M
Mahmoud El Far
:: مسافر ::
إنتا مش شايف إن ده "تقييض" للـ"حرية الفكرية" فعلاً؟ يعني هو مدخلش شتمها شخصياً. دخل قال إفيه. من حق صاحب البوست ومن حقك وحق أي حد يتجاهله. بس تعمله بلوك؟ من وجهة نظرك إنتا الشخصية ده عدم إحترام. ومن وجهة نظري أنا وناس تانية حتى لو قليلة ده راجل بيهزر مش قصده يقل من حد. فنتا فرضت وجهة نظرك علينا كلنا تحت مسمى "الإحترام" وخلاص. وبعدين الراجل حتى مقالش لفظ خارج ودارج متعارف عليه في الشارع. ده قال حاجة بتتقال على التليفزيون وبيتقال أوسخ منها في المواصلات وفي البيوت. كان ممكن فعلاً تعمله بلوك من سكات وخلاص. بس إنتا فضلت تتغذى على التعليقات المؤيدة لرأيك الشامخ علشان تحس إنك صح أكتر. واضح إن السفر معلمكش كتير عن تقبل الآخر وتوسيع المدارك والكلام الجميل ده كله.
A
Ahmed Aly
:: مسافر ::
هو تعليق بسيط انا واحد مش بحب اشوف الالفاظ دي ولا اسمعها واضايقت لما شفتها فمش عارف صح انها تتعمل ف بوست عريض كدا ولا لا وهل دا تصرف صح من حضرتك ولا لا بس ياريت الادمنز تفكر ف فكره افضل .... زي صندوق للشكاوي من الناس اللي اضررت يبعتو فيه اسكرينه للكلام وحضرتك او حد من الادمنز يحذر الشخص دا مره ولو اتكرر بلوك
H
Hossam Sultan
:: مسافر ::
شوفوا بقى أنا ليا وجهة نظر وممكن تبقى ميثاق شرف فى كلام جارح أو شتيمة أو كلام فيه ألفاظ تخدش الحياء العام ده يتعمله بلوك وقتي اما إذا كان كلام في نوع من الاستزراف وصاحب البوست أو التعليق قبل كدا أوكي اما إذا لم يقبل وصاحب التعليق مش أعتذر على ده برضه يتعمله بلوك ياريت الأخ معتز يعمل الموضوع ده علشان مش كل شويه يبقى فيه لغط ومشادات على حاجة تافهة
R
Reham Mahmoud Gamal Eldin
:: مسافر ::
انا مش فاهمة الناس معترضة ليه على تصرف الادمن !!! ولا هو التعبير عن الرأي بالفاظ سوقية وغير مقبولة بقى عادي للبعض انا بقيت شايفة ان الناس بتتكلم عن الغلط لا وبتدافع عنه كمااان حاجة تحزن فعلا واللي مش عجبه سيستم الجروب يقدر يعمل ليف وشوفله جروب تاني الالفاظ السوقية فيه مقبولة وحرية رأي