باسبورك في إيدك تعالي معايا نلف شوية في المجرة...

[Ahmed Shagie]

باسبورك في إيدك تعالي معايا نلف شوية في المجرة
لو مجنون زي هتفهمني
كنت قاعد زهقان وقدامي الخريطة يوم 18 أغسطس تحديدا
كتبت علي جوجل أجمل مكان في العالم لقيت طالع ليا جزر المالديف
كلمت واحد صاحبي تسافر المالديف قالي ياريت بكره اه والله قالي كده كلمت شركة عايز أسافر المالديف قالي تمام تعالي الاسبوع الجاي يوم الأحد نتكلم مع بعض قؤلتله انا عايز أسافر بكره عندك ولا اشوف شركة تانيه
حسيت انه عايز يقتلني
حجزلي علي القطرية بعد يومين وحجزت في فندق شيراتون المالديف بعد 48 ساعة من التفكير من السفر سافرت يومين وسافرت خاصتا التاشيرة في مطار مالي
المراد من الموضوع التشجيع علي السفر وتجربة السفر وحيدأ

والسفر لوحدك بيخليك في إحساس تملك فيه العالم
وكمان بتتعرف علي ناس من بلاد تانيه نفس ظروفك سايبن بلادهم وجايين يستمتعوا بالتجارب الجديده ناس من كل بلاد العالم وبعيدا عن تكدسات الحياة وظروف العمل

 

[Mahmoud Kareem]

انا هسافر المالديف دلوقت
سلام بقي عشان رايح اجهز الشنطة
تعديل **
انا عامل باقة سوشيال ميديا هيوافقوا يقبلوني ف شيراتون المالديف

 

[Hassan Hilles]

صديقي الفكره من الموضوع باختصار توفر ال وبعدين كل شي سهل. مع احترامي لك لايوجد حكمه هنا

 

[Rasha Shehab]

طيب ممكن اعرف اتكلفت كام؟؟

 

[Mustafa Jibreel]

طيب ما تقولنا كده ع التكلفه ..اصل انا بمر بنفس الجنون بتاعك دلوقتي

 

[Nihal Adel]

دي احلى حاجه
السفر ده عشق
بس ياريت الإمكانيات تسمح

 

[Sara Nabil]

شيراتون المالديف حلو ولا متوسط وايه نظام الاكل هناك؟

 

[Sabrine Nasri]

انا من تونس و حاجي علي شرم بحب اكتشفها بحب السفر

 

[Mohamed Guda]

اكيد كل شخص معاه فلوس ويقدر ينسق وقته هيقدر يعمل كدا واكتر كمان ، لان تقريبا مفيش حد فى العالم مش حابب يشوف أماكن وناس جديده

 

[Abdulrahman Ahmed Roshdy]

أصل بصراحة كل اللي هنا مش مستني تشجيع عشان يتحرك .. الفكرة ف الإمكانيات والوقت ولحظة ما بيتوفروا هتلاقي كله بيدوس علطول !!

 

[حسن على على]

 

[Ali Adora]

نفس الموضوع معايا اقسم بالله. قاعد فكرت في ماليزيا.. كلمت شركة سياحة جابولي تأشيرة تايلاند بعد 4 ايام حجزت على مصر للطيران تاني يوم سافرت واكتشفت اني فعلا أملك العالم وانا مسافر لوحدي

 

[Naser Mahmoud Edrees]

حاول تروح واحة سيوة

 

[Ahmed Bahaa Mobasher]

انت عامل زيى دماغى بتضرب بحجز واسافر اى مكان لوحدى وبتبقي متعه

 

[Omnia Samir]

انا عايزة اعيط :'(

 

[Abo Ali]

ده يستلزم انك فاضرغ معندكش شغل او نوع شغلك يسمحلك بكده ودى ميزه طبعا

 

[Siniô Rétà ʚĩɞ]

كلنا نفسنا نسااااافر ،،، بس طبعا السفر لازززم امكانيات والا هتبقي احلام واماني

 

[Mohamed Abo Malek]

استنوا بس خلونا نسأل الاسئلة المهمه؟
التكلفة كام بالتفصيل والورق ال جهزته وخط سير الرحله؟

 

[Naser Mahmoud Edrees]

سيوة ياجماعة بلدنا أولى بينا

 

[Abdelrhman M Alsaket]

مفيش احسن من السفر لوحدك فعلا بتملك العالم وبتبقى حر فى كل حاجه