المشكلة انه مالهاش مواعيد الظاهرة دي. بتحصل فجأة مرة واحدة تلاقي السماء نورت بالألوان الجميلة دي. ازرق و اخصر و احمر.
في برامج بتحاول تتوقع امتي مواعيد ظهور الانوار دي. بس الفكرة انه اذا السماء مش صافية يصعب جدا رصد الظاهرة دي. يعني بتعتمد علي الحظ. انه تكون السماء صافية و فيه توقع عالي ان الظاهرة هاتحدث.
علشان تشوفها في النرويج يفضل تكون في اقصي الشمال (مدينة ترومس) في الشتاء الدنيا هناك ليل تماما بس المدينة مش مخيفة خالص. عن نفسي شوفتها من مدينة تروندهايم. هي مش مرتبطة بالنرويج بس، شمال كندا و السويد و روسيا و الاسكا الامريكية كمان يقدروا يشوفوها.
للأسف مافيش طيران مباشر بين مصر و النرويج لازم ترانزيت في النص. سعر تذاكر الطيران غالية جدا للأسف يعني في حدود 10 الف جنيه ذهاب و عودة. و الحياة غالية جدا في النرويج عموما.
هو علشان تطلع رحلة علشان الشفق القطبي هاتكون مكلفة جدا. بس اذا بتحب التزلج علي الجليد هاتتبسط جدا. هموا بيشجعوا كل الناس علي التزلج.
