انا جربت هيلسينكي ستوكهولم و ريجا ستوكهولم. معرفش اللي بين تاليين و هيلسينكي ممكن تكون مختلفه في ايهوعلشان المسافه اصغر كتير. بس عموما بيبصوا علي باسبورك بس علشان يتاكدو من شخصيتك. لو حاجز كبينه كامله ليك تبقي تمام لو حاجز سرير في كبينه بيبقي انت و حظك ممكن يدوك كبينه فاضيه مفهاش حد و ممكن يدوك كبينه فيها ناس تانيه و دي رخمه جدا خصوصا بقي لو بيشربوا كحول. بس ممكن تطلب تغير الكبينه لو كده و لو عندهم افضي بيدوك. انت عموما مسافتك قصيرة هتقضيها فوق الدك غالبا. خلي معاك جاكت مطر علشان لو مطرت. غير كده في الصيف ممتعه جدا. في ايه تاني عايز تسال عليه؟ متنساش تاخد اكل و شرب ليك لو مش عايز تشتري من عليها.
