مساء الخير عليكم.. اولا ده اكونت مش حقيقي و...

[Pharmacist Mido]

مساء الخير عليكم..
اولا ده اكونت مش حقيقي و الاسم مش حقيقي(لاسباب خاصة) ..
كنت حابب اخد رأيكم و اسمع اقتراحتكم شاكرين..
أنا شاب شغال في السعودية من فترة مش كبيرة.. بس مش عارف أتأقلم هنا.. تفكيري متحرر شوية و بحب الحرية.. حاسس ان عمري بيتسرق مني هنا..
عندي مشكلة امنية مقدرش بسببها انزل مصر..
بفكر اني اسيب شغلي هنا و اسافر اي بلد و ابدأ من جديد.. عندي مشكلتين.. اول حاجة خايف من المخاطرة(ان اسيب شغلي اللي هو دخله كويس الى حد ما)..
تاني حاجة : اني عايش لوحدي و مليش صحاب تقريبا.. فطبيعي خايف اخد الخطوة لوحدي..
ف بعد اذنكوا.. محتاج اقتراحات لاماكن ابدا فيها من جديد و اقتراحات لمشاريع صغيرة كده..
و اي حد حابب يشاركني الرحلة مرحب بيه طبعا..
شكرا ليكم و اسف ع الاطالة

 

[Abdelrhman Jalal]

انا شفت كلام ده فين قبل كده

 

[Rafea Heraki]

صعبه الحياه بالسعوديه بس مارح تحس بقيمتها غير لما تسافر بلد اقل منها ماديا رح تتعب لتحصل ريال ، بدول الخليج الحياه اسهل من غيرها

 

[Nermeen Rashed]

لو تقدر تاخد اجازة شهرين و تيجي دبي تدور اعتقد ممكن تبقى خطوة.. بس لو عندك مشكلة امنية في مصر و عملوا تحري عنك هنا ممكن فيزتك تترفض.. الحل العملي بقى انك تسعى في هجرة على كندا او استراليا..

 

[Sief Tharout]

انا عندي نفس المشكلة واللة العظيم ....

 

[Abo Ali]

تانى مره ينزل البوسالى مبيعرفش يعمل حاجه فى مصر و يسافر و لازال مش عارف يعمل حاجه كمشروع دمعتقدش لو راح اى مكان هيعرف يعمل حاجه لان الى انت تعرفه معملتش فيه هتروح تهمل فى بلد جديده ازاى
المشكله فى شخصك مش فى المكان خالص غيرك عمل مءات الالاف فى مصر فى الحمام سنه الى انت سافرت فيهم

 

[Ahmed El Shabrawy]

و هربت من التجنيد ليه يا محمد؟

 

[Mohamed Abdoalhady]

ممكن تركيا بس لازم تتعلم لغة او يكون معاك حرفة

 

[Alejandro Jóseph Bronceado]

فيه دول كتير ممكن تعيش فيها بديل عن مصر.. بس للاسف كل بلد و ليها ميزة و عيب..
عندك الاكوادور مثلا من غير فيزا للمصريين و بعد ما توصل هناك ممكن بسهولة بشهادتك الجامعية تاخد اقامة ثم جنسية.. بلد جميل و هادى بس للاسف 99% مش هتلاقى شغل... (فيها فرص كويسة للاستثمار) و طبعا جورجيا زيها اقامة سهلة و بلد نضيف بس مفيش شغل

فيه دول تانية فى امريكا الجنوبية اقتصاداتها كويسة و ممكن اوى تلاقى شغل و بعضها سهل تاخد فيه اقامة زى البرازيل و الأرجنتين.. بس للأسف فيه عائق قوى و هو اللغة (برتغالى و اسبانى) و محدش فى الدول دى بيتكلم انجليزي.. و بعض المناطق خطر و فيها جرايم + بعض الدول دى بيطلب فيش من بلدك الام

معرفش حاجة عن دول آسيا زى ماليزيا او إندونيسيا للأسف غير انهم من غير فيزا للمصريين...

و اخيرا مش لازم تسيب شغلك علطول.. ممكن الاول تستغل اى اجازة و تشوف اى بلد و تسافرلها و تعرف فرصك فيها و بعد كدة ابقي سيب شغلك

 

[Amr Kamel Seleem]

إيه طبيعة عملك .. مهاراتك .. ؟؟؟

 

[Ahmed Elmohandes]

م

 

[Mohamed Mowafy]

لو معاك فلوس تشتري بيت في تركيا سافر هناك
شراء بيت بيديك اقامه دائمه
وايجار بيت بيديك اقامه سياحيه سنه واحده

 

[Mohamed Ramadan Al Hamzawy]

معندكش حل غير تدرس الماني واسافر تشتغل هناك وبالتالي هيبقي معاك جنسيه بعد خمس سنوات وفي نفس الوقت الصيدله والعلوم الطبيه مرحب بها جداااً هناك

 

[Wael Tawfik]

تعالي في حضن اخوك يافواز عايز اخد الخطوه ده وخايف كلمني خاص يمكن اهواينا تتفق

 

[Éslẳm Agypter]

الاول لو هاتقرر تسافر حدد بلد وادرسها كويس واعمل علاقات مع ناس فيها وادرس اللغه ويوم ما تقرر خدلك فيزا سياحه . ومن عندك اسهل من مصر واطلع وشوف الدنيا معاك ايه لو مشي معاك اقعد لو مش تمام يبقي تخليك في شغلك .

 

[Abo Ali]

مصر سوقها تسعين مليزن و السعوديه بمشاركه اى حد تعمل مشروع

لازم طبعا بلد جديده لان العيب فى البلاد

 

[Ahmed Ezzat]

روح تركيا افضل حل

 

[Mohammed El Sayed]

انت فين فى السعوديه انا بالدمام ممكن نشارك مع بعض

 

[Mostafa Emam]

تعالي جورجيا مستقبلها حلو فالاستثمار

 

[Hussien Khatab]

بص يا برنس .... انته تعمل خروج وعودة 6 شهور .... تمام .... وطلع تأشيرة للدولة اللي انته عاوز تروحها موضو عالتأشيرة سهل جداً من السعودية واطلع جرب.... ضبطت قشطه ... ما ضبطت يبقي انته خضت التجربة واتفسحت واكتسبت خبرات كتير وترجع تاني للمملكة يا طيب