O
Omar Alaa
:: مسافر ::
بودابست .. عاصمة المجر من وجهة نظرى من اجمل البلاد اللى زورتها .. مبشوفش بوستات كتير عنها فا قولت اتكلم عنها عشان فعلاً تستحق .. مينفعش يكون معاك شينجن و متعاديش على بودابست .. بلد ممتعة .. جواها جميل و ناسها لطيفة .. بتتقسم جزئين بودا و بيست و بيفصل بينهم كوبرى .. فيها 3 أو 4 كبارى مشهورين منهم واحد بيتقفل فى الصيف من العربيات و بيكون للناس بس بيسهروا و يغنوا و يرقصوا عليه.
- بودابست الجميل جدا فيها ان فيها القديم و الجديد .. أماكنها السياحية زى Buda castle , Fisherman bastion , heroes square , و الكاتدرائية , و فيها اجمل مبنى برلمان فى العالم و برضه ده من المعالم السياحية هناك.
- ال nightlife جميلة جدا جدا فى وسط البلد ..
- الشوارع جميلة و نضيفة و كلها مبانى قديمة جميلة أو مبانى حديثة و فنادق بس شكلها حلو
- رخيصة جداً بالنسبة لدول الشينجن "السنة اللى فاتت الجنيه كان بيعمل ٣٣ من عملتهم بس للأسف السنة ديه بيعمل ١٥ بس" بس عملتهم ملهاش قيمة و اقل عملة ورقية ب ٥٠٠ .. ال١٠٠ و ال ٢٠٠ coins
- اشهر محل اكل هناك اسمه pizza king و ده مالوش اى علاقة ب pizza king اللى هنا فى مصر .. و ده مشهور ليه بقى ؟ كان بيبيع ساندوتش الشاورما و البيبسى بيورو و نص .. كنت باكل شاورما و بيبسى كل يوم ب ١٥ جنيه "و مش لحم حمير" و كان بيبيع قطعة البيتزا و البيبسى ب اقل من يورو اعتقد عشان كدا مشهور جدا و الميزة فيه كمان أنه ليه فروع كتير جداً يمكن مع كل محطة اوتوبيس أو مترو فى وسط البلد و فى أماكن تانية كتير.
- بمناسبة الاوتوبيس و المترو .. المجر فيها انضف شبكة موصلات شوفتها فى ال٦ بلاد اللى زوتهم من النضافة و السهولة و السعر .. انضف من روما بسنين ضوئية كتير .. الاوتوبيسات كلها جديدة و فيها شاشات و تسجيل صوتى بأسامى المحطات و نفس الكلام فى المترو و اللى بيميزها عن باريس و ڤيينا مثلاً أنها اكيد ارخص بكتير .. فيها ٣ خطوط مترو منهم اقدم خط مترو فى أوروبا و كلهم نضاف جداً لدرجة ان فى محطات كنت بحس نفسى فى مطار مش محطة قطر.
- فيها ميزة تانية انها بلد سياحية فا الطيران الداخلى لأكتر البلاد منها و ليها بيكون رخيص جداً "كنت حاجز من ميلان لبودابيست ب١٣ يورو"
- على حدودها بولندا و سلوفاكيا و سلوفينيا و النمسا و اوكرانيا يعنى ممكن تروح أماكن كتير بالقطر "رايح جاى لڤيينا كان ب ٣٠ يورو".
- وسط البلد هناك جميلة جداً لدرجة ان كل يوم كنت بنزل اكل و اتمشى أو اقعد عند النهر و مبزهقش.
- الجزء بتاع بيست احلى و فيه حاجات اكتر تتعمل.
- فيها جبل المنظر من فوق لو بصيت تحت جميل و لو بصيت من الشارع لفوق على الجبل جميل برضه لأن فيه كذا تمثال باين من الجبل يخليك تتوهم اول ما تشوفه.
- الهدايا و الحاجات السياحة مش رخيصة اوى زى باقى البلد.
- بالنسبة للنقطة اللى كان عليها خلاف فى بوست اوكرانيا و انها مش أمان فا انا فى أوكرانيا شوفت فعلاً حاجات عنصرية بس بسيطة جدا و لو فى جروب ده امان اكتر لكن فى المجر بصراحة كنت بشوف على طول و بأعداد كبيرة بنات محجبات و يمكن منتقبات و محدش كان بيكلمهم ولا يبصلهم حتى بصة وحشة.
- لو معاك شينجن روح بودابست و اكيد هتتبسط .. و لو حد محتاج يسأل عن حاجة هناك يسألنى فى اى وقت.
- انا كنت مسافر تبع منظمة طلابية عشان محدش يسألنى عن الڤيزا انا اصلا معرفش خدتها ازاى .. بس كان معايا دعوة و ورقى سليم و معايا ڤيزتين لبلاد "مش شينجن" قبل كدا.
- و عشان سؤال الطيران برضه فا هى التذكرة بعد التعويم من اقل من ٦٠٠٠ يمكن تلاقى اقل حاجة بسيطة أو مش فى فترة الصيف خالص.
*الصور كلها تصويرى
- بودابست الجميل جدا فيها ان فيها القديم و الجديد .. أماكنها السياحية زى Buda castle , Fisherman bastion , heroes square , و الكاتدرائية , و فيها اجمل مبنى برلمان فى العالم و برضه ده من المعالم السياحية هناك.
- ال nightlife جميلة جدا جدا فى وسط البلد ..
- الشوارع جميلة و نضيفة و كلها مبانى قديمة جميلة أو مبانى حديثة و فنادق بس شكلها حلو
- رخيصة جداً بالنسبة لدول الشينجن "السنة اللى فاتت الجنيه كان بيعمل ٣٣ من عملتهم بس للأسف السنة ديه بيعمل ١٥ بس" بس عملتهم ملهاش قيمة و اقل عملة ورقية ب ٥٠٠ .. ال١٠٠ و ال ٢٠٠ coins
- اشهر محل اكل هناك اسمه pizza king و ده مالوش اى علاقة ب pizza king اللى هنا فى مصر .. و ده مشهور ليه بقى ؟ كان بيبيع ساندوتش الشاورما و البيبسى بيورو و نص .. كنت باكل شاورما و بيبسى كل يوم ب ١٥ جنيه "و مش لحم حمير" و كان بيبيع قطعة البيتزا و البيبسى ب اقل من يورو اعتقد عشان كدا مشهور جدا و الميزة فيه كمان أنه ليه فروع كتير جداً يمكن مع كل محطة اوتوبيس أو مترو فى وسط البلد و فى أماكن تانية كتير.
- بمناسبة الاوتوبيس و المترو .. المجر فيها انضف شبكة موصلات شوفتها فى ال٦ بلاد اللى زوتهم من النضافة و السهولة و السعر .. انضف من روما بسنين ضوئية كتير .. الاوتوبيسات كلها جديدة و فيها شاشات و تسجيل صوتى بأسامى المحطات و نفس الكلام فى المترو و اللى بيميزها عن باريس و ڤيينا مثلاً أنها اكيد ارخص بكتير .. فيها ٣ خطوط مترو منهم اقدم خط مترو فى أوروبا و كلهم نضاف جداً لدرجة ان فى محطات كنت بحس نفسى فى مطار مش محطة قطر.
- فيها ميزة تانية انها بلد سياحية فا الطيران الداخلى لأكتر البلاد منها و ليها بيكون رخيص جداً "كنت حاجز من ميلان لبودابيست ب١٣ يورو"
- على حدودها بولندا و سلوفاكيا و سلوفينيا و النمسا و اوكرانيا يعنى ممكن تروح أماكن كتير بالقطر "رايح جاى لڤيينا كان ب ٣٠ يورو".
- وسط البلد هناك جميلة جداً لدرجة ان كل يوم كنت بنزل اكل و اتمشى أو اقعد عند النهر و مبزهقش.
- الجزء بتاع بيست احلى و فيه حاجات اكتر تتعمل.
- فيها جبل المنظر من فوق لو بصيت تحت جميل و لو بصيت من الشارع لفوق على الجبل جميل برضه لأن فيه كذا تمثال باين من الجبل يخليك تتوهم اول ما تشوفه.
- الهدايا و الحاجات السياحة مش رخيصة اوى زى باقى البلد.
- بالنسبة للنقطة اللى كان عليها خلاف فى بوست اوكرانيا و انها مش أمان فا انا فى أوكرانيا شوفت فعلاً حاجات عنصرية بس بسيطة جدا و لو فى جروب ده امان اكتر لكن فى المجر بصراحة كنت بشوف على طول و بأعداد كبيرة بنات محجبات و يمكن منتقبات و محدش كان بيكلمهم ولا يبصلهم حتى بصة وحشة.
- لو معاك شينجن روح بودابست و اكيد هتتبسط .. و لو حد محتاج يسأل عن حاجة هناك يسألنى فى اى وقت.
- انا كنت مسافر تبع منظمة طلابية عشان محدش يسألنى عن الڤيزا انا اصلا معرفش خدتها ازاى .. بس كان معايا دعوة و ورقى سليم و معايا ڤيزتين لبلاد "مش شينجن" قبل كدا.
- و عشان سؤال الطيران برضه فا هى التذكرة بعد التعويم من اقل من ٦٠٠٠ يمكن تلاقى اقل حاجة بسيطة أو مش فى فترة الصيف خالص.
*الصور كلها تصويرى
