صباح الخير عليكوا احلى travelers انا عندى سؤال...

[Ruba Anwar ElTarhony]

صباح الخير عليكوا احلى travelers
انا عندى سؤال بعيد شويه عن الجروب بس مش هلاقى احسن منكوا يفيدنى فى الموضوع ده ..
فرح اختى بره مصر وتحديدا هيكون فى السعوديه .. المشكله بقى اللى ادامنا دلوقتى فستان فرحها .. حاجه كده ممكن توزن ٢٠ كيلو و حجمه فعلا كبير ومفيش شنطه هتكون بالحجم ده ابدا .. نسفره ازاى بعيدا عن انه يتجرمك او يتبهدل او يحصله اى حاجه ؟؟
هل حد ليه تجربه مشابهه بالموقف ده ينصحنا نعمل ايه .

لو البوست مخالف delete it ومتجوش ناحيتى انا

 

[Mohamed Ali]

حد يلبسة ويسافر بية..

 

[Eslam Rady]

العروسة تلبسه وتسافر بيه والف الف مبروك

 

[Wala'a A. Hakim]

انا سافرت بيه وعليا وعلى أعدائي
كنت عاملة قلق بس كنت رايحة دبي
معرفش السعودية ايه ظروفهم مع الفساتين
وحضرتك أنا أتعاملت معاملة الروؤساء وكبار الزوار ده حتى الطيار ساب الطيارة عشان يبارك لي

 

[Amira Mahmoud]

انا كنت جايه من الإمارات السنه اللى فاتت وشيلته قى أبدى بدل الهاند باج.
.وشوف ناس بتعمل كده عادى ف البدل والفساتين بس ده قبل موضوع الجمرك. ... مش عارفه دلوقتى

 

[Абдурахман Бадр]

جاية من مصر غلفيه واكتبي عليه صنع في مصر بالبنط العريض

 

[Ahmed Hasan]

بيتحط في cover و تطلعي بيه الطيارة

 

[Heba T-Allah Saad]

جيبو الفستان من السعوديه

 

[Gaby Kababa]

البسية انتى و توفرى الوزن الزيادة

 

[Asmaa Al Agami]

طب مش صعبانه عليكى اختك هاتشيل ال ٢٠ كيلو ع اكتافها كده ازاى
شوفوا فستان اخف شوية رحمه بالبنت

 

[Ahmed Abdelhalim Ibrahim]

لو طالعه من مصر معلهوش اى جمارك ....المشكله لو جاى بيه مصر هتدفع جمرك لو اكتر من قطعه لكان لو قطعه واحدة بس مش هتدفع جمارك

 

[Norhan Ali El-Tonoby]

طيب ليه متأجرش من هناك ؟

 

[Ahmed Genedy]

هو في فستان 20 كيلو

 

[Ibrahim Mohamed Moustafa]

في شنطة فستان ولو مسافرة مصر للطيران هيطلعوه الطيارة عادي جدا وتقولي للمضيفة هتشيله هي
حصل الموقف ده قدامي قبل كدة

 

[Basil Ahmed El-Sabbagh]

اعتقد مافيهاش مشكله كاونتر المطار والجمارك متفهمين الفرحه
وعلي الطيار المضيفه فضت له راك مخصوص علشان ما يتكسرش

 

[Sara Al-nahhal]

احييييييه ٢٠ كيلو ازاي يعني ؟؟؟
انا سافرت لجوزي بعبايه وشيلت فستاني ف ايدي علي الطياره بس كان وزنه ميجبش ٤ كيلو
رقيق
الدنيا حر ف السعوديه درجه الحراره بتوصل ل ٥٢

 

[Soumaya Chouchene Ashraf]

أنا. كمان حطيتو في الكافر بتاعو و طلعت بيه الطيارة الخطوط المصرية و عملولي زفة قالولي ولا تشيلي هم اتفضلي حضرتك ارتاحي و خذوه المضيفات و حطوه في مكان حلو و كل شوية يجيو يقولول مبروك و الكابتن زادة جا سلم عليا و قالي مبروك

 

[Nada Ahmed]

Rola Anwar Abdelrehim طبقوه تطبيقه حلوه وحطووه لوحده في السوت كيس لو كنت في مصر كنت ظبطتهولك متفلقووش محدش هيتكلم انا مسافره بي فستانين في السوت كيس محدش اتكلم

 

[Rasha Kazem]

فساتين الزفاف في جدة و الرياض اصلا ملهاش حل .. اشتروه من هناك
او حد يشيله فى ايده عالطيارة بكوفر .. اعتقد فى مكان زى دولاب في الطيارة بيعلقوا فيه الجاكتات و كده ممكن تعلقوه هناك

 

[Rasha Oda]

بتحطيه في الكافر بتاعه انا عملت كده و الجيبونة بتدخل في اكبر شنطة عندك وكنت شايلاه عادي و فضولي مكان ليه علشان ديله و فردته و نزلت مصر عادي ومن غير اي جمرك والناس كانت متعاونة جدا والكل بيبارك والف مبروووك