لو حاجز طيران غير مباشر وفيه ترانزيت.......

[Mohamed Amin]

لو حاجز طيران غير مباشر وفيه ترانزيت.... ونتيجة ان الطيارة اتأخرت في الاقلاع ووقت الترانزيت كان قليل ومالحقتش الطيارة التانية ... هل بيتم الحجز مجانا في الرحلة اللي بعدها وشركة الطيران بتتحمل التكاليف ولا المسافر هو اللي بيشيل الموضوع ؟

كمان لو حد مجرب السفر الي وارسو : يا تري كانت ايه شركة الطيران اللي سافرت بيها والترانزيت كان فين ؟

 

[Osama Malik]

لو حجزت في شركات وسيطة زي سكاي سكانر
بيبقى فيه خيار انك تدفع ٣٠ دولار او اكتر حسب الرحلة عشان الطوارئ اللي زي دي

 

[Tasnim Dawood]

م

 

[Ahmed Hesham]

لو كل اللي زيك ملحقوش بيغيرلوك هم التذكرة والمفروض بيدوك وجبة او مشروب او حجز فندق حسب التاخير

 

[Hussein Nour El Dein]

Up

 

[Anette Boutros]

لو هي تذكرة واحدة ورحلة منهم اتأخرت فدى مسئوليتهم
انا كنت حاجزة علي الاماراتية رحلة فيها اتنين ترانزيت (هركب ٣ طائرات) والطائرة التانية اتأخرت فكان أكيد مش هلحق التالتة فحجزولى ميعاد تانى مجانا وأعطوني وجبة كمان علشان الترانزيت تخطى ٤ ساعات.

 

[Mohamed Mahmoud Moftah]

لو الرحله كلها محجوزة في تذكره واحده يبقي هما المسؤلين
اما لو انت إليّ حجزت رحله تانيه منفصله يبقي انت الي هتشيل

 

[Mohamed Elshazly Jr.]

طيران Aegean ترانزيت في اثينا

 

[Mohamed Nagy]

طب هى تذكرة واحدة اللى بتقولوا عليها دى لازم تكون نفس شركة الطيران؟

و لا ممكن شركتين طيران بس فى تذكرة واحدة نتيجة انك حاجز من موقع اونلاين على طول