انا شايفه ان الناس بتتعب اوي عابال مابتاخد...

[Eman Damaty]

انا شايفه ان الناس بتتعب اوي عابال مابتاخد الفيزا للدول الاوروبيه وبتفضل على اعصابها لحد مابتاخدها...ولله انا شايفه ان دول الFAR EAST (شرق آسيا) احسن بكتير من اوروبا من حيث كذا حاجه:
1.التكلفه والاقامه
2.الانشطه والفسح
3.المناظر الطبيعيه الخلابه
4.ناسها وتواضعهم
5.الشوبنج
6.اسعار الاكل
انا بحس ان معظم الدول الاوروبيه عباره عن زيارة كنائس ومتاحف و كلها فسح قريبه من بعض ....لكن مافيش حاجه تاخد العقل او exciting اوي زي شرق آسيا.. وكل حاجه غاليه كمان.....انا ده رأي وياريت تدوني رأيكم انتو كمان عشان انا بقالي 3 سنين بطلع شرق آسيا و كل ماجي اطلع دوله اوروبيه اتردد لاني هفضل شايله هم لحد ما انا وعيلتي ناخد التأشيره.. ولو التأشيره ماجاتش انا بقى اخسر التذاكر وباقي الحجوزات زي اوتيل وخلافه؟؟؟!!!!

 

[Ahmed Mubarak]

دي حاجه ودي حاجه .. وكل حته ليها مودها

 

[Mohammed Badari]

انا عن نفسي ما راح افكر اني اروح دول جنوب شرق اسيا نهائياً
الحدود ابتداء من روسيا واذربيجان وانت رايح غرباً

 

[Mahmoud Ouda]

الفكرة في اختلاف اسباب واهتمامات المسافر وكل فريق مؤيد او معارض عنده وجهه نظر في رأيه
اللي حابب يروح اي مكان لازم يتأكد انه هايستمتع جدا فيه والا مايروحش

 

[Hebatalla Adel]

هى بتختلف من شخص للتانى يعنى انا مثلا ما بحبش الحر و أحب الجو يبقى بارد نسبيا و بخاف من حوار الناموس و الحشرات غير ان معظمها معتمد على وجود بحر و أنشطة بحرية و انا ماليش فى نزول البحر فما بفكرش فى دول شرق اسيا دى خالص غير ان اوروبا بالنسبالى فيها كل حاجة يعنى مناظر طبيعية خلابة جدا و متاحف و أماكن ترفيهية و حاجات مناسبة كل الاعمار فَلَو فكرت اروح اسيا ممكن اروح اليابان او الصين بس مثلا

 

[Señoría Waél]

مش معاكي،، انا لفيت اسيا كلها لكن اوربا بجد حاجه تانيه خالص وامتع مليون مره

 

[Eman Damaty]

انا رحت على فكره باريس ولندن قبل كده وتركيا لو هنعتبرها اوروبا لكن انا بتكلم عن المعاناه الي بقيت اشوفها من الناس الي بيشتكوا مالفيزا وطلوعها...طب اعذب نفسي ليه؟؟ يعني دول زي رومانيا او جورجيا او التشيك يطلعوا عين الناس لييييه عبال مايطلعوها؟؟؟ مش فاهمه يعني!!! وباقي الدول القويه زي اسبانيا والنمسا وهولاندا.....الواحد يفضل على اعصابه لحد ماياخدها ليه؟؟ مابلاد الله كتيره!!! انا متخيله الاحباط الي بيجي للواحد لما بيترفض...انا طبعا عارفه وشايفه ان اوروبا تحفه بس اقصد بلاها طالاما هيطلعوا عينينا واخسر حاجات كتيره والله المستعان....

 

[Noha Mohamed Mashaal]

دى أراء أراء

 

[Marwa Roushdy]

دول اوروبا مختلفه عن دول شرق اسيا تماما
اتفق معك ان دول شرق اسيا ارخص من حيث،الاقامه والفسح لكن الشوبينج هناك اى كلام لا يقارن باوروبا
ثانيا الفسح فى شرق اسيا مختلفه عن اوروبا .. الناس المغرمه بالتاريخ والثقافه اوروبا حضا اتها ومزاراتها اجمل واعرق من دول شرق اسيا بمراحل

 

[Eslam Sameer]

ع حسب كل واحد وميوله
انا سافرت هنا و سافرت هنا اوروبا غير

 

[Khaled Heshmat]

كلام صح و الطبيعة فى الدول حاجة خيالية

 

[هشام كامل]

اوروبا تجمع مابين الثقافه والحضاره والترفيه مضيعش فلوسي في بحر

 

[Adel Qadri Raslan]

انا زيك بالضبط ..امريكا الاتينية وجنوب شرق اسيا عشق من نوع اخر

 

[Zain Burçak]

اتفق و بشدة..حتى الكلفة ارخص و التجربة اجمل

 

[Mostafa Osha]

السلام عليكم ....من فضلكم انا ومحتاج اسؤال سؤال ...انا الان في هولندا السفارة الهولنداية ادتني شهر فقط مع العلم انا متزوج من هولندية انا الان في هولندا وعايزا فترة اكتر اقعد في هولندا مدرس او غير ذلك...ممكن الافاده شكرااااا جدااا للجميع...

 

[Khaled Fouad]

متفق معاك جدا

 

[Khaled Kandel]

اليونان ارخص من اسيا مليون مره كفايه انه بعد تعويم الجنيه التذكره ممكن تجيبها اقل من 3 آلاف جنيه وساعات عروض 2500 جنيه والاقامه في فندق متوسط 25 يورو او اقل والاكل والشرب ارخص منه مافيش يبقي ازاي اسيازاللي تذكرها ب8 الاف جنبه ارخص

 

[Antonio Berbatov]

والله انا بقول كدة برضه لو واحد طالع سياحة يروح اسيا او جورجيا او حتى تركيا ، لكن ليه يحط نفسه تحت ضغط اعصاب كان في امتحان الشنجن

 

[Abd El Hamid Sherief]

تركيا أحسن من الأتنين.... قريبة وشبه أوروبا وطبيعة ورخيصة نسبيا والأكل نضيف ولا هتحتاج تسافر 14 ساعة ولا ترانزيت

 

[Galal Mohamed]

انا شايف ان الناس مبقاش فى فلوس تاخد بيها اى حاجة