مساء الفل .. معلش عندي سؤال هو لو حد ابوه...

[Fady Talaat Edward]

مساء الفل .. معلش عندي سؤال
هو لو حد ابوه وامه مصريين وهو اتولد في هولندا وعاوز يجي مصر لوحده بس مش معاه ID مصري هو عنده ١٧ سنة إيه الورق المطلوب منه فالمطار أو لو فيه فيزا لدخول مصر بالباسبور الهولندي؟
شكرا

 

[Sami Elmetwali]

لو معاك الجنسيه الهولندي من فضلك اتفرج ع فلم عسل اسود... وانسى انك مصري نهائي

 

[Maya Hatem]

الباسبور يدخله من غير فيزا

 

[Heba Fayek]

يباخد فيزا من مطار القاهره عند الوصول كانت ب 20 دولار لغايه شهر 5 السنه اللى فاتت معرفش دلوقت بقت بكام

 

[Hassan El Sisy]

اهم حاجة تعرف وضعه هيبقى ايه بالنسبة للتجنيد فى حالة اذا هيعاملوه كمصرى او من اصل مصرى

 

[Ayman Zaghloul]

هياخدوك الجيش

 

[Ahmed Kotb]

أوعى تقع في خازوق التجنيد لتزعل

 

[Ahmed Elrawy]

نصيحه لوجه الله اوعى تعملها وتيجى
والله ماهترجع تانى

 

[Mohamed Alfey]

bynzl 3adi be passport bta3o 2l hollandy we bya5od visa fel airport we mygbsh seera 2nno msry

 

[Akram Abdel Hamid]

لو مالوش شهادة ميلاد مصرية فاسمه مش موجود عندنا وبالتالي مالوش جيش اساسا...
لكن فيه إحتمالية انهم بسبب الاسم وممكن الشكل مصري فيسألوك معاك باسبور مصري وانت مصري..؟؟
متتكلمش أساسا عربي وقول لهم انك هولندي فقط ودي اول زيارة ليك للسياحة...
هتاخد فيزا سياحة شهر وممكن تجددها أو تمدها وحتى لو كسرتها اخرها غرامة وانت ماشي... مفيش عندنا بلاك ليست...

 

[Akram Abdel Hamid]

نصيحة لو مفيس حاجة مهمة قوي بلاش تيجي... احنا في بلد مالهاش كتالوج وممكن أي حاجة وكل حاجة تحصل وبدون سند من قانون...

 

[Nader Adel]

انت بتتكلم عنى ولا ايه
انا بارضو باسبورى هولندى و 17 سنة بس هكمل 18 الشهر ده
هيدخل مصر ب تاشيرة عند الوصول عادى بس لو مش معاه باسبور مصرى يقعد الفترة اللى مسموحله بيها ف التاشيرة ميعديهاش مش فاكر هيا قد ايه الصراحه عشان ميحصلكش مشاكل قبل ميمشى
هو معملش شهادة ميلاد مصرية ولا اى حاجه تثبت انه مصرى ؟
لو معاه الجنسية المصرية يا ريت يسيب مصر قبل ميوصل لسن التجنيد عشان هيشوف قرف مشافوش ف حياته و احتمال كبير يلبس جيش رغم ازدواج الجنسية

 

[Asmaa Abdelhady]

متجيش

 

[Hend Salem]

١٧ سنة اصلا جيش ايه ... لسه ماوصلش سن التجنيد !!
لو هيدخل بالباسبور الهولندى هياخد تاشيرة من المطار و يدخل عادى

 

[Sameh Nour]

جواز سفر دول الاتحاد الاوروبي يجوز له أن يحصل على تأشيرة دخول من المطار قيمتها حوالي 18 دولار أمريكي، أو يقدم عليها في السفارة المصرية بأمستردام

 

[Omnia Hassan]

افتكر ان قولنالك بلااااش

 

[Samy M Mohy El-dein]

تعالي بفيزا احسنلك

 

[Shimaa Monir]

بلاش تدخل بالبسبور المصري، عن تجربة حد قريبي في نفس السن، و معاه جنسية والدته ، دخل بالباسبور المصري، قرفوه ف المطار بسبب التجنيد و س و ج
و هو اصلا ملوش اخوات و دي كانت اخر مرة يستعمل الباسبور المصري

 

[Shehab Ahmad]

لو دخلت مصر وعملت بطاقة هتتطلب في الجيش ادخل عادي كأنك هولندي

 

[Mohamed A Latif]

ايه الموضوع في كدا ، بالظبط اكنك مواطن اوربي . هيا فيزا ب ٢٥ دولار وانت واقف في المطار وشكرا ، ولا هوا كان عايز يوفر تمن الفيزا ؟!