M
Mahmoud Abdelaziz
:: مسافر ::
تنزانيا
بلد افريقية غنية جدا بالأماكن السياحية
أولا:
نسبة الأمان في تنزانيا كويسة جدا لكن الأفضل تبعد انك تمشي بفلوس أو اي حاجة قيمة بليل.
- وكمان مفيش مشاكل في الأوبئة لكن طبعا خد حذرك من الناموس عشان متتصابش بالملاريا اللي كمرض يعتبر مش خطير وخطورته الوحيدة هي التأخر في علاجه والحمدلله نسبته في تنزانيا قليلة بالمقارنة ببلاد تانية و كمان احذر من حشرة التسي تسي اللي مش هتلاقيها غير داخل الناشونال بارك ولما تخش جوة قوي كمان وخطورتها لو قرصتك من ثلاث لأربع أيام متواصلة وطبعا ضروري تستخدم سبراي أوف للناموس وتبعد عن لبس اللون الأزرق لانهم بييجوا عليه
- السياحة في تنزانيا غالية تشمل أسعار الأكل و حجز الفنادق و أسعار الرحلات.
ثانيا:
أفضل وقت للسياحة في تنزانيا شهر يونيو لأكتوبر وده لانه موسم الجفاف وتقدر تشوف في الناشونال باركس حيوانات بأعداد كبيرة و المناخ بيكون معتدل من يونيو لسبتمبر(فصل الشتاء في تنزانيا) طبعا كل وقت بيبقي ليه مميزاته وعيوبه زي انك اكيد هتقدر تشوف طائر الفلامينجو في بحيرة مانيارا من فبراير لابريل ولكن في العموم أفضل وقت بمميزات أكتر هي اللي ذكرتها فوق.
ثالثا:
الأماكن السياحية منقسمة الي التالي :
- سياحة شاطئية:
* جزيرة زنزيبار (وأفضل مكان فيه المحيط الهندي لونه صافي في شمال زنزيبار في منطقة اسمها Nungwi) وطبعا في snorkeling و diving لكذا مكان لكن مش بنفس مستويات الشعب المرجانية عندنا في مصر (مصر أروع طبعا) وطبعا فيها prison island قريبة من الstone town. (عاصمة زنزيبار فيها أماكن أثرية) اللي هتشوف فيها سلاحف بأحجام كبيرة وكمان في رحلات تشوف فيها دلافين في جنوب زنزيبار ورحلات تانية كتير.
* جزيرة المافيا (مشهورة بنوع من الحيتان للي غاويين الحاجات دي يعملوا snorkeling معاهم ) لكن مروحتهاش الصراحةواحتمال ميحصلش ابدا .
- بحيرات
أشهرهم
*بحيرة فيكتوريا والأفضل زيارتها من مدينة mwanza
*بحيرة chala علي حدود كينيا شرقا وهي بحيرة روعة تستحق الزيارة رغم انها صغيرة جدا
*بحيرة manyara و دي بداخل ناشونال بارك
*بحيرة eyasi ومعنديش معلومات كافية عنها
- جبال
* جبل كليمنجارو (kilimanjaro) أعلي قمة جبلية في أفريقيا وصعودها امن لكن غالي جدا وأفضل وقت تشوف الجبل فيه من الأرض بيبقي في أكتوبر وديسمبر لكن غير كدة السحب هتحسسك ان مفيش جبل واقرب مدينة للجبل اسمها moshi
* جبل ميرو (meru) تاني أعلي قمة جبلية في تنزانيا وصعودها أصعب من كليمنجارو وهي في مدينة Arusha
مطلعتش حاجة فيهم ومعنديش معلومات كافية عنهم
- شلالات
وفي شلالات
في udzungwa mount قريب من Mikumi national park
و kilimanjaro mount
و lushoto city بين دار السلام و كليمنجارو والمكان ده مش مشهور قوي لكنه في قمة الجمال رغم ان الشلال أصغر من التانيين
... دول اللي اعرفهم وزورتهم
- حيوانات
وطبعا في حوالي 16 أو 17 national parks في تنزانيا واشهرهم واجملهم هما
Serengeti international parks
Ngrongoro crater
Tarangiri national park
Ruaha national park
Selous game Reserve
Lake manyara national park
Arusha national park
Mikumi national park
Mkomazi national park
هتشوف فيهم اكيد أفيال وزرافات و غزلان و zebras و wildbeast و buffaloes و قرود و طيور بأشكال مختلفة
والأسود احتمال مش كبير علي حسب حظك والمرشد اللي معاك لكن في ngrongoro و serengeti و بعدها Tarangiri هتقدر تشوف اسود باحتمالات كبيرة جدا
والنعام و الضبع ووحيد القرن و حيوانات تانية بتبقي موجودة في اماكن معينة واقل الحيوانات فرصة انك تشوفهم هما وحيد القرن اللي متواجد في ngrongoro بس و
ال leopard و ال cheetah والاحتمال ضعيف جدا جدا انك تشوفهم.
- أخيرا hotsprings
ودي موجودة بين moshi و Arusha
- دار السلام فيها سياحة بردو أشهرهم جزيرتين mbudya وتروحها من waterworld او whitesand resort و جزيرة bongoyo وتروحها من slipway hotel وكمان في بلد قريبة من دار السلام اسمها bagamoyo ودي لمحبي الحاجات الأثرية
رابعا:
طبعا الطيران الأفضل مصر للطيران ودي ذهاب وعودة رحلتين أسبوعيا... الذهاب السبت والثلاثاء 11 مساء والعودة الأحد والأربعاء 7 صباحا وبعدها الطيران الأثيوبي (ترانزيت في أديس أبابا) وله رحلات يومية
تعديل 1: الفيزا السياحية بخمسين دولار وتقدر تطلعها من سفارة تنزانيا بمصر أو لحظة وصولك المطار في تنزانيا والأفضل يكون معاك ورقة حجز الفندق لكن مش شرط (انت ورزقك ) بس ع الأقل تكون عارف العنوان اللي هتقعد فيه و طبعا البطاقة الصفراء ولو روحت من غيرها هيطعموك في المطار وعلي ما اعتقد هتدفع خمسين دولار تانية بس مش متأكد من الرقم ده بالضبط
تعديل2: اللغة هناك اسمها سواحيلي وطبعا هتتعامل بالانجليش وفي زنزيبار هتلاقي ناس بتكلمك باللغة العربية لو عرفوا انك مصري
صور بعض الرحلات بتنزانيا
بلد افريقية غنية جدا بالأماكن السياحية
أولا:
نسبة الأمان في تنزانيا كويسة جدا لكن الأفضل تبعد انك تمشي بفلوس أو اي حاجة قيمة بليل.
- وكمان مفيش مشاكل في الأوبئة لكن طبعا خد حذرك من الناموس عشان متتصابش بالملاريا اللي كمرض يعتبر مش خطير وخطورته الوحيدة هي التأخر في علاجه والحمدلله نسبته في تنزانيا قليلة بالمقارنة ببلاد تانية و كمان احذر من حشرة التسي تسي اللي مش هتلاقيها غير داخل الناشونال بارك ولما تخش جوة قوي كمان وخطورتها لو قرصتك من ثلاث لأربع أيام متواصلة وطبعا ضروري تستخدم سبراي أوف للناموس وتبعد عن لبس اللون الأزرق لانهم بييجوا عليه
- السياحة في تنزانيا غالية تشمل أسعار الأكل و حجز الفنادق و أسعار الرحلات.
ثانيا:
أفضل وقت للسياحة في تنزانيا شهر يونيو لأكتوبر وده لانه موسم الجفاف وتقدر تشوف في الناشونال باركس حيوانات بأعداد كبيرة و المناخ بيكون معتدل من يونيو لسبتمبر(فصل الشتاء في تنزانيا) طبعا كل وقت بيبقي ليه مميزاته وعيوبه زي انك اكيد هتقدر تشوف طائر الفلامينجو في بحيرة مانيارا من فبراير لابريل ولكن في العموم أفضل وقت بمميزات أكتر هي اللي ذكرتها فوق.
ثالثا:
الأماكن السياحية منقسمة الي التالي :
- سياحة شاطئية:
* جزيرة زنزيبار (وأفضل مكان فيه المحيط الهندي لونه صافي في شمال زنزيبار في منطقة اسمها Nungwi) وطبعا في snorkeling و diving لكذا مكان لكن مش بنفس مستويات الشعب المرجانية عندنا في مصر (مصر أروع طبعا) وطبعا فيها prison island قريبة من الstone town. (عاصمة زنزيبار فيها أماكن أثرية) اللي هتشوف فيها سلاحف بأحجام كبيرة وكمان في رحلات تشوف فيها دلافين في جنوب زنزيبار ورحلات تانية كتير.
* جزيرة المافيا (مشهورة بنوع من الحيتان للي غاويين الحاجات دي يعملوا snorkeling معاهم ) لكن مروحتهاش الصراحةواحتمال ميحصلش ابدا .
- بحيرات
أشهرهم
*بحيرة فيكتوريا والأفضل زيارتها من مدينة mwanza
*بحيرة chala علي حدود كينيا شرقا وهي بحيرة روعة تستحق الزيارة رغم انها صغيرة جدا
*بحيرة manyara و دي بداخل ناشونال بارك
*بحيرة eyasi ومعنديش معلومات كافية عنها
- جبال
* جبل كليمنجارو (kilimanjaro) أعلي قمة جبلية في أفريقيا وصعودها امن لكن غالي جدا وأفضل وقت تشوف الجبل فيه من الأرض بيبقي في أكتوبر وديسمبر لكن غير كدة السحب هتحسسك ان مفيش جبل واقرب مدينة للجبل اسمها moshi
* جبل ميرو (meru) تاني أعلي قمة جبلية في تنزانيا وصعودها أصعب من كليمنجارو وهي في مدينة Arusha
مطلعتش حاجة فيهم ومعنديش معلومات كافية عنهم
- شلالات
وفي شلالات
في udzungwa mount قريب من Mikumi national park
و kilimanjaro mount
و lushoto city بين دار السلام و كليمنجارو والمكان ده مش مشهور قوي لكنه في قمة الجمال رغم ان الشلال أصغر من التانيين
... دول اللي اعرفهم وزورتهم
- حيوانات
وطبعا في حوالي 16 أو 17 national parks في تنزانيا واشهرهم واجملهم هما
Serengeti international parks
Ngrongoro crater
Tarangiri national park
Ruaha national park
Selous game Reserve
Lake manyara national park
Arusha national park
Mikumi national park
Mkomazi national park
هتشوف فيهم اكيد أفيال وزرافات و غزلان و zebras و wildbeast و buffaloes و قرود و طيور بأشكال مختلفة
والأسود احتمال مش كبير علي حسب حظك والمرشد اللي معاك لكن في ngrongoro و serengeti و بعدها Tarangiri هتقدر تشوف اسود باحتمالات كبيرة جدا
والنعام و الضبع ووحيد القرن و حيوانات تانية بتبقي موجودة في اماكن معينة واقل الحيوانات فرصة انك تشوفهم هما وحيد القرن اللي متواجد في ngrongoro بس و
ال leopard و ال cheetah والاحتمال ضعيف جدا جدا انك تشوفهم.
- أخيرا hotsprings
ودي موجودة بين moshi و Arusha
- دار السلام فيها سياحة بردو أشهرهم جزيرتين mbudya وتروحها من waterworld او whitesand resort و جزيرة bongoyo وتروحها من slipway hotel وكمان في بلد قريبة من دار السلام اسمها bagamoyo ودي لمحبي الحاجات الأثرية
رابعا:
طبعا الطيران الأفضل مصر للطيران ودي ذهاب وعودة رحلتين أسبوعيا... الذهاب السبت والثلاثاء 11 مساء والعودة الأحد والأربعاء 7 صباحا وبعدها الطيران الأثيوبي (ترانزيت في أديس أبابا) وله رحلات يومية
تعديل 1: الفيزا السياحية بخمسين دولار وتقدر تطلعها من سفارة تنزانيا بمصر أو لحظة وصولك المطار في تنزانيا والأفضل يكون معاك ورقة حجز الفندق لكن مش شرط (انت ورزقك ) بس ع الأقل تكون عارف العنوان اللي هتقعد فيه و طبعا البطاقة الصفراء ولو روحت من غيرها هيطعموك في المطار وعلي ما اعتقد هتدفع خمسين دولار تانية بس مش متأكد من الرقم ده بالضبط
تعديل2: اللغة هناك اسمها سواحيلي وطبعا هتتعامل بالانجليش وفي زنزيبار هتلاقي ناس بتكلمك باللغة العربية لو عرفوا انك مصري
صور بعض الرحلات بتنزانيا