مساء الخير ... رجعنا على رحلة من اثينا الى...

[Mariam Mina]

مساء الخير ... رجعنا على رحلة من اثينا الى القاهرة على الطيران اليوناني Aegean Airlines و شنطة السفر موصلتش المطار عملنا محضر و قالو جاية تاني يوم على الرحلة اللي بعدها و موصلتش برضه ( وفيها حاجات مهمة محتاجنها) ... حد حصلت معاه قبل كدة مع الشركة دي و بتاخد وقت قد ايه ؟؟؟ و ايه اجرءات التعويض ؟

 

[Ahmed Maher Gobbah]

مافيش تعويض وهترجع عالرحلة اللي بعدها

 

[Luna Omar]

باذن الله هتيجى فى خلال يومين تابعى بس معاهم

 

[Rasha Shehab]

حصلت معايا.هترجع ان شاء الله كمان كام يوم

 

[Rowan Roka]

حصلت معايا بس علي الطيران التركي و استلمتها تاني يوم

 

[Medo Sh]

بصي المفروض انها ترجع علي الرحلة اللي بعدها علي طول بس لازم تحتفظي بالكعب بتاع البوردينج اللي معاكي عشان هو دا اللي مستندك ةلوحيد انك ليكي شنطة و ما استلمتيهاش لو لا قدر الله ان فيه واحد تاني اخدها من علي السير بتاع الشنط و لو حظك كويس هيرجع الشنطة لمكتب الطيران اليوناني في المطار و يقولهم دي مش بتاعتي .و هما ساعتها هيتصلوا عليكي و يقولولك هاتي كعب البوردينج و تعالي ... او الامور تبقي طبيعية و ترجعلك علي الرحلة اللي جاية .. لازم كمان تحتفظي برقم او صورة المحضر لانه في اسوء الاحوال لو ما رجعتش هتاخدي التعويض من الشركة و التامين بتاعك لو مأمنة علي الشنطة بالمحضر دا .

 

[Hesham AbuSaif]

حصلت معايا ووصلت في نفس اليوم رحله بليل، ولو مجتش بيبقي ليكي تعويض بس ان شاء الله هتيجي

 

[Wafaa L Mahallawy]

خليكى متابعة معاهم ..هى شركة زبالة اساسا ..شنطة ابنى ضاعت و مارجعتش للاسف والسبب انهم رجعوها مصر وكلنا كنا مسافرين ولما رجعنا كانت راحت عاليونان و طلبناها ترجع على مصر بس مالاقوهاش

 

[ايمن سمير]

ممكن سؤال خارج عن الموضوع هو التذكره رايح جاي علي الطيران اليوناني كام تكلفتها وازاي احجز من مصر علي الطيران اليوناني

 

[عمرو شريف]

ده العادي بتاع الشركه دي ان الشنط ما بتوصلش خصوصا طياره الي راجعه برج العرب خصلت معايا و في 6 من اصحابي بمواعيد مختلفه بس دايما بتيجي نن يومين لاسبوع و توصل

 

[Dina Hussien]

حصلت معانا وهترجع ما تقلقيش
بس ممكن تاخد وقت اكتر من يومين ..احنا شنطتنا رجعت بعد سته ايام

 

[Islam E. Rizk]

حصلت معايا على نفس الشركة
ورجعت خلال اسبوع
كمان من خلال الرقم الموجود على البوردينج ممكن تعملى تراكينج للشنطة
بس عموما الموضوع ده متكرر مع اليونانية
علشان بيجيبوا طيارات صغيرة من اتينل لمصر
ان شاء الله خير

 

[Ivan Enrique Gomez Castro]

وهي دة ميزة الbackpackers مش بناخد غير شنطة ظهرنا وبس لاشنطة تتفتش ولا شنطة تتسرق ولا شنطة تضيع

 

[Hebatalla Adel]

فيه تعويض لتأخر الشنط عن وقت معين لو انت عامل تأمين سفر و مكتوب على الوثيقة لكن من شركة الطيران نفسها مش متأكدة لازم تراجع شروط التأمين بتاعهم

 

[Basma Abdallah]

حصلت معايا على العمانى بس رجعت الشنط فى الرحلة اللى بعدها متقلقيش هترجع ان شاء الله