E
Eman Abou Ouf
:: مسافر ::
يا جماعة الخير اظن مفيش حد معترض على ان مصر من أهم المقاصد السياحية في العالم وانا مشرفى الالمانى كان نفسه يروح شرم الشيخ ويعمل جولة في النيل بين الأقصر واسوان وكل شوية يسالنى هي البلد امان اقدر اجى .........بس ده قصة وواقعنا المزرى قصة تانية خالص هم مش بيحترمونا علشان احنا مضيعين نفسنا ومضيعين بلدنا ......هي دى القصة ......وهم برا مش عباقرة دى ناس بتشتغل بإخلاص وبنظام وعندهم قوانين بتطبق على الكل وعدالة اجتماعية وهو ده اللى مخليهم فوق واحنا تحت
A
Abd El Hamid Sherief
:: مسافر ::
الطيار عادة بيتكلم يرحب بالركاب ويقول زمن الرحلة أو أستعدوا للإقلاع أو الهبوط أو يتكلم عن طاقم الرحلة المرافق للركاب أو لو فيه إضطرابات جوية يربطوا أحزمة المقاعد أو يقفلوا الأجهزة الإلكترونية أو يسمعوا فيديو تعليمات السلامة... الطيار مش مرشد سياحي علشان يقولهم بصوا تحت هتلاقوا تماثيل دهب أبعتوا لواحد أمين علشان يصرفهم..... ده كانت شركة الطيرات فشخته !!!! حاجة تانية, بما أني عشت في دبي سنتين وسافرت علي الأماراتية من دبي لأوروبا قبل كده "هولندا تحديدا" فطيارين الأماراتية عادة كانوا أماراتيين مش مصريين وحتي في رحلاتهم لمصر مكانوش بيقولوا اي حاجه من الكلام ده فمعلش يعني البوست ده معلب ومحفوظ بس تثريبا صلاحيته أنتهت وريحته فاحت
S
Shymaa Ibrahim
:: مسافر ::
هو بعيداً عن الكلام عن مصر، علشان انا فعلا بحب بعيدا عن كل البلاوي اللي فيها..
مع احترامي الكلام ده هري السنين..
اولا، انا ركبت طيارات كتير جدا، والطيار مش مرشد سياحي، مبيشرحش اي حاجة ملهاش علاقة بالطيارة والرحلة..
ثانيا، الرحلة من دبي لأوربا مش هتعدي على مصر اصلا..
ثالثا، الارتفاع اللي الطيارة بتطير عليه مش هيخليك تشوف غير سحب لو بصيت من الشباك، ولا هتشوف قناة السويس ولا الأهرام..
رابعاً، انا قابلت جنسيات كتير جدا، اغلبهم ميعرفوش مصر أساسا، واللي يعرفوها عارفين بس عن الفراعنة..
الناس اللي زارت مصر وحبتها زاروا الغردقة وشرم، اللي زاروا القاهرة كرهوا مصر جدا ومش هيجوا تاني..
والقليلين اللي بيفكروا يزوروا مصر، خايفين لأنها مش أمان بالنسبة لهم..
مع احترامي الكلام ده هري السنين..
اولا، انا ركبت طيارات كتير جدا، والطيار مش مرشد سياحي، مبيشرحش اي حاجة ملهاش علاقة بالطيارة والرحلة..
ثانيا، الرحلة من دبي لأوربا مش هتعدي على مصر اصلا..
ثالثا، الارتفاع اللي الطيارة بتطير عليه مش هيخليك تشوف غير سحب لو بصيت من الشباك، ولا هتشوف قناة السويس ولا الأهرام..
رابعاً، انا قابلت جنسيات كتير جدا، اغلبهم ميعرفوش مصر أساسا، واللي يعرفوها عارفين بس عن الفراعنة..
الناس اللي زارت مصر وحبتها زاروا الغردقة وشرم، اللي زاروا القاهرة كرهوا مصر جدا ومش هيجوا تاني..
والقليلين اللي بيفكروا يزوروا مصر، خايفين لأنها مش أمان بالنسبة لهم..
M
Mahmoud Al Brazily
:: مسافر ::
طيب انا احب اضيف خصوصا للناس الى بتسافر أفريقيا فى الرحلات الليلية مجرد مبتطلع من مطار القاهرة وتوصل لحدود مصر الجنوبية بتشوف كمية انوار رهيبة من شامال مصر لغربها ,, نبتدى ندخل بقى ع السودان واثيوبيا وارتيريا واوغندا الليل بيبقى عتمة وتحس انه البلاد دى فيها لمبتين تلاتة هوما اللى منورين الشوارع ,,, مصر نور افريقيا
