع وهو Couchsurfing انك تدخل علي الويب سايت ده وتعملوا اكونت وتحددوا رحلتكم واكتبوا عن نفسكم وليه ممكن حد يستضيفكم في بيته وايه اللي ممكن تفيدوا بيه اللي هايستضيفكم وكمان تدوروا علي ناس من أمستردام وتطلبوا منهم يستضيفوكم (الحل ده بينفع اكتر مع الناس اللي ليهم خبرات قبل كده في السفر واللي عندهم recommendations)
- الحل التاني وده العادي إنكم تدوروا علي اي هوستل في وسط المدينة (المدينة كلها فركة كعب) ويكون تقييمه كويس ورأي الناس فيه كويس وسعره مناسب - أو طبعا تشوفوا فندق عادي بالمفهوم بتاعنا وده بيكون غالي عالفاضي في رأيي
بالنسبة بقي لاهم المعالم اللي هاتعدوا عليها
- Dam square وده الميدان الرئيسي في أمستردام
- Madame Tussaud's museum وده متحف لشخصيات المشاهير بالشمع وده موجود في ميدان الدام
- Amsterdam museum وهناك هاتشوف تاريخ أمستردام كله في متحف
- Heineken experience وده عن صناعة البيرة الهولندي الشهيرة
- Body worlds Amsterdam وفيه هاتدخلوا جوه جسم الانسان فعليا
- Anne Frank house والبيت اللي استخبت فيه البنت دي من القوات النازية
- Artis royal zoo والاكواريوم الرائع
- Vondel park والمكان اللي ممكن تقضوا فيه وقت تستمعوا فيه بالهدوء والجو الرائع
- Van Gogh museum غنى عن التعريف
- Rijksmuseum واللي بيحكي عن تاريخ الفن في المدينة
- I amsterdam sign الغنية عن التعريف
- Rembrandt square واللي فيه مطاعم وnightclubs كتير
- وأخيرا ال red light district واللي حابب يبص بصة علي حاجة مختلفة
طبعا معلومة ناس كتير عارفاها ان هناك المرجوانا والحشيش مقننين وتقدروا تشتروها من اي coffee shop وتشربوها في الشارع كمان بس اهم حاجة السن يكون اكبر من ١٨ سنة
المدة المناسبة للاستمتاع هناك واللف تقريبا ٤ ايّام
ماتنسوش تجربوا منتجات الألبان المختلفة
Bulldog ده مطعم بيقدم اكل لطيف
Albertheijn ده سوبر ماركت موجود في كل مكان في أمستردام وتقدروا تشتروا منه كل حاجة فعليا
فيه محل بطاطس صاحبه مصري اسمه friet point بيعمل بطاطس وهمية
Media market ده زي مول كبير للإلكترونيات واسعار المنتجات هناك رخيصة فعلا هتلاقوا حاجات كتير جدا
ماتنسوش تعدوا البر التاني من محطة القطر لان المكان فيه مباني من الطراز المعماري الحديث
أمستردام كل ركن فيها فيه إنترنت مجانى
حملوا خريطة أمستردام قبل ما تروحوا واكتبوا الأماكن اللي عايزين تروحوها
جوجل عاملين ابلكيشن لطيف ينظم الرحلات ويجمعلكم الأماكن اللي جنب بعض علشان توفروا وقت ومواعيد العمل فيها كمان
انچووووووى
اي سؤال انا تحت امركم
