D
Doaa Waheed
:: مسافر ::
الهند يا جمااااعه
كنا اربع بنات اصحاب و رحلتنا للهند كانت اسبوعين في شهر ابريل اللي فات ..رحنا فيهم نيودلهي و اجرا و منالي و كشمير.
الرحله ترتيبها كان نيودلهي ليله.. بعدها رحنا كشمير ٤ ليالي.. رجعنا لنيودلهي ليله .. اليوم اللي بعده رحنا أجرا في نفس اليوم ورجعنا من غير بيات .. بعدين ٣ ليال في منالي .. رجعنا ليله في نيودلهي ومنها على مصر.
نبتدي بكشمير .. الجنه اللي على الارض.
اول حاجه لازم تعرفوها انها أمان جداااا وناسها اطيب و اجدع ناس قابلتهم في حياتي ... كشمير ٩٥٪ منها مسلمين فالأكل هناك كله حلال .. اشهر أكله كشميري اسمها وزوان Wazwan .. فراخ مشويه بالصوص الاحمر ومشطشطه شويه كده طعمها فظيييع
قضينا في كشمير ٥ ايام و ٤ ليالي زرنا فيهم ٣ مدن وهما Srinagar و دي عاصمة اقليم كشمير .. و Gulmarg و Pahalgam ودول المسافه بينهم و بين Srinagar حوالي من ساعه ونص لساعتين فكنا بنروح نقضي اليوم كله فيهم و بعدين نرجع نبات في Srinagar
* المزارات:
1- Srinagar:
- ال Dal lake ودي اشهر و اكبر بحيره هناك .. لازم تركب فيها الشيكارا ودي حاجه شبه الفلوكه كده عندنا .. الساعه ب ٦$ للشيكارا كلها.
- جناين المغول هناك كتيير و حلوه جدا لازم تزورهم ورسوم دخولهم ٢٠ روبيه للفرد يعني حوالي ٥ جنيه لكل واحده.
2- Gulmarg:
- بتاخد فيها تلفريك بيطلعك فوق الجبل بيسموه هناك Gandola تذكرته ب ١٠$ للفرد .. وفوق بقى كله تلج في تلج .. اخدنا كورس علمونا ازاي نتزحلق على الجليد (Skii) + الزحلقه نفسها ب ٢.٥ دولار للفرد يعني ب ٤٠ جنيه تقريبا .. ااه والله زي ما بقولك كده وتلج حقيقي مش صناعي
3- Pahalgam:
- دي بقى يعني الطبيعه و الارض الخضراء .. المكان ده اللي اتصور فيه فيلم jab tak hai jaan بتاع شاروخان .. ممكن تلف المكان بانك تاجر عربيه او حصان .. احنا اختارنا الحصان عشان نبقى جربنا حاجه جديده .. الحصان ب ٧.٥$ للفرد... الصراحه كانت تجربه مخيفه شويه عشان الحصان بيطلع بيك لفوق الجبل عشان تشوف المنظر من فوق وبعدين ينزل بيك تاني بس كانت تجربة جميله جدااااا
*المواصلات:
- من نيودلهي ل Srinagar اخدنا طياره ب ١٠٠$ عشان البديل كان باص بياخد ٣٦ ساعه لحد ما يوصل ووقتنا في الهند مكنش يسمح.
- من Srinagar للمدن اللي حواليها - بيبقى فيه باصات بتتطلع كل يوم الساعه ٨ و بترجع الساعه ٥ .. بس للاسف الوقت اللي رحنا فيه مكنش موسم و السياح قليله فمكنش فيه باصات .. فاجرنا عربيه بسواق في ال ٥ ايام ب ٢٠$ للفرد
* الأقامه: كانت في White house group of Houseboats ..ده houseboat حلو ونظيف جداا في وسط ال Dal lake و المنظر منه تحفه .. السرير في الغرفه الرباعيه بالفطار ب ٧$ في الليله.
أجرا ... يعني تاج محل والحر الفظيييع
قضينا فيها يوم واحد من غير بيات وكان كفايه عليها اووي .. ركبنا القطر من نيودلهي الصبح بدري و رجعنا في نفس اليوم بليل.
*المزارات:
- تاج محل و تذكرته ب ١٥$ تقريبا و شامله ازازة مايه و غطا تلبسه فوق الجزمه و guide معاك بيشرحلك قصته و كل حاجه فيه اتبنت ازاي و جت منين و بيصورك وبيفضل معاك لحد ما تمشي وفي الاخر ممكن تديله تبس لو حابب.
- ل Agra fort وتذكرتها ب ٨$ تقريبا.
*المواصلات:
القطر من نيودلهي لأجرا رايح وراجع على درجة اسمها AC Chair class (CC) درجه نضيفه جداا مكيفه و كل واحد ليه كرسي ووجبه .. التذكره رايح وراجع ب ٢٢$ للاتجاهين .. القطر بياخد من ساعتين ونص لتلات ساعات.
منالي ... يعني الطبيعه والجمال و الشقلبه كلها بقى
قضينا فيها ٣ ليالي و ٤ ايام.
- عملنا Paragliding في مكان اسمه Dolby village و نطينا من فوق جبال الهيمالايا ب ٣٠$ للفرد
- عملنا hiking في مكان اسمه Vashisht وطلعنا بما يعادل ١١٣ دور لفوق الجبل عشان نشوف الشلال وبعدين نزلنا بال Zipline ب ٢$ للفرد
- عملنا Cross river وده بتعدي النهر على حبل ب ٢$ للفرد.
* الأقامه: كنا قاعدين في هوستل اسمه Zostel Manali ب ٨$ في الليله للفرد.. الهوستل حلو و نضيف و المنظر منه على الجبال تحفه.
*المواصلات: من نيودلهي لمنالي رايح و راجع بتاخد semi sleeper bus لمدة ١٤ ساعه ب ٣٥$ للاتجاهين .. بتاخده فترة بليل كلها عشان توفر ليلتين بيات في هوستل.
الهند من احلى البلاد اللي رحتها و اتبسط فيها واللي احنا واخدين فكره عنها غلط خالص للاسف .. انا زرت في الهند ٤ مدن .. بس انا حاسه كاني زرت ٤ دول مختلفه في عاداتها و لغاتها و دياناتها و جوّها و أكلها و حتى في شكل اهلها.
#سافر
#غامر
#اتجنن
#اكتشف
كنا اربع بنات اصحاب و رحلتنا للهند كانت اسبوعين في شهر ابريل اللي فات ..رحنا فيهم نيودلهي و اجرا و منالي و كشمير.
الرحله ترتيبها كان نيودلهي ليله.. بعدها رحنا كشمير ٤ ليالي.. رجعنا لنيودلهي ليله .. اليوم اللي بعده رحنا أجرا في نفس اليوم ورجعنا من غير بيات .. بعدين ٣ ليال في منالي .. رجعنا ليله في نيودلهي ومنها على مصر.
نبتدي بكشمير .. الجنه اللي على الارض.
اول حاجه لازم تعرفوها انها أمان جداااا وناسها اطيب و اجدع ناس قابلتهم في حياتي ... كشمير ٩٥٪ منها مسلمين فالأكل هناك كله حلال .. اشهر أكله كشميري اسمها وزوان Wazwan .. فراخ مشويه بالصوص الاحمر ومشطشطه شويه كده طعمها فظيييع
قضينا في كشمير ٥ ايام و ٤ ليالي زرنا فيهم ٣ مدن وهما Srinagar و دي عاصمة اقليم كشمير .. و Gulmarg و Pahalgam ودول المسافه بينهم و بين Srinagar حوالي من ساعه ونص لساعتين فكنا بنروح نقضي اليوم كله فيهم و بعدين نرجع نبات في Srinagar
* المزارات:
1- Srinagar:
- ال Dal lake ودي اشهر و اكبر بحيره هناك .. لازم تركب فيها الشيكارا ودي حاجه شبه الفلوكه كده عندنا .. الساعه ب ٦$ للشيكارا كلها.
- جناين المغول هناك كتيير و حلوه جدا لازم تزورهم ورسوم دخولهم ٢٠ روبيه للفرد يعني حوالي ٥ جنيه لكل واحده.
2- Gulmarg:
- بتاخد فيها تلفريك بيطلعك فوق الجبل بيسموه هناك Gandola تذكرته ب ١٠$ للفرد .. وفوق بقى كله تلج في تلج .. اخدنا كورس علمونا ازاي نتزحلق على الجليد (Skii) + الزحلقه نفسها ب ٢.٥ دولار للفرد يعني ب ٤٠ جنيه تقريبا .. ااه والله زي ما بقولك كده وتلج حقيقي مش صناعي
3- Pahalgam:
- دي بقى يعني الطبيعه و الارض الخضراء .. المكان ده اللي اتصور فيه فيلم jab tak hai jaan بتاع شاروخان .. ممكن تلف المكان بانك تاجر عربيه او حصان .. احنا اختارنا الحصان عشان نبقى جربنا حاجه جديده .. الحصان ب ٧.٥$ للفرد... الصراحه كانت تجربه مخيفه شويه عشان الحصان بيطلع بيك لفوق الجبل عشان تشوف المنظر من فوق وبعدين ينزل بيك تاني بس كانت تجربة جميله جدااااا
*المواصلات:
- من نيودلهي ل Srinagar اخدنا طياره ب ١٠٠$ عشان البديل كان باص بياخد ٣٦ ساعه لحد ما يوصل ووقتنا في الهند مكنش يسمح.
- من Srinagar للمدن اللي حواليها - بيبقى فيه باصات بتتطلع كل يوم الساعه ٨ و بترجع الساعه ٥ .. بس للاسف الوقت اللي رحنا فيه مكنش موسم و السياح قليله فمكنش فيه باصات .. فاجرنا عربيه بسواق في ال ٥ ايام ب ٢٠$ للفرد
* الأقامه: كانت في White house group of Houseboats ..ده houseboat حلو ونظيف جداا في وسط ال Dal lake و المنظر منه تحفه .. السرير في الغرفه الرباعيه بالفطار ب ٧$ في الليله.
أجرا ... يعني تاج محل والحر الفظيييع
قضينا فيها يوم واحد من غير بيات وكان كفايه عليها اووي .. ركبنا القطر من نيودلهي الصبح بدري و رجعنا في نفس اليوم بليل.
*المزارات:
- تاج محل و تذكرته ب ١٥$ تقريبا و شامله ازازة مايه و غطا تلبسه فوق الجزمه و guide معاك بيشرحلك قصته و كل حاجه فيه اتبنت ازاي و جت منين و بيصورك وبيفضل معاك لحد ما تمشي وفي الاخر ممكن تديله تبس لو حابب.
- ل Agra fort وتذكرتها ب ٨$ تقريبا.
*المواصلات:
القطر من نيودلهي لأجرا رايح وراجع على درجة اسمها AC Chair class (CC) درجه نضيفه جداا مكيفه و كل واحد ليه كرسي ووجبه .. التذكره رايح وراجع ب ٢٢$ للاتجاهين .. القطر بياخد من ساعتين ونص لتلات ساعات.
منالي ... يعني الطبيعه والجمال و الشقلبه كلها بقى
قضينا فيها ٣ ليالي و ٤ ايام.
- عملنا Paragliding في مكان اسمه Dolby village و نطينا من فوق جبال الهيمالايا ب ٣٠$ للفرد
- عملنا hiking في مكان اسمه Vashisht وطلعنا بما يعادل ١١٣ دور لفوق الجبل عشان نشوف الشلال وبعدين نزلنا بال Zipline ب ٢$ للفرد
- عملنا Cross river وده بتعدي النهر على حبل ب ٢$ للفرد.
* الأقامه: كنا قاعدين في هوستل اسمه Zostel Manali ب ٨$ في الليله للفرد.. الهوستل حلو و نضيف و المنظر منه على الجبال تحفه.
*المواصلات: من نيودلهي لمنالي رايح و راجع بتاخد semi sleeper bus لمدة ١٤ ساعه ب ٣٥$ للاتجاهين .. بتاخده فترة بليل كلها عشان توفر ليلتين بيات في هوستل.
الهند من احلى البلاد اللي رحتها و اتبسط فيها واللي احنا واخدين فكره عنها غلط خالص للاسف .. انا زرت في الهند ٤ مدن .. بس انا حاسه كاني زرت ٤ دول مختلفه في عاداتها و لغاتها و دياناتها و جوّها و أكلها و حتى في شكل اهلها.
#سافر
#غامر
#اتجنن
#اكتشف
