شباب ... معلش البوست طويل وهازعجوا شوية عشان...

  • بادئ الموضوع بادئ الموضوع Mohammad Ahmmad
  • تاريخ البدء تاريخ البدء
عرض العطلة
M

Mohammad Ahmmad

:: مسافر ::
#1
شباب ... معلش البوست طويل وهازعجوا شوية عشان اول مرة اسافر برة مصر
انتو خبرة فى السفر وانا اتعلمت واستفدت منكم كتير جدا والله
دلوقتى انا خلاص خدت الفيزا بتاعة تايلاند الحمد لله
بس انا ناوى بعد م اقعد فى تايلاند (شهرين مثلا) اروح كمبوديا وفيتنام وماليزيا ... كل بلد شهر ما عدا ماليزيا ممكن شهرين ونص
البلاد دى اما فيزا ببلاش او فيزا عند الوصول ... وعشان كدة مش عندى الفيزا بتاعتها عالباسبور دلوقتى
السؤال بقى ... هل فى المطار ابمصرى هيطلب منى تذكرة ذهاب وعودة ولا ملوش دعوة غير بتذكرة الذهاب بس ؟
ولو هيطلب تذكرة العودة كمان ... يبقى المفروض اعمل ايه وانا اصلا لسه مش عارف هاحجزها امتى ومن فين وكدة ؟
ولا احجز التذكرة واستعوض ربنا فى حقها ولا تذكرة حجز مبدأى ؟
واللى بيخلينى مش متأكد انى المفروض احجز العودة من ماليزيا دوقتى واوريها للمطار فى مصر هو انى مش متأكد هيوافقوا ولا هيعطلوا الدنيا بسبب تصريح امنى وكدة
....
للعلم انا عندى وظيفة فى الباسبور وكمان غير مطلوب للتجنيد...
...

الفكرة انى نش عارف فى المطار فى مصر ليهم الخق اصلا انهم يتأكدا من تذاكر الغودة كمان ولا الذهابدب بس .
... انا متلخبط جدا ..
 
#2
غالبا لما تكون طالع سياحة هيطلب منك تذكرة ذهاب و عوده عند البوورد تحديدا اللي هي المرحلة الاخيرة قبل ما تدخل على الطياره - في شركات طيران لما تحجز عليها بتديلك تذكرة مؤقته بتدفع خلال اربعة و عشرين ساعه احجز تذكرة العودة تتدفع لاحقا قبل ميعاد السفر باتناشر ساعه تعديك مؤقتا من المطار و تنتهي صلاحياتها تاني يوم و شم تغرم حاجة انا بعمل كده لما اكون مسافر بتأشيرة سياحة و البوورد بيطلب تذكرة العودة بديلة التذكرة دي و بعدي
 
#4
الظابط مش بيبص غير فى تذكره الخروج بس وبيتأكد من البلد الرايحها معاك الفيزا بتاعتها ولا لأ وممكن يرخم ويسألك رايح ليه ومعاك فلوس قد ايه مين مستنيك معاك حد من هنا واسئله من هذا القبيل
لو اول اوجهه ليك تايلاند انصحك روح مجمع التحرير وأسال ليك تصريح امنى ولا لأ
 
#5
فلاي دبي بتشتغل وجهاتها على اغلب دول اسيا لو تايلاند بتحجز عودة من بانجكوك الى برج العرب في الاسكندرية و بعد ما توصل بالسلامه التذكرة بتتكنسل طالما مدفعتش خلال الاربعة و عشرين ساعة و ابقى احجز براحتك و انت راجع ده لو حبيت ترجع أم الدنيا - و القطرية فيها نفس اوبشن الدفع - لازم يكون الحجز اونلاين مش من مكاتب سياحة الشركة بيبقى في اختيار في المرحلة الاخيرة للدفع كرديت او فاتورة او الدفع لاحقا اختار الدفع لاحقا و اطبع التذكرة و خدها سكان على الكمبيوتر شيل جملة الدفع معلق بتبقى جملة في سطرين و اطبع التذكرة و خدها معاك المطار و ارميها و انت في بانجوك - احجز باللغة الانجليزية عشان الموظف ميركزش كتير ده موقع فلاي دبي اونلاين /Book Direct for Cheap Dubai Flights | flydubai Official Site
 
عرض العطلة
#8
اولا وانت طالع من مصر محدش هيسألك فين تذكرة العودة
ثانيا لو رايح علي تايلند لازم يبقي معاك فيزا عشان تايلند بفيزا من هنا
ثالثا لو طالع علي ماليزيا الاول خلي معاك حجز فندق مبدأي و برنامج بسيط للرحلة و برضه ممكن محدش يسألك عليه
رابعا لو مثبوت وظيفة في الباسبور وانت طالع ماليزيا او تايلند مش هتحتاج استعلام امني بس احتياطي هات جواب من الشغل مختوم انك طالع برا ده للاحتياط بس
خامسا خد معاك شهادة الاعفا او صورة منها احتياطي عشان اللي هيغلس و يأخرك انه ممكن يقولك معاك صورة منها او اصلها ولا لا بس برضه مش في كل الحالات
سادسا ماليزيا و تايلند سهلين في خروجك من مصر بس المهم تبقي مرتب كويس هتعمل ايه من هناك ووجهتك هتبقي فين عشان انا مدخلتش كل المطارات
مطار ماليزيا حلو ومش بيغلسوا عليك ولا بيسألوك هتعد اد ايه لانهم كده كده بيخدوا بصمتك و صورتك و بيدوك ختم دخول بمدة معينه لازم تخرج قبليه
وربنا معااك ان شاء الله و تعدي علي خير
 
#10
طالما الفيزا معاك مسبقا مش هيطلب تذكرة العودة، لكن لو رايح دولة لسة هتطلع منها الفيزا لدى الوصول لازم تبقى معاك تذكرة عودة
 
عرض العطلة
عرض العطلة
عرض العطلة
أعلى أسفل
عودة
قائمة