A
Ahmed Mamdouh
:: مسافر ::
سابع يوم في الأندلس وأسبانيا. بدأنا اليوم بالبيسين في الكومباوند وتصوير سلو موشان وتحت الماية. المكان اللي هما عايشين فيه يبان جنة في الصور بس هو الحقيقة تصميمه متخلف وتنفيذه تحت المتوسط. صحابنا اقترحوا نرجح بدري علشان نتعشى معاهم الساعة ٩. انا وافقت علشان مانبقاش بنتعامل معاهم كفندق فقط 
بعد كدة طلعنا على ميخاس. مدينة قديمة فوق الجبل المناظر منها تحفة كالعادة وفيها تاكسيات حمير. وكل حمار له رقم.
بعد كدة رحنا بورتو بانوس ودي حاجة زي الجونة بتاعة أسبانيا مع الفارق (آسف يا بورتو بانوس على المقارنة). قبلة للأثرياء من كل مكان. شواطيء ومرسى يخوت وتلاقي فيها العربيات الفيراري واللامبورجيني البورش راكنين جنب المراكب ومناظر زي اللي في الأفلام. الظريف إن برضه الشواطيء عامة يعني عادي ممكن أي حد ياخد شمسية وحلة محشي وينزل في أي مكان. إحنا منازلناش علشان ماكانش فيه وقت وماعناش محشي.
بعد كدة رحنا مارابيا اللي بتكتب مارابيلا. ودي حاجة زي الغردقة (آسف تاني) مدينة معظمها قرى سياحية وعمارات شبه المعمورة معمولة بغرض السياحة. غير مالاجا اللي هي مدينة قديمة طبيعية وفيها أنشطة سياحية.
اتمشينا على الكورنيش ورحنا المنطقة القديمة في وسط البلد وبعدين مشينا الساعة ٨ علشان نلحق معادنا الساعة ٩. واتعشينا مع صحابنا في مطعم سمك على البحر على طول.
شفنا حاجات حلوة في الْيَوْمَ ده بس متلحقهاش نستمتع علشان كنت متسربعين طول الوقت. الأفضل طبعا انك تدي كل مكان حقه وتستمتع بيه بس مع الوقت المحدود ماكانش عندنا اختيار تاني لو عايزين نشوف كل حاجة.
#الأندلس_2017
#أسبانيا
بعد كدة طلعنا على ميخاس. مدينة قديمة فوق الجبل المناظر منها تحفة كالعادة وفيها تاكسيات حمير. وكل حمار له رقم.
بعد كدة رحنا بورتو بانوس ودي حاجة زي الجونة بتاعة أسبانيا مع الفارق (آسف يا بورتو بانوس على المقارنة). قبلة للأثرياء من كل مكان. شواطيء ومرسى يخوت وتلاقي فيها العربيات الفيراري واللامبورجيني البورش راكنين جنب المراكب ومناظر زي اللي في الأفلام. الظريف إن برضه الشواطيء عامة يعني عادي ممكن أي حد ياخد شمسية وحلة محشي وينزل في أي مكان. إحنا منازلناش علشان ماكانش فيه وقت وماعناش محشي.
بعد كدة رحنا مارابيا اللي بتكتب مارابيلا. ودي حاجة زي الغردقة (آسف تاني) مدينة معظمها قرى سياحية وعمارات شبه المعمورة معمولة بغرض السياحة. غير مالاجا اللي هي مدينة قديمة طبيعية وفيها أنشطة سياحية.
اتمشينا على الكورنيش ورحنا المنطقة القديمة في وسط البلد وبعدين مشينا الساعة ٨ علشان نلحق معادنا الساعة ٩. واتعشينا مع صحابنا في مطعم سمك على البحر على طول.
شفنا حاجات حلوة في الْيَوْمَ ده بس متلحقهاش نستمتع علشان كنت متسربعين طول الوقت. الأفضل طبعا انك تدي كل مكان حقه وتستمتع بيه بس مع الوقت المحدود ماكانش عندنا اختيار تاني لو عايزين نشوف كل حاجة.
#الأندلس_2017
#أسبانيا