طبعا زي كل يوم لازم يبقي عندنا قائمه شرفيه...

[Moutaz Mohamed]

طبعا زي كل يوم لازم يبقي عندنا قائمه شرفيه لناس اصحاب الاستخفاف السافل الزايد الي وصلت الي عدم وضع اي اعتبار لناس المحترمه علي الجروب.
ديه نوعيه من الاشخاص الي فعلا بنستحقر وجودهم معانا علي الجروب.
ده رد علي احد عضوات الجروب الي نزلت سؤال بتفضل تسافر مع مين.
اتمني منتعاطفش مع الناس ديه و نقول هما معملوش حاجه او كده تقييض لحريه الفكريه او اعملهم بلوك من غير تشهير.
الناس ديه معملتش احترام ليكم قبل ما تعمل احترام لادمنز الجروب.
كل يوم هيكون عندنا قائمه شرفيه بالناس ديه عشان تكون فخوره بنفسها.
#الاحترام
#Traveller_Experience_Admins

 

[Ahmed El-Baqari]

مكانش لية لازمة الصورة يا معتز المفروض بلوك للناس دي من الجروب والموضوع ينتهي عند كده

 

[Lovely Hopiz]

ناس ديه مش بتفرق معها تنزل الصوره

 

[Mohamed Salah Eldin]

واحد محترمش افراد الجروب واتكلم بكلام وقح فى جروب عام يبقى لازم التشهير بيه . اللى عايز السفالة هو حر على صفحته او انبوكس بينه وبين اى حد انما طالما على العام يبقى يلتزم باداب الجروب .

 

[Nader Fouda]

نفسى اعرف هى السفالة بقت موضة على الفيس اليومين دول؟؟

 

[Ahmed El-Baqari]

يا جماعة وجهة نظري والله ان معتز حذف المخالفة وعملة بلوك علشان الناس متشوفش الشتايم دي فمينفعش اننا نحذف الشتايم وبعدين نظهرها تاني للناس عالاقل كان يتعمل تموية علي الكلام بتاعهم

 

[Ahmed Elgendy]

يعنى انت زعلان من اللى كتبه و هما معملوش احترام للناس تقوم انت تفرج الجروب كله على شتايم و الفاظ متصحش !

انت فرقت ايه عنه .. الضرر اللى مجاليش لما الكومنت دة اتكتب و مشفتوش .. ضرنى دلوقتى لما انت شيرته

 

[Mostafa Elsantawy]

هو كل يوم تعملوا حوار
ما تعمل بلوك في صمت و خلاص يعني هو لو قولنالك شيل البلوك هتشيله !!
سواء هو غلط بأة ولا صح فهو مش هتقف حياته لو طلع برا الجروب ولا إحنا هيتدمر مستقبلنا من غيره
ده غير إنك بتعمل دعاية للكومنت إللي أنتَ شايفه سافل و طبعًا الراجل حاليًاا مش موجود عشان يرد عن نفسه فماينفعش نتكلم عنه حتى لو هو وحش

 

[Muhammed Saad]

نفس الفكرة الزباله الاستاذ الظريف ده ولم كتبت ريبلاي برد عليه مسح الكومنت اشخاص مريضه Moutaz Mohamed

 

[Hossam Sultan]

لا ده صح علشان يبقى عبرة

 

[Sameh Zinhom]

التشهير غلط ياجماعه لان مش كل كل الناس شافت هذه المحادثة كان يتعملو بلوك وخلاص وتخلى عند حضرتك الاسكرين شوت لو حد سأل حضرتك

 

[Le Maire Emad]

يا معتز انت لو عندك حاجة معفنة ف اكيد هتتخلص منها وترميها في اقرب زبالة وخلاص علي كدا مش لازم اهلك في البيت تعرفهم ان الحاجة دي كانت معفنة لانهم متاكدين طالما انت رميتها تبقي اكيد كانت معفنة
ف انا من وجهة نظري المتواضعة ان نشرك لاسماء " البني ادمين " دول ممكن يكون عملهم قيمة اصلا وبالتالي بلوك من سكات يامعلم وبدل ما مضيع وقت في اننا نشوف قائمة " بني ادمين " زي دول احنا ممكن نعمل اي بوست او نقاش في موضوع يفيد اعضاء الجروب اللي داخلة هنا علشان تستفيد ب اي معلومة عن السفر
شكرا

 

[Seif Amer]

ازيكم ياجماعه : عندى رايى مش عارف مناسب للمناقشه او لا
بس انا عامل جروب للسفر من سنين وكان معمول للصحاب وبس لتبادل المنفع وفرص الاستثمار بعد كدا كبر وبقى فى ااعضاء كتير والحديث عن المنح والتدريب , المهم كنت فى الاول بنبه ان الاعضاء عليهم التعامل مع البنت زى الولد ومافيش داعى للبرايفت مسج لأن الناس بتزهق ونخلى المنفعه للجميع وبالاخص اننا كلنا متطوعين ومش مجبرين على شىء , لقيت ناس كتير سابت الجروب , وكانت التجربة صعبه جدا وغير مناسبه للفئة دى من الناس , يعنى التوعيه والتنبيه وعدم اتخاذ اى اجراء تجاه افعالهم الطفوليه ووجودهم الساخر اللى بيحول اى منصه تواصل ونقاش جاد الى مهزله وتحطيم , بينتشروا بسرعه اللهب

المهم وانا اسف للاطاله
اى بنت او ولد بيبعتلى ان حد كلمه برايفت وبيستظرف
او اى حد بيقول خاص
او النوعيات اللى زى كدا
سكرين شوت وبلوك من الجروب

عالمستوى الشخصى الموضوع دا هيفيده غصب عنه وهيعلمه ويعلمها تحد من الهطل بتاعها وان لكل مقام مقال . وشكرا

 

[Mayada Mohsen]

كنت هعملكوا منشن

 

[Ivan Enrique Gomez Castro]

 

[Ivan Enrique Gomez Castro]

 

[Ivan Enrique Gomez Castro]

 

[Hebaa Mohamed Monji]

تصرف سليم
وياريت كمان أي ظريف يدخل يكلم بنت عالخاص يتعمله سكرين شوت كده

 

[Mohamed A. Zaki]

عاش استمر
دايما. بقول ان ادمنز الجروب هنا اكتر ناس بتشتغل و تهتم كويس بجروبهم عكس باقي الجروبات اللي بيحبوا زيادة التفاعل بالشتايم و غيره

 

[Shaimaa El-sidawy]

ممكن تحذفهم من غير ما تنزل صورهم