N
Noha Fathy
:: مسافر ::
لاقيت الكلام ده في جروب حد يعرف صح ولا لا عشان مش فاهمه حاجه
تعرفى انك عشان مصرية ممكن تسافرى ماليزيا من غير اي فيزا اصلاً ؟
"كل اللي محتاجة تعمليه انك تحجزي تذكرة طيران ( وتطلعي تصريح أمني من المجمع لسه عاملينه جديد لماليزيا ) وتسافري و هناك فالمطار بتاخدي Pass علي الباسبور ببلاش لمدة ٩٠ يوم.
فُكك بقي من جو لما اتجوز هبقي اروح أقضي شهر عسلي فماليزيا او اندونيسيا او تايلاند..الجو دة قدم.
البلاد دي عشان جميلة فعلا بيرحوها فشهر العسل بس بيقعوا دم قلبهم تبع شركات السياحة ليومين تلاثة بس. انت هتروح هتقعد انت و عيلتك او صحابك فhostel الاسبوعين ب ٤٦٠ جنيه يعني الاسبوع ب٢٣٠ جنيه.
الاماكن السكنية كتير و"رخيصة" بينزل فيها أسرة و ناس كبار مش صغيرين بس، بتحجز من علي النت من موقع Booking وهشوف اسعار كل حاجة. العملة هناك ال 1 RM ب 2 LE يعني ولا حاجة بالمقارنة بالدولار او اليورو. الحياة هناك "رخيصة"، و هتحس انك عايش وبتتفسح كبني آدم فدولة متقدمة و متحضرة و في اماكن كتير ممكن تتراح و منها ببلاش أشهرها ال Petronas Twin Towers اطول برجين توأمين فالعالم و Batu Caves اشهر معبد هندي فماليزيا و بالنسبة للمواصلات، كتيرة و "رخيصة" و مفيش اسهل منها.
في حاجة تانية انا عملتها، ممكن تاخدلك قطر مكيف ب ٤٠ جنيه ٦ ساعات من بليل تكون الصبح وصلت لجزيرة Penang، تاخدلك الFerry تدخلك الجزيرة و تروح تحجز يومين تلاثة فhostel ب ٦٠ جنية فاليوم ( انا كنت نازلة ف hostel اسمه Old Penang). هناك لازم تروح Penang Hill أعلي قمة فالجزيرة اللي من عليها بتشوف منظر للجزيرة كلها والجبال عالطبيعة أحلي ماللي بتشوفه فالافلام مليون مرة بس هات معاك ال Student card لو انت طالب هيبقي ليك خصم هتبقي ٣٠ جنية بدل ٦٠ و فية غابة Taman Negara بتمشي فغابة و ترجع بمركب مزبهِل حبتين مالمنظر حواليك بس عادي غصب عنك المنظر وهم. الاكل فماليزيا "رخيص" إعرف بس انك هتاكل رز و مكرونة كتير.
مجنون سفر؟ ممكن تاخد طيران ساعة و نص من ماليزيا تروح اندونيسيا تعدلك يومين تلاتة.. اندونيسيا ليها فيزا On arrival ب 35 دولار ..عُملتنا أعلي من العُملة الروبِيَة و الحياة "رخيصة جداا" هناك. انا رحت Yogyakarta نزلت انا و ٣ صحابي ف hostel كل واحد ب ٦٦ جنية فاليوم.
روح هناك جبل Kalibiru و اشهر معبدين فاندونيسيا Prambanan و Borobudur و لازم تروح Pindul Caves و عووم فالنهر و جرب تنط مرة واحدة بهدومك وهي ناشفة من فوق الشلال و اتصور فيديو و انت بتنط و خد صور كتير فكل حتة. بجد الحياة حلوة و سهلة طول منتا عايشها صح. متستنوش شهر عسل عشان تسافروا فية و مش هتعملوا نص الحاجات دي. السفر لاي حد وفجميع الاعمار واللي يقولك غير كدة يبقي حماار".
اللي عمل المغامرة دي بنت .. مصرية .. محجبة .. والمفاجأة .. لسه عايشة وكتبتلنا البوست ده! ولا اتخطفت في الهوستيل ولا تاهت ومحدش لاقيها لحد دلوقت .. ولا صرفت مليون جنيه! كسر كل أفكارك الغلط عن السفر!
ماليزيا واندونيسيا بعيون ندي برهام.
تاني عشان الأسئلة كترت عن ماليزيا
تعرفى انك عشان مصرية ممكن تسافرى ماليزيا من غير اي فيزا اصلاً ؟
"كل اللي محتاجة تعمليه انك تحجزي تذكرة طيران ( وتطلعي تصريح أمني من المجمع لسه عاملينه جديد لماليزيا ) وتسافري و هناك فالمطار بتاخدي Pass علي الباسبور ببلاش لمدة ٩٠ يوم.
فُكك بقي من جو لما اتجوز هبقي اروح أقضي شهر عسلي فماليزيا او اندونيسيا او تايلاند..الجو دة قدم.
البلاد دي عشان جميلة فعلا بيرحوها فشهر العسل بس بيقعوا دم قلبهم تبع شركات السياحة ليومين تلاثة بس. انت هتروح هتقعد انت و عيلتك او صحابك فhostel الاسبوعين ب ٤٦٠ جنيه يعني الاسبوع ب٢٣٠ جنيه.
الاماكن السكنية كتير و"رخيصة" بينزل فيها أسرة و ناس كبار مش صغيرين بس، بتحجز من علي النت من موقع Booking وهشوف اسعار كل حاجة. العملة هناك ال 1 RM ب 2 LE يعني ولا حاجة بالمقارنة بالدولار او اليورو. الحياة هناك "رخيصة"، و هتحس انك عايش وبتتفسح كبني آدم فدولة متقدمة و متحضرة و في اماكن كتير ممكن تتراح و منها ببلاش أشهرها ال Petronas Twin Towers اطول برجين توأمين فالعالم و Batu Caves اشهر معبد هندي فماليزيا و بالنسبة للمواصلات، كتيرة و "رخيصة" و مفيش اسهل منها.
في حاجة تانية انا عملتها، ممكن تاخدلك قطر مكيف ب ٤٠ جنيه ٦ ساعات من بليل تكون الصبح وصلت لجزيرة Penang، تاخدلك الFerry تدخلك الجزيرة و تروح تحجز يومين تلاثة فhostel ب ٦٠ جنية فاليوم ( انا كنت نازلة ف hostel اسمه Old Penang). هناك لازم تروح Penang Hill أعلي قمة فالجزيرة اللي من عليها بتشوف منظر للجزيرة كلها والجبال عالطبيعة أحلي ماللي بتشوفه فالافلام مليون مرة بس هات معاك ال Student card لو انت طالب هيبقي ليك خصم هتبقي ٣٠ جنية بدل ٦٠ و فية غابة Taman Negara بتمشي فغابة و ترجع بمركب مزبهِل حبتين مالمنظر حواليك بس عادي غصب عنك المنظر وهم. الاكل فماليزيا "رخيص" إعرف بس انك هتاكل رز و مكرونة كتير.
مجنون سفر؟ ممكن تاخد طيران ساعة و نص من ماليزيا تروح اندونيسيا تعدلك يومين تلاتة.. اندونيسيا ليها فيزا On arrival ب 35 دولار ..عُملتنا أعلي من العُملة الروبِيَة و الحياة "رخيصة جداا" هناك. انا رحت Yogyakarta نزلت انا و ٣ صحابي ف hostel كل واحد ب ٦٦ جنية فاليوم.
روح هناك جبل Kalibiru و اشهر معبدين فاندونيسيا Prambanan و Borobudur و لازم تروح Pindul Caves و عووم فالنهر و جرب تنط مرة واحدة بهدومك وهي ناشفة من فوق الشلال و اتصور فيديو و انت بتنط و خد صور كتير فكل حتة. بجد الحياة حلوة و سهلة طول منتا عايشها صح. متستنوش شهر عسل عشان تسافروا فية و مش هتعملوا نص الحاجات دي. السفر لاي حد وفجميع الاعمار واللي يقولك غير كدة يبقي حماار".
اللي عمل المغامرة دي بنت .. مصرية .. محجبة .. والمفاجأة .. لسه عايشة وكتبتلنا البوست ده! ولا اتخطفت في الهوستيل ولا تاهت ومحدش لاقيها لحد دلوقت .. ولا صرفت مليون جنيه! كسر كل أفكارك الغلط عن السفر!
ماليزيا واندونيسيا بعيون ندي برهام.
تاني عشان الأسئلة كترت عن ماليزيا