حكايتي مع فندق كونكورد السلام شرم الشيخ غرفة...

[Hussien Tahoun]

يا جماعه انا فى الاوضه فى بانكوك دلوقتى و لاقيت حاجه غريبه على المكتب جوه الاوضه و خايف اوى و مرعوب حد يساعدنى اعمل ايه

 

[Sara Fawzi]

لو كنت حضرتك من اي جنسية تانية كانو اهتمو و مش بعيد كانو يرجعولك فلوسك كمان ... بس عشان كمية الناس السلبية اللي في البلد و الناس بترضى بأقل حاجة و بتمشي حالها بقينا لما نعترض على الخدمة اللي بتتقدملنا الناس تستهيفنا و تدينا طناش ... انا بحييك على اللي انت عملته و لو كلنا عملنا كدا و طالبنا بحقنا في خدمة كويسة هيتعملنا حساب بعد كدا في اي مكان نسافره

 

[Sam El-Hosiany]

اسفه جدا انى اقول انى مش معجبه بتصرفك ،، لما حضرتك اتصرفت كده وعملت سمعه وحشه للفندق كسبت ايه ؟؟ وبعدين ما فكرتش رد فعلا الزباين الاجانب ؟؟ بجد برافو احنا السياحه بتضييع مننا و احنا السبب .... انا بشتغل فى فندق فى مرسى علم و طبيعة الصحرا اللى عايشين فيها بنشوف اكتر من كده ،، و بجد سؤالى دلوقتى لو انت لقيت البرص ده فى بيتك راح تطلب الشرطه لمراطك ولا ايه ؟؟؟

 

[Ahmed Badawy]

فعلا بيحصل في اتخنها مكان في العالم صراحة المصريين دول اخرهم يقعدوا في البيت وآلله ما ناقصة

 

[RaNa Ali]

Sara Samir Walaa Ahmed Hassan

 

[Fatima M. Amin]

اضربوا السياحة كمان اضربوا
ماهو صحرا وحر وصيف عندى ف المطبخ واحد بأسرته وبقم من افراد العيلة خلاص وكل الكافيهات الاوت دور هتلاقي برص من وقت للتانى
حاسبوا الناس اه بس بالعقل مش كل حاجة فضايح

 

[Sarah Elaraby]

ممكن نفكر لحظة ليه اولاد حضرتك جالهم هلع من gecko و ليه اولاد كتير مصريين بيخافوا من القطط و الكلاب و الزواحف و غيره مع أن أغلب أطفال العالم حتجري تلعب معاهم؟ الموضوع أن احنا ماتعودناش علي حب الطبيعة و عايزين نزور أماكن طبيعية بس بعد تغيير ملامحها بالكامل. لو كنت قلت صرصار و لا فأر كان اغلب الناس حتبقي معاك بس فكر ليه الناس اللي سافرت حتت كتير في العالم و عندها خبرة أكبر شايفة ااموضوع عادي. الحاجة التانية المبالغة في التوقعات عند المصريين و نظام لو كنا بلد محترمة كان حصل و حصل بيبقي اغلب الوقت من ناس ماشفتش بلاد محترمة. يعني تروح عند الدكتور تستني نص ساعة تشتم كل الدكاترة و تبهدل الدنيا مع ان في اغلب الدنيا بتاخد معاد بعيد و حتي الطوارئ بتستني بالساعات من سكات طول ما مفيش خطورة. بإختصار حبة تمييز بين الإهمال و بين الظروف الطبيعية يرحمكم الله

 

[Heba Mahmoud]

المقصود والغرض من البوست هو تشويه سمعة الفندق والمكان والسياحة في مصر لانه سبب تافه ياريت البوست يتقفل والا يتشال

 

[Lubna H Alkraz]

فعلا الغرض تشويه سمعه الفندق
نعمه عندكم لا ترفصوها مصر ام دنيا
ومقارنه للدول الي بره لا زلتو في خير

 

[Noga Mohamed]

انا مستاءه من الردود المستفذه بتعتكم دى يا ريت صاحب البوست يشيله علشان لحد دلوقتى محدش فهم البوست شعب غريب

 

[Hesham Salama]

الموضوع بسيط أوي انا مش هقبل المستوى ده. غيري يقبل. ومسبتش الفندق ومش هسيبه لحد ما اخلص إجازتي. بس مش هرجع تاني. وطالما إجماع اللي شغالين في السياحة أنه ده العادي وانا غلطان. اقولكم متزعلوش انا غلطان ومش هكرر غلطي تاني.

 

[Ali El Beltany]

ده اسمه فرااغ

 

[Ro Bakr]

Hwa aslan guys those who travel to the far east .. they meet more other things over there bel3akes homa byeb2o ray7en w 3arfen dah kaman and they are just happy with this .. so why making things a big deal in our country .. dah 7ywan byemshi mn bara 3ala 7eta once u opened the balcony they will enter al hotel yewa2af nas ba2a 3al 7etta ba3ed keda .. Take things easily ppl and life will be more enjoyable isa

 

[Amira Ragab El Malaah]

البرص وجوده مش زى الصرصار مثلا مش ضرورى المكان يبقى مش نضيف او مش مهتمين بيه اى بلد فيها ناموس كتير هتلاقيه عادى

 

[Ahmad Atef Belal]

أي مدينة عالبحر في العالم فيها الكلام ده... خصوصا في الصيف ومش هايقدروا يتحكموا فيه ١٠٠٪ ... بس طالما انتي شفتي واحد مش ٢٠ واحد يبقى هما غالبا عاملين شوية مجهود للتحكم فيهم.. أنا كنت عايش في شرم ٣ سنين وكنت بشوفهم برة بيتي على طول في الصيف

 

[Ahmed Sobhi]

شعب متخلف وهمجي ولما بتيجو شرم والله بتفضحونا

 

[Gaber Khairy]

استاذ هشام مع حضرتك طبعا ان دى حاجه مش لطيفه ومش مقبوله بس احب اوضحلك نقطه مهمه جدا
اى مدينه صحراويه طبيعى جدا تواجد حاجات زى دى لانها دى الطبيعه
تبقى تقصير وكارثه من الفندق لو لقيت بيت للحاجت دى او جحور ليها لكن تاكد ان ده مش مسئولية الفندق انه يحارب الطبيعه لانه مش هيقدر عليها
يا ريت تركز فى رحلتك ومتخليش حاجه تعكنن عليك وسيب ملاحظه للفندق بس انهم يحاولوا يتجنبوا الحاجات دى على قدر المستطاع وخلى بالك احنا كلنا بنساعد فى تطوير او تشويه

 

[Fatma Fathi El Naggar]

الناس اللي بتتريق عليه .. اولا المفروض المكان يكون متنضف و مجهز ضد اي حشرات او كائنات حية موجوده في الجبل و ممكن تدخل الغرف .. لو اجنبي اللي شافه هيتعامله ببرود ذي ما اتعاملوا مع الراجل ده ؟ و بعدين البرود في حل مشكله نزيل عندك في الفندق دي مش حاجه يفتخر بيها و اتا متأكده ان معظم اللي بيتريقوا لو اتعرضوا لنفس الموقف مش هيسكتوا و بلاش تتفهوا من كل حاجه لان مش كل حاجه عندكوا عادي لازم تكون عادي عند غيركوا عيب اوي بجد و اللي خايف على السياحة و بيقول اضربوا السياحة هو احنا مطلوب مننا لما ندفع فلوس و نروح نشم هوا و نتبسط يومين نتعامل معاملع وحشة و اكل وحش و ردود مستفزه و مشاكلنا متتحلش لمجرد اننا مصريين مطلوب مننا نسكت بقى عشان السياحة ؟ طب ما من باب اولى البهوات اللي في الفنادق هما اللي يحترمونا عشان يجلهم ناس و دخل لان احنا لو مروحناش هما اللي هيضروا مش احنا !
و اللي خايف على سمعة الفندق اتفضلوا ده بوست تاني اهو تقييم للفندق بشكل عام مش برص بس
/Mohammed Hassan