M
Mohamed Mansour Ali
:: مسافر ::
السلام عليكم و رحمة الله و بركاته
النهاردة حابب اتكلم عن نقطة مهمة فى السفر دايما الكلام على ازاى تحصل على التأشيرة و لكن برضو مهم جدا انك تعرف ان فيه ناس لا قدر الله ممكن تترحل او تواجه مشاكل و صعوبات فى دخول البلد رغم انهم بيحملوا تأشيرة لو شك فيه ضابط الجوازات
انا هافتح الموضوع ده من واقع خبرتى البسيطة و مواقف حصلت لبعض الاصدقاء و المعارف و شوية نقط و اتمنى من حضراتكم مشاركتنا بخبراتكم و نصائحكم
- خلى معاك كل الورق الخاص بالتأشيرة و الدعوة مثلا او خطابات نسخة مطبوعة فى حقيبة اليد و نسخة على موبايلك مهما كان الورق انت شايفه بسيط و مش مهم لانه ممكن يطلب منك فى المطار (واحد صاحبى كان داخل موسكو طلبو منه الدعوة الى جاتله من شركة سياحة للحصول على التأشيرة رغم انه معاه تأشيرة سليمة و لحسن الحظ كانت معاه بالصدفة)
- طبعا مهم جدا تذكرة الطيران ذهاب و عودة ممكن يطلب يطلع عليها عشان يتأكد انك عندك نية ترجع مش تهرب
- حجز الفندق او الهوستيل خليه مؤكد حتى لو اول ما توصل البلد عشان يتاكد هتقيم فين حصلت مع صديق الضابط اتصل بالفندق و اتأكد بنفسه من الحجز و الاسم
- الفلوس معاك كام دولار او يورو عشان يتأكد انك معاك فلوس تصرف الفترة الى هاتقضيها فلازم يكون معاك مبلغ معقول كاش مش فيزا فلازم تكون عارف معاك كام بالضبط ممكن يطلب يشوفهم و غالبا مش هيعدهم
- جى تعمل ايه فى البلد سؤال مهم ؟
سياحة طيب جى تسوف ايه و جدولك لازم تكون مذاكر و عارف الاماكن السياحية و المدن عشان تكون مقنع مش معقول قاطع تذكرة و جى تتفسح و مش عارف هتعمل ايه
و يارب رحلة سعيدة للجميع و محدش يتعرض لاى مضايقات و فى انتظار ارائكم و مواقفكم
النهاردة حابب اتكلم عن نقطة مهمة فى السفر دايما الكلام على ازاى تحصل على التأشيرة و لكن برضو مهم جدا انك تعرف ان فيه ناس لا قدر الله ممكن تترحل او تواجه مشاكل و صعوبات فى دخول البلد رغم انهم بيحملوا تأشيرة لو شك فيه ضابط الجوازات
انا هافتح الموضوع ده من واقع خبرتى البسيطة و مواقف حصلت لبعض الاصدقاء و المعارف و شوية نقط و اتمنى من حضراتكم مشاركتنا بخبراتكم و نصائحكم
- خلى معاك كل الورق الخاص بالتأشيرة و الدعوة مثلا او خطابات نسخة مطبوعة فى حقيبة اليد و نسخة على موبايلك مهما كان الورق انت شايفه بسيط و مش مهم لانه ممكن يطلب منك فى المطار (واحد صاحبى كان داخل موسكو طلبو منه الدعوة الى جاتله من شركة سياحة للحصول على التأشيرة رغم انه معاه تأشيرة سليمة و لحسن الحظ كانت معاه بالصدفة)
- طبعا مهم جدا تذكرة الطيران ذهاب و عودة ممكن يطلب يطلع عليها عشان يتأكد انك عندك نية ترجع مش تهرب
- حجز الفندق او الهوستيل خليه مؤكد حتى لو اول ما توصل البلد عشان يتاكد هتقيم فين حصلت مع صديق الضابط اتصل بالفندق و اتأكد بنفسه من الحجز و الاسم
- الفلوس معاك كام دولار او يورو عشان يتأكد انك معاك فلوس تصرف الفترة الى هاتقضيها فلازم يكون معاك مبلغ معقول كاش مش فيزا فلازم تكون عارف معاك كام بالضبط ممكن يطلب يشوفهم و غالبا مش هيعدهم
- جى تعمل ايه فى البلد سؤال مهم ؟
سياحة طيب جى تسوف ايه و جدولك لازم تكون مذاكر و عارف الاماكن السياحية و المدن عشان تكون مقنع مش معقول قاطع تذكرة و جى تتفسح و مش عارف هتعمل ايه
و يارب رحلة سعيدة للجميع و محدش يتعرض لاى مضايقات و فى انتظار ارائكم و مواقفكم