انا كتبت بوست ومنزلش ومش عارفة ليه وبسال عايزة...

[Mona Awad Allah]

انا كتبت بوست ومنزلش ومش عارفة ليه وبسال عايزة اعرف مرسي علم ولا الجونة ولا سهل حشيش عشان رايحة الويك اند اللي جاية وعايزة حد يرشحلي مكان منهم وفندق حلو .. ليه البوست منزلش ولا هو وناس وناس بينزلهم البوستات بتاعتهم انا قريت القواعد بتاعت الجروب واظن البوست بتاعي مفيهوش حاجة تمنع نزوله !!!!!؟؟؟؟؟؟؟

تحديث : ياريت لو حد راح ال 3 اماكن دول يرشحلى انه احسن مكان فيهم ويرشحلى اسم فندق وشكراً

 

[Bahaa Aldeen Farouk]

أهلا بحضرتك , , أرجوكم بلاش نظريه المؤامره و موضوع ناس و ناس ده , لأن أكيد انا مش عارف شخصيا أكتر من 180 ألف عضو في الجروب و حختار منهم ناس أوافق على بوستاتهم
بخصوص السؤال حضرتك سؤال مبهم و غير واضح تماما !!!!
حضرتك كل واحد و ليه أهتماماته و رأيه في المكان و محدش زي التاني , ازاي عاوزه الناس هيا اللي تخترلك المكان المناسب ليكي و حسب ميزانيتك ما بين 3 أماكن !!! و محدش يعرف لا ميزانيه و لا اهتمامات و لا ظروف السفر المناسبه ليكي , يعني حيكون سؤال صراحه مالوش اجابه , و علشان كده البوست منزلش , بس نزلته المره دي علشان الناس تعرف احنا بنرفض النوع ده ليه من البوستات

 

[Bahaa Aldeen Farouk]

@Inci El Gazar تم الحظر من الجروب لتجاوز قواعد الجروب

 

[Shaimaa Alghobashy]

بلاش الجوامع عشان فيها مهرجان للسينما ممكن مش تعجبك عموما انا نزلت بانوراما بانجلوس ٤ نجوم

 

[Mona Awad Allah]

Bahaa Aldeen Farouk : اولا انا مش عبرة والبوست بتاعى مش عبرة للناس دى اول حاجة تانى حاجة
انا مش بتكلم عن نظريات مؤامرة لان دى تانى مرة ابعت بوست وميتقبلش وناس تانية كل شوية بتنزل بوستات .. يبقى الجروب بالنسبة ليا مش مفيد انا مش كل شوية انزل بوستات بس انا فى جروب اظن من حقى لو عندى سؤال ليه علاقة بالسفر انزله واى حد مهتم او يقدر يساعدنى هيرد .. والبوست اللى قبله لو حضرتك كنت وافقت عليه كان ممكن توفر عليا سفر من اسكندرية للقاهرة بس عشان البوست منزلش سافرت وروحت سفارة فرنسا على الفاضى وبعدين
ايه المبهم فى السؤال مش فاهمة !! انا مروحتش ولا مكان فى دول وكلهم فى نفس المنطقة تقريبا وعايزة اعرف انه احسن يعنى بسال الناس اللى راحت ال 3 اماكن واكيد هيرشحو مكان افضل من التانى وهيقولو الاسباب يعنى فى ناس بتقول الجونة مملة ومفيهاش حاجة تتعمل حد يقول مرسى علم احسن عشان الدايفنج او اي حاجة تانية متكلمتش عن التكلفة لان سؤالى عن المكان مش على التكلفة لان كل مكان اقدر اروحه واظبت تكلفتى على اساسه .. حد يقولى انه احسن وايه فندق حلو سؤال عادى واظن ليه علاقة بأسم الجروب السفر !!

 

[Ahmed Elarby]

Up

 

[Mo Melegee]

Mona Awad Allah حضرتك ممكن تكتبي اسم المكان اللي بتسألي عليه ف السيرش بتاع الجروب الاول و
و تشوفي البوستات المكتوبة عنه هتلاقي آراء كتييير أوي و تنقي اللي انتي عايزاه و تعملي كومنت أو ريبلاي علي أي حاجة انتي عايزة تستفسري عنها

 

[Mona Awad Allah]

up

 

[Allaa A. Madkour]

Gouna : Steigenberger - Three corners- Sultan bay

Sahl hashish : Tropitel - Baron

Marsa Allam : Three corners - Sentido helw brdo - Hilton - Concorde

 

[Mona Awad Allah]

thxxxx loulouuuuuuuu

 

[Mona Awad Allah]

anhow b2aa a7la fehom 3shan antemty gaia mn dubai w 3yzaa t2dy yomen astgmam kedaaa Allaa A. Madkour

 

[Kamel Kamo]

Panorama bungalows el gouna
Tropitel sahl hashesh

 

[Emy Yasser]

انا لسه راجعة من البارون سهل حشيش
رائع والعاملين ذوق وادب في التعامل

 

[Mostafa Osha]

السلام عليكم ....من فضلكم انا ومحتاج اسؤال سؤال ...انا الان في هولندا السفارة الهولنداية ادتني شهر فقط مع العلم انا متزوج من هولندية انا الان في هولندا وعايزا فترة اكتر اقعد في هولندا مدرس او غير ذلك...ممكن الافاده شكرااااا جدااا للجميع...

 

[Mohamed Hamza]

ارشح لحضرتك تحجزي من علي بوكينج عامل عروض وخصومات الفترة دي للناس اللي بتحجز من بوكينج انا سافرت كتير وكنت بحجز من على موقع البوكينج بس الموقع اداني عضوية جينيس وبالتالي تقدر انتا تاخذ 10% استرداد من مبلغ الحجز بعد الاقامة في الفندق على الكريد كارد بتاعتك , اللى حابب يستفيد من العرض ويحجز يتفضل
/Booking.com: The largest selection of hotels, homes, and vacation rentals

 

[Mahmoud Algendy]

انا رايح يوم الخميس فندق ابو دباب وهجرب واقولك تابعي الصور لما انزلها