M
Mohamed Badawy
:: مسافر ::
لقيت ناس كثيرة بتسأل عن المالديفز وحبيت أشارك تجربتي هي صحيح بقالها 7 سنوات بس في الآخر هوضح التكاليف الحالية بعد التعويم بس ممكن تزيد أو تقل في حدود ألف جنيه.
أولا موقع المالديفز عند أقصى جنوب شبه جزيرة الهند على بعد 200 كم تقريبا من سيريلانكا وهي عبارة عن أرخبيل جزر كثيرة جدا (أيوة اسمها العلمي أرخبيل) ودرجة الحرارة 25-28 طول السنة بس المهم ما تسافروش في موسم الأمطار ومش محتاجة فيزا لأنك ممكن تاخدها في مطار مالي ب 20 دولار بس مش متأكد من موضوع التصريح الأمني المستحدث مؤخرا لبلاد كثيرة.
حجز الطيران سافرت انا وزوجتي على الخطوط العمانية من القاهرة لمسقط عملنا هناك ترانزيت 6 ساعات والمطار كويس المهم طلعنا من هناك على مطار مالي وهناك حجزت طيارة مائية الفرد ب 150 دولار للذهاب والعودة ومدة الرحلة بتختلف على حسب موقع الجزيرة وممكن تاخد لانش ب 50 دولار للذهاب والعودة بس الرحلة هتكون أطول كثير. سواء كان طائرة أو لانش الوصول في نقطة في وسط المحيط الهندي على رصيف عائم خشبي ومن هناك بيجي مركب خشبي بموتور يوصلك للجزيرة. الإقامة هناك تبدأ من اول غرفة شاطئية أو فيلا شاطئية إلى water bungalow وأعلى حاجة water villa وممكن يكون فيها حمام سباحة خاص. بالنسبة للسعر 6 ليالي فردين إقامة شاملة 3 وجبات من غير مشروبات كحولية كلفتني 15000 جنيه لفردين في water bungalow الجزيرة نفسها مصنفة 4 نجوم بشاطئ رملي نظيف جدا ممكن تشوف قاع البحر لغاية 5 متر تقريبا. الجزيرة كنا بننتقل فيها بالعجل ودي تجربة ممتعة وخصوصا ان الجو حتى في عز الظهر كان فوق الممتاز. الغرف مساحتها كبيرة ولو أن الجو مش محتاج تكييف بس كان موجود، اللي لفت انتباهي الحمام له واجهة زجاجية على البحر وبالنهار أن الواحد ياخد دش كأنك في العراء كانت غريبة شويتين. الغرفة لها ترأس كبير خشبي على البحر وفي سلم لو حبيت تنزل المية والعمق مش كبير في حدود 1.5 متر. الوصول للغرف عن طريق ممر خشبي عريض وفي إضاءة هادية جدا تسمح انك تشوف الطريق من غير ما تنزل بالعجلة في البحر.
الانشطة هناك كلها مائية طبعا ما بين diving, snorkeling, parasailing, kite surfing, الخ وكان في حفلات رقص بالليل وعروض شعبية وللعلم هي بلد مسلمة.
رحلة العودة نفس الطريق وحصل أن الخطوط العمانية لغت الرحلة من مسقط للقاهرة فدخلنا على حسهم مسقط وحجزوا في فندق 4 نجوم نصف إقامة لمدة ليلة والمكتب بتاع الخطوط العمانية اتصل يطمن علينا أن مفيش اي حاجة مضايقانا (قلب الأم) ورايحين جايين في عربية Kia carnival
الفيزا كلفتني 250 جنيه، تذاكر الطيران كلفتني 10،000 والفندق 15،000 والطائرة المائية حوالي 2،000 جنيه كل ده لفردين.
بعد التعويم الطيران 14،000 والفندق 16،000 بس مفيش معلومات عن الطائرة المائية.
للعلم الرحلة دي تنفع للأسر لو معاهم أطفال يتحملوا طيران فوق ال 14 ساعة.
أولا موقع المالديفز عند أقصى جنوب شبه جزيرة الهند على بعد 200 كم تقريبا من سيريلانكا وهي عبارة عن أرخبيل جزر كثيرة جدا (أيوة اسمها العلمي أرخبيل) ودرجة الحرارة 25-28 طول السنة بس المهم ما تسافروش في موسم الأمطار ومش محتاجة فيزا لأنك ممكن تاخدها في مطار مالي ب 20 دولار بس مش متأكد من موضوع التصريح الأمني المستحدث مؤخرا لبلاد كثيرة.
حجز الطيران سافرت انا وزوجتي على الخطوط العمانية من القاهرة لمسقط عملنا هناك ترانزيت 6 ساعات والمطار كويس المهم طلعنا من هناك على مطار مالي وهناك حجزت طيارة مائية الفرد ب 150 دولار للذهاب والعودة ومدة الرحلة بتختلف على حسب موقع الجزيرة وممكن تاخد لانش ب 50 دولار للذهاب والعودة بس الرحلة هتكون أطول كثير. سواء كان طائرة أو لانش الوصول في نقطة في وسط المحيط الهندي على رصيف عائم خشبي ومن هناك بيجي مركب خشبي بموتور يوصلك للجزيرة. الإقامة هناك تبدأ من اول غرفة شاطئية أو فيلا شاطئية إلى water bungalow وأعلى حاجة water villa وممكن يكون فيها حمام سباحة خاص. بالنسبة للسعر 6 ليالي فردين إقامة شاملة 3 وجبات من غير مشروبات كحولية كلفتني 15000 جنيه لفردين في water bungalow الجزيرة نفسها مصنفة 4 نجوم بشاطئ رملي نظيف جدا ممكن تشوف قاع البحر لغاية 5 متر تقريبا. الجزيرة كنا بننتقل فيها بالعجل ودي تجربة ممتعة وخصوصا ان الجو حتى في عز الظهر كان فوق الممتاز. الغرف مساحتها كبيرة ولو أن الجو مش محتاج تكييف بس كان موجود، اللي لفت انتباهي الحمام له واجهة زجاجية على البحر وبالنهار أن الواحد ياخد دش كأنك في العراء كانت غريبة شويتين. الغرفة لها ترأس كبير خشبي على البحر وفي سلم لو حبيت تنزل المية والعمق مش كبير في حدود 1.5 متر. الوصول للغرف عن طريق ممر خشبي عريض وفي إضاءة هادية جدا تسمح انك تشوف الطريق من غير ما تنزل بالعجلة في البحر.
الانشطة هناك كلها مائية طبعا ما بين diving, snorkeling, parasailing, kite surfing, الخ وكان في حفلات رقص بالليل وعروض شعبية وللعلم هي بلد مسلمة.
رحلة العودة نفس الطريق وحصل أن الخطوط العمانية لغت الرحلة من مسقط للقاهرة فدخلنا على حسهم مسقط وحجزوا في فندق 4 نجوم نصف إقامة لمدة ليلة والمكتب بتاع الخطوط العمانية اتصل يطمن علينا أن مفيش اي حاجة مضايقانا (قلب الأم) ورايحين جايين في عربية Kia carnival
الفيزا كلفتني 250 جنيه، تذاكر الطيران كلفتني 10،000 والفندق 15،000 والطائرة المائية حوالي 2،000 جنيه كل ده لفردين.
بعد التعويم الطيران 14،000 والفندق 16،000 بس مفيش معلومات عن الطائرة المائية.
للعلم الرحلة دي تنفع للأسر لو معاهم أطفال يتحملوا طيران فوق ال 14 ساعة.