صباح الخير...لو سمحتم عايز بروجرام محترم...

[Mohammed Abd Elbaset]

صباح الخير...لو سمحتم عايز بروجرام محترم لاجازة لواحد ياباني هينزل مصر في شهر اكتوبر القادم الاقصر واسوان...يكون مفصل ومدته ٤ ايام...هو مهتم بالاثار جدا..اسماء الاماكن والمواعيد والتحركات...

 

[Shaymaa Mahmoud]

Around Egypt

 

[Heba Assem]

أسوان تاخد يومين تقريبا: معبد فيلة، متحف الونة ، جزيرة النباتات ، جزيرة هيصة ، و عدوا طبعا على فندق كتراكت و السد العالى و قضوا نص يوم فى القرية النوبية ... الأقصر ممكن بردة يومين : معبد حتشبسوت راءع

 

[Osama Saad]

لو محتاج مساعدة اوك

 

[Mohamad Barakat]

حاول تعمل جدول منظم بالمواعيد والمزارات الناس دي بتحب الجداول اعمل جدول وامشي علية

 

[Arwa Salem]

بص انا هقولك الاماكن اللي روحتها بس موضوع البروجرام بالمواعيد عايز تظبيطة محترمة عشان الوقت صغير شويه
اسوان.. معبد فيلة.. السد العالي ورمز الصداقة طبعا ويتصور صور حلوة من فوق.. فيه متحف النوبة بس ملوش لازمة حسيته مضيعة وقت ع الفاضي.. جزيرة النباتات ناس كتير بتعجبها مع اني حسيتها فرهدة اوي بس وديه ياخد فكرة برده.. اتفق مع حد بتاع مركب يوديكو جزيرة النباتات ويستناكو ويوديكو بعدها القرية النوبية( غرب سهيل).. هتدخلو بيوت نوبية وتشربو شاي هناك واوقات بيكونو مربيين تماسيح صغنونه ولو فيه ستات ممكن يرسمو حنه هناك برده.. ف القرية النوبية برده ممكن يشتري هدايا وتوابل والحاجات بتاعت اسوان دي وكمان ركبه جمل هناك ياخد جوله ف المكان.. وانتو راجعين خلي الراجل بتاع المركب يوقفكم عند مطعم الدوكة ده جوا النيل قعدته حلوة اوي.. فيه كمان جزيرة التماسيح بس انا ملحقتش اروحها.. ممكن كمان تروحو السوق القديم تلفو شويه لو عاوز يشتري حاجات من هناك
مكان مهم جدا لازم يتراح مع ان مشوارة صعب.. ابو سمبل وهمي جدا وهينبسط جدا بما انه مهتم بالاثار
الاقصر بقي: وادي الملوك ف البر الغربي تحفة المقابر وهمية وهينبهر بيها اوي.. معبد حتشبسوت.. و ممكن كمان تركبه البالون ف البر الغربي بس انا مركبتوش بصراحة
معبد الاقصر.. متحف الاقصر.. معبد الكرنك والصوت والضوء بالليل تحفة جدا جدا..فيه كمان تمثالين ممنون..متنساش تركبه حنطور ف الاقصر خليه ياخد جوله كده بين المتاحف لو افتكرت حاجة تانيه هكتبها