A
Abdalrahman Osama Diab
:: مسافر ::
معلش يا مروان بس انت لو عملت الحركه دي مع اي بلد هيرحلوك حتي لو بلد تعبانه.. الظابط بيحكم علي الوقاع اللي قدامه مش علي نيتك و الواقع انك معكش حجز فندق و لا فلوس تكفي اكل و شرب و عايز تخش سياحه
حاول تصرف نظر عن اوروبا لغايه ما تشتغل و الوضع يتغير و في دول تانيه ارخص بكتير ممكن تروحها
حاول تصرف نظر عن اوروبا لغايه ما تشتغل و الوضع يتغير و في دول تانيه ارخص بكتير ممكن تروحها
M
Mohamed Elbably
:: مسافر ::
ياجماعه مبدأيا كده الظابط صح وهي حظوظ طبعا من ناحيه انك تعدي من موضوع ختم ظابط الجوازات وده عن تجربه دخول لأيطاليا ٣مرات بثلاثة تأشيرات مختلفه وأول واحده كان باسبوري ابيض ودخلت ميلانو والظابط سألني بالإيطالي وانا مش فاهمه ومش كلهم بيتكلموا إنجليزي انت جاي ايطاليا ليه قولتله انا مش فاهمك بالإنجليزي راح مشاور لي علي المصري اللي كان واقف ورأيا علشان يترجم إيطالي وده بسبب انه عايش في ايطاليا وقولتله سياحه وماسألش علي اي حجز فندق ولا اي حاجه بس قدمتله تذكره ذهاب وعوده وكنت راجع من المانيا وختم بعد مابصمت وعديت مع ان ماكنش معايا حجز فندق وهو مسألش عليه وتاني مره دخلت روما وسألني هتقعد كام يوم وجاي ليه وكده وحظي انه كان بيتكلم إنجليزي وعديت الحمد لله اخرمره دي بقي كانت رخمه جدااااا عصرني اسأله بس الحمد لله قبل يوم السفر بيوم عملت حجز فندق وخدته معايا وكنت انا وواحد صاحبي وهو اول مره يسافر وفهمته الدنيا ايه لما يدخل علي ظابط الجوازات في روما المهم انه سألني جاي ليه وكام يوم وهترجع من بلجيكا ليه قولتله هازور صديق ليا هناك وهوبا بقي سألني عن حجز الفندق وللحظ أني كنت حفظت اسم الفندق اللي في الحجز واسم الشارع كمان فجاوبته وبصمت وعديت وده رغم انه شاف تأشيرتين ايطاليا قبل كده وصاحبي وقع مع ظابط مش بيعرف يتكلم إنجليزي فخد مني الورقه بتاعه الحجز وورهاله وحسيت انه هيرجعه بس عدي الحمد لله مابالك انت بظروفك دي بس للأمانة ياجماعه هي حظ ونصيب فعلا وآسف علي الاطاله
A
Aziza Abousteit
:: مسافر ::
انا رايي انك كنت تمسح البوست اللي علي البروفايل بتاعك اللي فيه صورتك مع أصحابك. التعليقات علي الصورة بتأكد انك رايح إيطاليا ومش راجع، وفِي الغالب ضابط الجوازات ممكن يكون دخل علي البروفايل بتاعك. انا عارفه كمان ان في أمريكا وكندا ممكن ياخد الموبايل ويقرأ كل الرسايل ويقدر يفهم انت داخل ليه. اتفرجوا علي حلقات
Border security
موجوده علي اليوتيوب.
Border security
موجوده علي اليوتيوب.
B
Bahaa Aldeen Farouk
:: مسافر ::
معلش يا مروان , تتعوض ان شاء الله و متضايقش نفسك , مش أوروبا نهاية العالم و باذن الله عدل اوضاعك و حتقدر تسافر تاني ان شاء الله
و أرجوكم يا شباب دي رساله صريحه ليكم لمتابعين صفحات سافروا ب 3 مليم , و يقولك سافر ايطاليا بألفين جنيه , و روح هناك قضيها مشي في الشوارع , الكلام ده غير صحيح و لو مش حاجز فندق كويس و معاك مبلغ نقدي بالاضافه لكروت أئتمان , احتمال كبير جدا أنك متقدرش تدخل أصلا البلد , فأرجوكم اللي يقولك روح هناك شوف أرخص هوستل و قعد فيه و مافيش مشكله تنام في حديقة عامه ده متابعوش أصلا علشان من الاخر بيضيعك و عاوز يجمع لايكات و خلاص
رحلتك لازم تكون متنظمه و عارف حتعمل ايه كويس , و أنا متاكد لو كنت تعبت شويه و حجزت مثلا تذاكر دخول للكولسيوم و تذاكر لدخول الفاتيكان , و تذاكر لباص سيتي تور , و كام جوله داخل المدينه , كان الظابط اقتنع انك فعلا داخل سياحه و كنت عديت عادي , لكن صراحه كل الأوراق اللي ادامه ( حتى لو كنت طالب ) لا تدل على أنك داخل سياحه
و أرجوكم يا شباب دي رساله صريحه ليكم لمتابعين صفحات سافروا ب 3 مليم , و يقولك سافر ايطاليا بألفين جنيه , و روح هناك قضيها مشي في الشوارع , الكلام ده غير صحيح و لو مش حاجز فندق كويس و معاك مبلغ نقدي بالاضافه لكروت أئتمان , احتمال كبير جدا أنك متقدرش تدخل أصلا البلد , فأرجوكم اللي يقولك روح هناك شوف أرخص هوستل و قعد فيه و مافيش مشكله تنام في حديقة عامه ده متابعوش أصلا علشان من الاخر بيضيعك و عاوز يجمع لايكات و خلاص
رحلتك لازم تكون متنظمه و عارف حتعمل ايه كويس , و أنا متاكد لو كنت تعبت شويه و حجزت مثلا تذاكر دخول للكولسيوم و تذاكر لدخول الفاتيكان , و تذاكر لباص سيتي تور , و كام جوله داخل المدينه , كان الظابط اقتنع انك فعلا داخل سياحه و كنت عديت عادي , لكن صراحه كل الأوراق اللي ادامه ( حتى لو كنت طالب ) لا تدل على أنك داخل سياحه