من ساعه ما قريت البوست بتاع التسلق كام سؤال فى...

  • بادئ الموضوع بادئ الموضوع Ahmed Rezk
  • تاريخ البدء تاريخ البدء
عرض العطلة
A

Ahmed Rezk

:: مسافر ::
#1
من ساعه ما قريت البوست بتاع التسلق كام سؤال فى مخى ايه اللى يخلى حد بكامل قواة العقليه يقرر يخاطر بالشكل دا فين المتعه ان اطلع اموت :-D و الاغرب الناس اللى بتنزل ازاى اصلا بتعيش وهى شايفه ناس بتموت ومسعدتهمش اعتقد انتوا اكتر ناس تعرفوا تردوا معشر المسافرين :-D
 
#3
والله عندك حق . صحيح ان المغامرة حلوة بس متوصلش للمخاطرة بالحياة وكمان حتى لو الواحد نجى منها كغاية الاحساس بالذنب طول الحياة انى مقدرتش اساعد ناس بتموت قدامى.
 
#5
فعلا نفس الكلام والشعور .. طب ما يدفنوهم حتى ..
وفكرت الناس دي عاوزة تعمل انجاز .. طب ما يروح مثلا يتطوع في اي عمل في افريقيا واهو لو مات بالملاريا ولا حاجة يبقى مات بسبب حاجة ليها قيمة .. انما البشرية استفادت ايه لما وصلت لقمة ايفرست؟
والاسوا اني بعد ما قريت البوست ودخلت عاللنك مباشرة قريت خبر موت اب كويتي وطفله 9 سنين من العطش بعد ما عربيتهم غرزت في الصحرا
 
عرض العطلة
#6
هي متعة أعتقد فيها مخاطرة كبيرة جداً.. ممكن تتفرجو على فيلم Everest إنتاج 2015 يمكن تفهموا الناس دي بتحاول تثبت إيه لنفسها
 
#7
جبل ايفيريست معموله كذا فيلم عنه وعن مخاطره وازاى المتسلقيين بيبقوا عارفين انهم طالعين وممكن ماينزلوش دا غير الكوارث اللى ممكن تحصل لاى جبل ف اى لمحه بصر ممكن تحصل عليه بنسبه اكبر وبرده بيكملوا بادوات عاديه زى اى تسلق لاى جبل .. ف ناس بتروح ف وقت نسبه الجليد عليه قليله وتفتكر ان كدا الخطر قليل وف ناس مش بيهمها جليد او غيره .. ف كلتا الحالتين اللى بيخاطر بحياته ومش عارف قيمتها ملهوش اى لزمه يكمل بيها وملهاش علاقه بحب المغامره
 
#8
لما كان في 6 شباب ماتو علي جبل سانت كاترين من سنتين تلاته تقريبا
كنت زعلانه جدا واتدايقت اووي وقولت احنا لو في بلد محترمه مكانوش ماتو لأنهم فعلا لو بعتو ليهم طياره مكنش دا حصل
والطياره بعد السوشيال ميديا ما اتقلبت راحو جابوهم جثث

مفيش حاجه ف الدنيا اسمها مساعدش روح حتي لو هموت معاه

هما كانو بيبررو جبنهم بحجج فاضيه
 
عرض العطلة
#11
فى ناس بتحب التسلق بتبقى متعه ليهم الفكرة ان اشوف حد بيموت ومساعدوش طيب الى مات دة خلاص لكت الى بيموت وبعدين يعنى تكنولوجيا العالم دى كلها مش عارفة تجيب طيارة تاخد الجثث تتدفن ؟؟؟؟
 
#12
في فيلم اسمه افريست هيجاوبك علي حجات كتير ومش بيبقي الموضوع عدم مساعده قد مالموضوع مساعده باليقدر عليه افريست كمان غير سانت كاترين لأن كاترين مزار سياحي الناس العاديه ممكن تطلعوه مع مرشدين لكن تسلق افريست محتاج ناس متدربه وعارفين كويس ان ممكن جدا يموت و المتعه بتختلف من شخص للتاني انصحك تتفرجي علي الفيلم حلو جدا
 
#13
البوست ده فعلا مرعب المهم ان احنا كمسلمين مش المفروض نعمل حاجه زي كده لان اللي يموت ف وضع زي ده يبقى ف حكم المنتحر سبحان الله القران ماسبش ولا حاجه للصدف بس احنا اللي بعيد الايه واضحه ( ولا تلقوا بأيديكم الى التهلكه )
 
عرض العطلة
#16
فكرني بفيلم افرست كان نفس الفكره برضه.. والناس راجعه فرحانه ونصهم اصلا ايديهم مقطوعه من كتر ما اتجمدت ده غير اللي ماتوا وسابوهم
 
#17
الموضوع اكتر من انه مغامرة .. انا واحدة عندي فوبيا اماكن عاليا و جربت climbing لجبل مش كبير اوي و جيت فنص الجبل جاتلي panic attack من المنظر المرعب انا لو رجلي بس اتحركت سنتي غلط هقع ع صخر تحت و خلصت خلاص .. مبقتش عارفة لا انزل و لا اكمل طلوع اتسمرت ف مكاني لولا كان في ناس معايا
لو جيت سألتني دلوقتي هقولك عايزة اطلعوا تاني

الفكرة انها متعة فيها بتزود نسبة ذكائك و الثقة بالنفس جدا ده غير انها بتقوي كل عضلات جسما مش هيحسها غير اللي جربها قبل كده
انا من الناس اللي كنت بقول اي هبل ده لكن دلوقتي عندي استعداد اجربها تاني

تعديل: لسؤال انهم ازاي ماسعدوش ناس تانية .. ال risk بتكون عالية جدا انت ممكن تموت اصلا و انت بتساعد ناس تانية
 
#19
الراجل كاتب فى المقال ان ظروف الجو بتكون صعبة جدا على اى حد انه ينجو بنفسه
فأى محاوله لإنقاذ شخص هتنتهى بأنهم الاتنين هيموتوا ويبقى جثتين بدل واحده
 
عرض العطلة
عرض العطلة
عرض العطلة
أعلى أسفل
عودة
قائمة