ممكن تتخيلو معايا وتتماشو لاخرالمحاكاة الى...

[Ibrahim M. Ibrahim]

ممكن تتخيلو معايا وتتماشو لاخرالمحاكاة الى عايز افكر فيها ...
دلوقتى انا شخص اجنبى وقررت اسافر دولة سياحة و انا بدور لقيت دولة اسمها "مصر" فعملت شوية سيرش على النت بس مفهمتش هيا بردو حلوة ولا وحشة فدخلت جروب شبه ده و سئلت سؤالى " حد راح دولة اسمها "مصر" وحلوة سياحة ولا لأ ! ولو عايز اقيم هناك و ابدأ فيها بيزنس بعد كدا افضل حاجه اشتغل فيها ايه خصوصا انا عرفت ان عملتهم رخيصة وكذلك العمالة " ... وانت بالصدفة كشخص عربى لقيت السؤال وبتفكر ترد ... هتقول ايه ؟
ياريت الى يرد يكون بجدية مش هزار لان الموضوع مهم على الاقل بالنسبالى .
وشكرا مقدما للمهتم
#This_is_Egypt

 

[Mohammed Youssef]

كشخص عربي
ولا مصري
تفرق كتييير حضرتك

 

[Ray Maalouf]

حلوة كسياحة طبعا و ممكن تكون افضل دولة فى العالم سياحيا لو الدولة اهتمت اكتر بيها لأن فيها كل حاجة بس بيغيب عنها التسويق و الاهتمام و التنظيم.
وافضل حاجة تعمل بيها بيزنس هو الآكل...مكان مميز و اكل حلو و اسعار معقولة مع شوية تسويق تكسب دهب

 

[Eman Hussien]

مصر بالنسبة لأي حد عربي او أجنبي بلد من ارخص بلاد العالم و فيها أماكن سياحية و أثرية مش موجودة في اي مكان تاني

 

[شيماء ابو العلا]

رخيصة كسياحة وتنوع سياحي بين معالم وبحر وسهر نظم برنامج شخصي واعتمد على أفراد ثقة وانت تستمع وابعد عّن الأماكن الزحمة او زورها بالليل أكيد هتسمتع
البيزنس طبعا في إمكانية نحاح حسب دراسة المشروع ممكن فتح مصنع او مستشفى او مدرسة وان كان بدون خبرة يبقى مطعم مفيش مطعم بيخسر في مصر

 

[Hassan EL-Banna Mahmoud]

هو التسلسل الطبيعي اني هاسال اي حد من اصدقائي الثقة او قرايبي زار البلد دي و رأيه فيها ايه، و بعدين هادور علي مواقع متخصصة في السياحة و مهتمة بالأمور دي و اشوف رايها ايه في البلد دي من كل حاجة. و بعدين اقرر ازورها ولا لا. وزارة الخارجية في الدول المحترمة بتدي تعليمات و نصائح كمان للمواطنين بتوعها عن البلاد الاخري. اذا مهتم ادخل وشوف نصائح الدول دي لمواطنيهم عن مصر. بس كده.

 

[Bassem Abou Setta]

هحاول افصل عقلي و افكر بشكل مختلف لأن اكيد ردي ل أجنبي غير لمصري بما ان الأجنبي ف بلدنا له قيمة و اعتبار و احترام و مميزات أكتر مننا بكتير
.
سياحة فوق الممتازة و كل حاجة تعتبر ببلاش و كاستثمار هتتعب مع البيروقراطية بس مصر مش بلد منتجة و تقدر تستثمر فيها كويس جدا و بشوية رشاوي بسيطة ممكن تاخد امتيازات و أراضي و حاجات كتير و هتلاقي القانون تحت رجليك لأن معاك فلوس و تعرف تشغل اهلها بالرخيص و تاخد الأرباح ليك بعد خصم ملاليم الضرايب و العمالة الرخيصة و اتطمن لو حصلك اي مشكلة حقك راجع لانك أجنبي و معاك فلوس .. لو عالمعيشة ف هتتعب جدا لأن الحياة غير آدمية إلا لو قررت تعزل نفسك عن المجتمع و لو عندك أسرة صعب تكون ليهم مستقبل محترم

 

[Aliaa Ali]

هما مش بيفكرو زينا بالتالى مش هيكتبو البوست اصلا

 

[Omar Wajdy]

أجمل بلد في الدنيا .. بس بلاش استثمار اليومين دول

 

[Radwa Nabil]

طيب كاجنبي السياحه هايله سواء ترفيه شواطيء وثقافه مختلفه في جنوب سينا شمال البلاد والبحر الاحمر او حتي مناطق اثريه كثيره وجميله في كل البلد وبرده من المميزات انه العمله والعماله رخيصه
بس العيوب اللي ممكن تلاقيها الامن والامان حتي للاجانب مش قد كده
ونظام البلد ما بقاش بيساعد ع الاستثمار
والحقيقه اكتر طبقات كتيره من الناس في وضع سيء جدا وصعب تتوقع ايه اللي جي
غير انه في احداث حصلت للسياحه من فتره تخوف اي حد يجي اعتقد الكل عارفها وحتي الجرائد العالميه كتب عنها اسوءها كان قصف سياح بالخطاء

 

[Ahmed Rezq]

هي مصر حلوة مفيش كلام بس متروحش هناك

 

[Engy Mossad]

شكلك مشربتش من نيلها

 

[Lamiaa Abdullah]

زمان مصر كانت حلوة للاجانب تعيش فيها وعندي زمايلي عملوا فلوس حلوة من تحت راس الشغل فمصر واشترو بيوت واراضي فبلدانهم.بس بعد الازمات وبعد التعويم بتاع الجنيه، المعادلة بقت مش ظريفة.واي بيزنيس حيعتمد فمرحلة من تنفيذو علي الاستيراد وهنا مربط الفرس.

 

[Naira Ahmed]

حلوه كسياحه لكن وحشه كمعيشه وكبزنس

 

[Ayat AlFarra]

انا وحدة كنت مفكرة انها مش هالاد خصوصا نزلاتي كانت تنحصر بين اسكندرية والقاهرة . لكن لما رحت شرم والغردقة بديت اغير فكرتي بس الي فعلا خلاني احس انها روعه ... لقصر واسوان كروز في النيل طبعا في الشتا شيء روعه والاحلى طبعا انه ارخص من كتير دول
بس بالنسبة للعيشة والشغل اكيد مش حنصح الاجنبي الي مش متعود على اساليب العرب انه يجي يفتح بيزنس في دول عربية . اما كوظيفة اذا بعقد خارجي متأمنله السكن والمواصلات وتكت سنوية حشجعه وبشده !! احسن ناس عايشة في الدول العربية هم الجوازات الاجنبية الي جايين بعقود خارجية

 

[Hana Ahmad]

بلد حلوة ومتنوعه السياحه وحاقوله عالامكان المميزة حسب اهتماماته

 

[Wafaa Ahmed]

كان نفسي تكمل المثال بتاعك وتقول علي اللي بيفضلوا يزموا في البلد ويقولوا للناس ميجوش ويكرهوهم في البلد ،ده جروب ممكن من خلاله نعمل سمعه طيبه لمصر مش نقول سلبياتها علي الملاء خصوصا للي جاي سياحه

 

[Mohamed Nagy]

 

[Salma Abu Donia]

هتعيش ملك زمانك و هتتبسط فى مصر جدا لانك اجنبى

و تشتغل مدرس فى مدرسة انترناشيونال وتاخد اضعاف اضعافنا وبالدولار كمان حتى لو كنت سباك او سواق فى بلدك

واهلا بيك فى مصر

وهساله لو ينفع اروح مكانه فى بلده بقى

 

[Abdelrahman Hijazi]