H
Hany Saeed Hanna
:: مسافر ::
امستردام يعنى بلد تحس فيها بكل حاجه كل حاجه عايزها هتلاقيها كل اللى تتخيله واللى متتخيلوش من المعروف واللى الناس فاهماه ان هولندا بلد المخدرات نظرا لأن القانون الهولندى بيسمح بتعاطى المخدرات بس فى الاماكن المسموح بيها بس لو اتمسكت بره الكافيه بتاع الحشيش ومعاك اكتر من 2 جرام مخدرات هتتحبس وهتترحل .. اشرب اللى انت عايزه جوه الكافيه بس بره الكافيه ممنوع . هولندا فيها اكبر حديقه ورود فى العالم ... بلد تشوفها من الطياره عباره عن سجاده حمرا وخضرا نظرا لكثره المساحات الخضرا .. فيها متحف الشمع واكبر متحف للجبنه فى العالم .. شعب ودود جدا وبيساعدك فى اى موقف .. ممكن متشتريش خط موبايل لأن المحلات اللى فى الشوارع كلها الواى فاى فيها فرى فانت بس تفتح الواى فاى فى موبايلك وقابل بقى يامعلم هولندا بلد كل حاجه وعكسها .. فيها الريد ديستركت وده طبعا عارفينه كلنا وفيها كنايس وجوامع ومعابد يهوديه . بلد الحريه والتنوع والثقافه .. يعتبر العجل هناك اكبر وسيله مواصلات وفى حارات مخصوصه ليها زى اى بلد فى اوروبا بس هولند ا اكتر بصراحه .. اشهر ميدان هناك هو remprant sq. وده اللى فيه الفرع الرئيسى لشركه Booking . اتمنى اى حد عايز يسافر وينبسط لازم يروح امستردام
