A
Ahmed Fawzy
:: مسافر ::
باريس كنت ساكن فيها في مكان أسمه Gare du Nord ، يبعد عن برج إيفيل تقريباً ساعة مشي ، صحيت من النوم قلت أتمشي شوية لحد برج إيفيل أهي تبقي رياضة وبالمرة أشوف البلد ، اللذيذ في الموضوع أني وصلت بعد 3 ساعات ونص تقريباً وده طبعا لأني كنت كل ما أشوف مكان حلو أقف أعرف أيه المكان ده وأتصور جنبة ، اللي لفت نظري أكتر حاجة في باريس أن العمارات بتاعتهم نسخة طبق الأصل لعمارات وسط البلد بالقاهرة ، حسيت أني بتمشي عندنا في وسط البلد أقسم بالله ، بس العمارات بتاعتهم مهتمين بيها حبتين وواجهتها نضيفة شوية وفيها ورد في كل بلكونة ، إنما التصميم واحد بالظبط ، علي عكس عمارات باقي المدن الآوروبية.
الصورة من قدام أوبرا باريس
الصورة من قدام أوبرا باريس
