أنا لسه جديدة حالا وانا ملاحظة انه كله اسألة...

  • بادئ الموضوع بادئ الموضوع Dina Mohamed
  • تاريخ البدء تاريخ البدء
عرض العطلة
#21
سيوه رائعه بس تروحيها بدايه من الخريف..و يفضل مع جروب علشان تنبسطوا الطريق يا ستى ..القاهره ..مرسى مطروح..و بعدين حوالى 3 ساعات فى بحر الرمال الاعظم (الصحراء الغربيه) سيوه بينها و بين حدود ليبيا حوالى 15 كم بعنى الطريق حوالى 11 ساعه و فيه استراحات كل فتره عالطريق فيها انشطه كتير و مزارات كمان ..عيون ميه ساقعه تلج و ميه سخنه كبريتيه بتدخن ..عيون مالحه و عيون حلوه.. شالى القديمه لازم تزوريها ..طغاغين.. و بليل عين الماظه و دى بتبأى عين ميه درجه الحراره فيها فوق ال 40 بس ممممممتعه ..خدى معاكى مايوه لازم ..سفارى ال 4×4 لازم يتعمل..مس هتنسيه عمرك و الشاى باللويزه ساعه المغربيه فى الصحراء حاجه خياليه ....العشاء البدوى فى الصحراء(ابو مردم ) و احلى كامب بليل و نجوم ملهاش حصر .. الخلاصه ..سيوه واحه بدائيه بسيطه راىعه الجمال هتعشقيها
 
#23
دى صوره الجروب بتاعنا فى الكامب بليل..كميه نجوم ملهاش حصر
fejxR9H54HDPyTLCxnXSiFU6WsAGiJ7i.jpeg
 
#25
سيوه ..
واحه الغروب
علي حدود مصر و ليبيا في مكان لسه محافظ علي جماله رغم كل مستحدثات التحضر البائسة .. مش تقولي القاهره اللي المستحدثات حطت عليها حطه سودا .. بنوعاني والله ولازم نشوف حد من المسئولين يتدخل .. اعملولنا سيوه الجديده علي طريق الواحات .. اعملولنا سندوتشات حلاوه بالقشطه اعملوا اي حاجهً بنوعاني سيادتك و مفيش فلوس نسافر و محبوسين في القاهره .. حراااااام ..
نروح عند الناس الكريمه الوقتي و لله الامر من قبل و من بعد .. انت في دوله تانيه اصلا .. رمل و بحيرات و عيون كبريتيه .. انت في حوار كبير فعلا
السياحه العلاجيه و مدافن الرمل اللي بتعالج الروماتيزم و الآلام المفاصل .. و بتنشط الدوره الدمويه ..
بيجي الناس لها من مصر و الخليج و أوربا كمان ! بتبدا ف يوليو تنتهي نص سبتمبر ..
احلي اكل و انضف اكل هتاكله في حياتك .. #تازيري اللي ليه حكايه ملياردير مغربي أتوهم بالمكان عمل فيه بيت خيالي هاند ميد كل الاثاث و عمل ايكولودج عالمي و الشيف محمد و بحيره الملح .. الاثار الفرعونية .. عصير الرمان .. بحيره فطناس اللي ممكن تتفرج فيها علي احلي غروب و انت في فلوكه .. الإسكندر الأكبر و تنصيبه ابن للاله آمون ..

العيون الكبريتيه و الجاكوزي الطبيعي
العيون الدافيه و العيون البارده ..
هتخليك ترجع كائن تاني .. عين كليوبترا تخيل كليوبترا تدب مشوار لسيوه عشان تروح البول الفرعوني بتاعها في سيوه تسيبوا كل ده و تروحوا الساحل يا مجانين .. اكيد فيه حوار الهدوووووووووء .. الاستجمام ..
السفاري ❤❤ متقولش انك عملت سفاري الا لما تعملها ف سيوه ..
لحدً ما انزلها في بوست منفصل عمرك في وسط سفاري اخدت غطس دافئ و كملت سفاري و بعدها غطس تلج .. شاي بالمرمريه بعد ده كله في جبل و انت بتتفرج علي الغروب

السياحه الشتويه اللي بتبدا بعيد الحصاد " حصاد الزيتون و البلح "
او عيد السياحه ف حب الله .. اللي بيبدأ 14-16 اكتوبر .. الواحه كلها بتتغذي غذاء جماعي و شفت صحفي فرنسي بيجي مخصوص يحضر طقوس العيد الأسطوري ده الحكايه ترجع ل 160 سَنَه لما كان اهل الواحه غربيين اللي عايشين في سهول الواحه و بين الشرقيين اللي ساكنين #جبل_الدكرور و بينهم حروب لحد ما جهًً واحد خلي الشرقيين و الغربيين يجتمعوا كل سَنَه ٣ ايام يطلع الرجال من الطرفين المتخاصمين يتصالحوا و ينتهي العرس الإنساني بغدا للعيله الكبيره او الواحه كلها اتعرفت صحفي فرنسي لابس زي سيوي و بيشارك تحضير الاكل و بيجي سنويا

الأوتيلات اللي من اول 100 جنيه لحد 500 دولار زي في أدير أملال او اوتيل جعفر اللي هو تحفه فنيه
مبني من الكرشيف مخلوط جريد النخل و الملح و الطين اللي بيجي من بحيره الملح .. انت في مكان ينفع لقصص تشارلز ديكنز و ديستويفسكي ..مفيش كهربا مفيش اي نوع من انًواع التلوث السرائر صحيه مكان الخشب بتاعنا مكون بالكامل من الملح .. و قطن و كتان .. الجناح في الصور .. زواره كيت ميدلتون و لأمير تشارلز و في جناح باسمهم و جناح باسم رونالدينهو شوفوا الصور ..
فيه جزء تاني فيه تفاصيل اكتر ..
شكر خاص للشخصيه الجميله اللي عرفتني علي سيوه ..

#سيوه
#واحه_الغروب
#مصر_جميله
— with ‎يوسف كيلاني‎.
 
عرض العطلة
#27
فى حاجتين مهمين جدا روحى فى آخر شهر ٩ أو اول شهر ١٠ عشان مهرجان التمور بتلاقى الواحة كلها طارحه شيء جميل جدا وكمان تلمسى ليالى قمرية عشان يما تطلعى سفارى منطقة بئر واحد تستمتعى بالصحراء
 
عرض العطلة
#34
سيوه تحفه انا قعدت فيها سنه بس بلاش تروحى لوحدك مش هيبقى كويس علشان تتبسطى وتعرفى تتحركى وبلاش تروحى دلوقت الجو جحيم
 
#35
في حاجه بس عايز اقولها للناس اللي عايزة تروح سيوه
مهرجان او عيد السياحة في سيوه الناس بتقول انه في نص 10 لكن الحقيقة انه بيكون في التلات ليالي القمرية اللي بتيجي في شهر اكتوبر و بالنسبه للسنه دي هيكون تقريبا ايام 3-4-5 اكتوبر و العيد ده بيكون بعد موسم حصاد التمور و بيحتفلوا بصلح قبائل سيوه و كمان بالحصاد و هما بيسموا العيد ده باللغة الامازيغية " إسياحت " و معناها السياحة في حب الله ، و بيتجمع كل اهل سيوه تحت جبل الدكرور بيقيموا حفلات و اغاني و بيعملوا مائدة عشا كبيرة جدا بيتجمع فيها كل اهل قبائل سيوه و حتى الغريب عن البلد و ياكلوا مع بعض
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة