مساء الخير يا شباب عايز اعيد تاكيد معلومه مهمه...

[Moutaz Mohamed]

مساء الخير يا شباب
عايز اعيد تاكيد معلومه مهمه جدا و مثبته اعلي الصفحه ضمن قوانين الجروب.

احنا هنا مش بنزل اي سؤال خاص بالاستفسار عن احسن شركه سياحه او اماكن شركات السياحه.

احنا جروب بيعلم ازاي تعمل اي حاجه لوحدك فلو محتاج شركات سياحه دور علي جوجل.

ارجوا من الاعضاء الافاضل الاهتمام بقراءه قوانين جروب عشان هتساعدكم و هتساعدنا كتير.
شكرا.
#Traveller_Experience

 

[Hossam Abbass]

وفي ناس يا معتز تدخل ف الكومنتات تقولك انا طالع رحله لو تحبو تيجو معايا وهي اصلا شركات سياحه

 

[Sasso Eloffy]

طيب وليه لأ مينفعش مش يمكن بنعرف من خلال تجربتهم لو اول مره اطلع مع شركه او لأ بالعكش هتبقا حاجه مفيده برضوا من ضمن الجروب يا معتز

 

[Mostafa Magdy]

باشا بيبقي فيه كلام ف البوست نفسه وًالناس بتسأل برده
يعني انا كتبت لحضرتك المعلومات و انت مكسل تقرأها و بتسأل هتدور ع جوجل فين بس ..
شعار سفرني شكرا من غير تعب غير موجوده في العالم الحقيقي ..

 

[Randa Elsaeed]

بس ممكن نستفيد برضو حد جرب شركة بتعمل عروض كويسة او شركة بيتعامل معاها.لان مش كل الناس عندها وقت ترتب و انا منهم بس نتاكد انه مش حد بيعمل تسويق. لان جوجل هيطلعلي 100 شركة مش معقول هختار جزافي هعوز حد جرب و مصدر ثقة عشان هدفع مبلغ كبير. و طبعا في الاخر الادمنز ليهم حرية ادارة الجروب

 

[Fatoma Amora Hessiun]

وياريت كمان بعد اذنك اى بوست بيشكر فى شركه طلع معاها او شخص متقبلوش البوست
لان لما حد بيعمل سيرش على الجروب بيلاقى البوست ويلبس فى الاشخاص دى وبيصطادوا الناس على الخاص

 

[Shaimaa El-sidawy]

ياريت تعلمنا فسحة كده لمعالم القاهرة المعز والحسين..... الخ